མཚོ་སྤེལ﹝2015﹞ཡིག་ཨང་དང་བོ།

ཀྲུང་གུང་མཚོ་སྔོན་ཞིང་ཆེན་ཏང་ཨུའི་ཡིག་ཆ།

མཚོ་སྤེལ﹝2015﹞ཡིག་ཨང་དང་བོ།

ཀྲུང་གུང་མཚོ་སྔོན་ཞིང་ཆེན་ཏང་ཨུ་དང་མཚོ་སྔོན་ཞིང་ཆེན་མི་དམངས་སྲིད་གཞུང་གིས་ཕྱོགས་ཡོངས་ནས་རོང་འབྲོག་ཁུལ་བཅོས་བསྒྱུར་གཏིང་ཟབ་བྱས་ཏེ་མགྱོགས་མྱུར་སྒོས་མཐོ་སྒང་གི་དེང་རབས་ཅན་གྱི་སྐྱེས་ཁམས་རོང་འབྲོག་ལས་བསྐྲུན་པར་སྐུལ་འདེད་བྱེད་པའི་སྐོར་གྱི་བསམ་འཆར།

﹙2015ལོའི་ཟླ1བའི་ཚེས8ཉིན།﹚

2014ལོར། ཞིང་ཆེན་ཡོངས་སུ་ནན་ཏན་སྒོས་ཀྲུང་དབྱང་གི་ཡིག་ཆ་དང་བོའི་དགོངས་དོན་ལག་ལེན་མཐིལ་ཕྱིན་མཛད་དེ།ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་སྤྱིའི་འཆར་འགོད་ལྟར། བརྟན་བརླིང་གི་ཁྲོད་ནས་འཕེལ་རྒྱས་སུ་འགྲོ་བར་བརྩོན་པའི་སྤྱིའི་འཕེལ་སྟངས་དམ་དུ་བཟུང་ཞིང་།ཕྱོགས་ཡོངས་ནས་བརྟན་པོར་འཕར་བ་དང་བཅོས་བསྒྱུར་ལ་སྐུལ་འདེད། སྒྲིག་གཞི་སྡེབ་བཀོད།དམངས་འཚོར་ཕན་ཐོན།བདེ་འཇགས་གཏན་སྲུང་སོགས་སྲིད་ཇུས་རབ་དང་རིམ་པའི་བྱེད་ཐབས་དོན་འཁྱོལ་བྱས་ནས་བློ་བརྟན་ཡར་འཕེལ་དང་དཀའ་སྤྱད་འབད་བརྩོན།དུས་བསྟུན་ཇུས་འགོད། ཧུར་ཐག་གདོང་ལེན།  ཞིང་ལས་དང་ཞིང་སྡེ། ཞིང་བ།འབྲོག་ལས་དང་འབྲོག་ཁུལ།འབྲོག་པ་བཅས་གསུམ་དུ་འཕེལ་རྒྱས་ཀྱི་ཐོད་བརྒལ་གསར་བ་མངོན་དེ་གྲུབ་འབྲས་གསར་བ་བླངས་ཤིང་།སྒུལ་ཤུགས་གསར་བ་སྦྱིན་ནས་མུ་མཐུད་དུ་བརྟན་བརླིང་དང་ཅུང་མགྱོགས་པ།བརྟན་པོའི་ཁྲོད་ཡར་སྐྱེད་དང་ཇེ་ལེགས།ཕན་ཐོན་བཅས་ཡོད་པའི་འཕེལ་རྒྱས་ཀྱི་རྣམ་པ་མངོན་ཡོད།འབྲུ་རིགས་ཀྱི་ཐོན་ཚད་བསྟུད་མར་ལོ་བདུན་ལ་ཏུན་བརྒྱ་ཁྲི་ལས་བརྒལ་ཞིང་། ཞིང་སྡེ་སྡོད་དམངས་ཀྱི་མི་རེར་ཆ་སྙོམས་ཀྱི་བཀོད་གཏོང་ཡོང་སྒོ་བསྟུད་མར་ལོ་ལྔར་གནས་གྲངས་གཉིས་འཕར་བ་རྒྱུན་བསྐྱངས།རོང་འབྲོག་ལས་ཀྱི་འཕར་སྣོན་རིན་གྲངས5﹪རྒྱུན་བསྐྱངས་ནས་འཕེལ་བའི་རྣམ་པ་ལེགས་པོ་མངོན་པ་དང་ལས་དོན་སོ་སོས་གྲུབ་འབྲས་གསར་བ་བླངས་ཏེ། ཞིང་ཆེན་ཡོངས་ཀྱི་དཔལ་འབྱོར་སྤྱི་ཚོགས་བརྟན་བརླིང་ཁྲོད་འཕེལ་རྒྱས་སུ་འགྲོ་བར་བྱེད་ནུས་དང་དཔུང་ཤུགས་སྩལ།

རང་ཞིང་གི་དཔལ་འབྱོར་འཕེལ་རྒྱས་གནས་བབ་གསར་བར་ཕྱིན་ཞིང་རོང་འབྲོག་ཁུལ་གྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་གཞི་རྐང་བསྒྱུར་བའི་དུས་རིམ་ལ་བསླེབས་ཡོད།ལོ་ངོ་དུ་མར་ཐོན་སྐྱེད་དང་ཡོང་སྒོ་མུ་ནས་འཕར་རྗེས།རོང་འབྲོག་ཁུལ་གྱི་སྲོལ་རྒྱུན་གྱི་འཕེལ་དར་རྒྱུ་ཆ་ཡུན་གྱིས་ཇེ་ཞན་དུ་སོང་ཞིང་། མུ་མཐུད་དུ་འཕེལ་རྒྱས་ཀྱི་རྣམ་པ་བསྒྱུར་དགོས། རོང་འབྲོག་པའི་ཡོང་སྒོ་འཕར་བར་དཀའ་གནད་གསར་བ་དང་འཕྲད་པས་མུ་ནས་འཕེལ་རྒྱས་ཀྱི་རྒྱུ་ལམ་སྙོམས་པོར་གཏོང་དགོས། རོང་འབྲོག་ཁུལ་གྱི་རྨང་གཞིའི་སྒྲིག་ཆས་སྔར་བཞིན་ཞན་པས་འཛུགས་སྐྲུན་གྱི་ཤུགས་ཚད་ཆེ་ཆེར་གཏོང་དགོས། སྐྱེ་ཁམས་སྲུང་སྐྱོང་དང་འཛུགས་སྐྲུན་གྱི་ལས་འགན་སྔར་བཞིན་ལྕི་བས་ཕྱོགས་ཡོངས་ནས་སྐྱེ་ཁམས་སྲུང་སྐྱོང་དང་བོ་ཡིན་པའི་བླང་བྱ་དོན་འཁྱོལ་བྱ་དགོས། ཞིང་ཆེན་གོང་འོག་ནས་ངེས་པར་དུ་ངེས་ཤེས་གསལ་བ་དང་མཐོང་ཆེན་བྱེད་པ།ཧུར་ཐག་འབད་བརྩོན་བགྱིས་པ་བཅས་རྒྱུན་བསྐྱངས་ནས་མཐོ་སྒང་གི་ཁྱད་ཆོས་ལྡན་པའི་དེང་རབས་སྐྱེ་ཁམས་རོང་འབྲོག་ལས་མྱུར་མོར་བསྐྲུན་དགོས།

2015ལོའི་རོང་འབྲོག་ལས་དང་རོང་འབྲོག་ཁུལ་གྱི་བྱ་བའི་སྤྱིའི་བླང་བྱ་ནི།ཏིན་ཞའོ་ཕིན་གྱི་རིགས་པའི་གཞུང་ལུགས་དང་མཚོན་བྱེད་གསུམ་གྱི་དགོངས་དོན་གལ་ཆེན།ཚན་རིག་གི་འཕེལ་རྒྱས་ཀྱི་ལྟ་བ་བཅས་ནི་མཛུབ་འཁྲིད་བྱས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིན་གྱི་གསུང་བཤད་རབ་དང་རིམ་པའི་དགོངས་དོན་ལག་ལེན་མཐིལ་ཕྱིན་དང་ཕྱོགས་ཡོངས་ནས་ཏང་འཐུས་ཚོགས་ཆེན་བཅོ་བརྒྱད་པ་དང་སྐབས་བཅོ་བརྒྱད་པའི་ཚང་འཚོམས་གྲོས་ཚོགས་ཐེངས་གསུམ་པ། བཞི་བ། ཀྲུང་དབྱང་གི་ཞིང་སྡེ་བྱ་བའི་གྲོས་ཚོགས་ཀྱི་དགོངས་དོན་དང་ཞིང་ཆེན་ཏང་ཨུའི་ཚང་འཛོམས་གྲོས་ཚོགས་བཅས་ཀྱི་དགོངས་དོན་ལག་ལེན་མཐིལ་ཕྱིན་བྱས་ཏེ། རང་ནུས་ཀྱིས་གནས་བབ་གསར་བའི་དཔལ་འགྱུར་གྱི་འཕོ་འགྱུར་ལ་བསྟུན་པ་དང་སྐྱེས་ཁམས་སྲུང་སྐྱོང་ནི་གལ་ཆེན་དུ་འཛིན་པའི་འདུ་ཤེས་རྒྱུན་འཁྱོངས་སྒོས་བརྟན་པའི་ཁྲོད་ནས་འཕེལ་རྒྱས་ཡོང་བ་དང་གསར་གཏོད་བཅོས་བསྒྱུར།ཁྲིམས་ལ་བརྟེན་ནས་ཞིང་ལས་བཅོས་སྐྱོང་བྱེད་པ་བཅས་རྒྱུན་བསྐྱངས་ནས། རོང་འབྲོག་ལས་རྒྱུན་མཐུད་འཕེལ་རྒྱས་ཡོང་བའི་ཕྱོགས་སུ་སྐུལ་འདེད་གཏོང་བ་དང་རོང་འབྲོག་ལས་རྒྱུད་འཕར་ཕན་ཐོན་དང་རོང་འབྲོག་པའི་ཡོང་འབབ་བསྟུད་མར་འཕར་བ་ནི་དམིགས་འབེན་དུ་བཟུང་ཞིང་།མགྱོགས་མྱུར་སྒོས་རོང་འབྲོག་ལས་ཀྱི་འཕེལ་སྟངས་བསྒྱུར་བ་དང་རོང་འབྲོག་ལས་ཀྱི་འཕར་གནས་གསར་བ་གསོ་སྤེལ་བགྱིས་ཏེ་ཞིང་སྡེ་དང་འབྲོག་ཁུལ་གསར་བ་བསྐྲུན་པར་སྐུལ་འདེད་བཏང་ནས་ཞིང་ཆེན་ཡོངས་ཀྱི་དཔལ་འབྱོར་སྤྱི་ཚོགས་བདེ་ཐང་ངང་རྒྱུན་མཐུད་འཕེལ་རྒྱས་ཡོང་ཆེད་ནུས་ཤུགས་འདོན་དགོས།

གཅིག སྐྱེ་ཁམས་སྲུང་སྐྱོང་དང་འཛུགས་སྐྲུན་ཇེ་དྲག་ཏུ་བཏང་ནས།རོང་འབྲོག་ལས་རྒྱུན་མཐུད་འཕེལ་རྒྱས་ཡོང་བར་སྐུལ་འདེད་བྱ་དགོས།  

   སྐྱེ་ཁམས་སྲུང་སྐྱོང་རྒྱུན་འཁྱོངས་བྱེད་པ་དང་པོ་ནི་རང་ཞིང་མ་འོངས་པར་ཁ་ཕྱོགས་པའི་་འཐབ་ཇུས་ཀྱི་གདམ་ག་ཡིན་པ་རེད། སྐྱེ་ཁམས་སྲུང་སྐྱོང་བྱེད་པར་རྒྱུན་འཁྱོངས་བྱས་ནས་སྲུང་སྐྱོང་ཁྲོད་འཕེལ་རྒྱས་འབྱུང་བ་དང་སྐྱེ་ཁམས་གཏོར་བརླག་དང་ཁོར་ཡུག་གནོད་ཐེབས་ལ་བརྟེན་ནས་གནས་སྐབས་ཙམ་གྱི་དཔལ་འབྱོར་འཕེལ་རྒྱས་ཐད་བློས་གཏོང་གཏན་ནས་མི་རུང་། སྐྱེ་ཁམས་དཔལ་འབྱོར་དམ་དུ་བཟུང་ནས་སྐྱ་ཁམས་དཔལ་ཡོན་འཛུགས་སྐྲུན་བྱེད་པ་དང་རོང་འབྲོག་ལས་རྒྱུན་མཐུད་འཕེལ་རྒྱས་ཡོང་བར་སྐུལ་འདེད་གཏོང་དགོས།

1.སྐྱེ་ཁམས་སྲུང་སྐྱོང་གཙོ་བོའི་བཟོ་སྐྲུན་གྱི་འཛུགས་སྐྲུན་ལ་སྐུལ་འདེད་བྱ་དགོས། སྐྱེ་ཁམས་སྲུང་སྐྱོང་གནད་ཐིག་གཏན་ཁེལ་བྱ་བ་འགྲུབ་དགོས་པ་དང་རྒྱལ་ཁབ་ཀྱི་སྐྱེ་ཁམས་བདེ་འཇགས་ཚད་ཐིག་དམ་སྲུང་དང་། ནུས་ཤུགས་ཡོད་རྒུ་བཏོན་ནས་གཙང་གསུམ་འབྱུང་ཡུལ་གྱི་དུས་རིམ་གཉིས་པ་དང་མཚོ་སྔོན་པོའི་འགྲམ་རྒྱུད། མདོ་ལ་རི་བོའི་ཆུ་མགོའི་གསོ་སྤེལ་ས་ཁུལ། ཚྭ་འདམ་གཞོང་།ཙོང་ཆུའི་འབབ་རྒྱུན་སོགས་སྐྱེ་ཁམས་སྲུང་སྐྱོང་གཙོ་བོ་དང་ཁོར་ཡུག་སྣ་འཛོམས་བཅོས་སྐྱོང་བཟོ་སྐྲུན་བཅས་དང་།བྱང་གསུམ་ནགས་འགོག་རིམ་ལྔ་དང་རང་བྱུང་ནགས་ཚལ་སྲུང་སྐྱོང་སོགས་ཀྱི་ནགས་ལས་བཟོ་བཀོད་ཆེན་པོ་སྤེལ་བ་དང་།ཟི་ལིང་དང་མཚོ་ཤར་ལྷོ་བྱང་རི་རྒྱུད་ཀྱི་ནགས་འཛུགས་ལ་སྐུལ་འདེབས་བཏང་ནས། ནུབ་བྱང་རྒྱུད་ཀྱི་ཐན་པའི་ས་ཁུལ་གྱི་རོང་འབྲོག་ཁུལ་རྒྱུན་མཐུད་འཕེལ་རྒྱས་དང་རྩྭ་འདེབས་བཅོས་སྐྱོང་གི་ཚོད་ལྟའི་གནས་འཛུགས་པ་དང་། འབག་ཆུ་བཅོས་སྐྱོང་དང་སྐྱེ་ཁམས་སྲུང་སྐྱོང་ནུས་ཤུགས་ཆེས་ཆེར་སྐྱེད་དེ་མིས་ཆར་ཕབ་བྱ་བ་སྤེལ། རྨོ་སྐྱུར་རྩྭ་འདེབས་བཟོ་སྐྲུན་གསར་བ་སྐོར་ཞིག་ལག་བསྟར་བྱས་ནས་རྒྱལ་ཁབ་ཀྱི་སྐྱེ་ཁམས་གཙོ་གྲས་རྫོང་གི་ལག་བསྟར་ཁྱབ་ཁོངས་རྒྱ་སྐྱེད་པར་བརྩོན་ལེན་བྱས། གཤིན་ས་སྲུང་སྐྱོང་དང་སླར་གསོའི་བཟོ་སྐྲུན་སྤེལ། ཤར་རྒྱུད་ཀྱི་ས་དམར་དང་རི་དེའུ་གྲམ་པ་བཅས་ཀྱི་ཆུ་རྒྱུན་སྣ་འཛོམས་བཅོས་སྐྱོང་ལག་བསྟར་དང་། ཕྱུགས་སྐྱུར་རྩྭ་འདེབས་དང་འབྲོག་ཁུལ་གྱི་མེ་སྐྱོན་འགོག་འཕྲི་བཟོ་སྐྲུན་མྱུར་བར་སྤེལ་ནས་ཞིང་ཆེན་ཡོངས་ཀྱི་སའི་བཅུད་དཔྱད་ལེན་འགྲུབ་དགོས། དབྱར་རྩྭ་དགུན་འབུའི་ཐོན་ཁུངས་སྲུང་བའི་སྒྲིག་ལམ་གསར་གཏོད་དང་། མེ་རི་གཏེར་ཁུལ་གྱི་ཁོར་ཡུག་བཅོས་སྐྱོང་དང་ས་དོང་བསྙམས་པ་དང་།རྩི་ཤིང་དང་གཤིན་སའི་སླར་གསོ་བཅས་སུ་གྲུབ་འབྲས་མངོན་གསལ་ལེན་པར་ཁག་འགན་བླངས།

2.སྐྱེ་ཁམས་སྲུང་སྐྱོང་གི་བྱ་དགའི་ཁ་གསབ་ནང་རྐྱེན་འཐུས་ཚང་བསྐྲུན་དགོས། ཚད་ལྡན་མ་ལག་འཐུས་ཚང་དང་རང་བྱུང་ཐོན་ཁུངས་ཀྱི་ཐོན་དབང་དང་བཀོལ་བྱའི་དོ་དམ་ལམ་ལུགས་ཚང་བསྐྲུན་བྱ་དགོས། སྐྱེ་ཁམས་ཞབས་ཞུའི་བྱེད་ནུས་རིན་ཐང་གི་ཞིབ་རྩིས་མ་ལག་དང་ལྟ་བཤེར་སྔོན་བརྡའི་དཔྱད་ལེན།ཐོན་ཁུངས་ཁ་གསབ་བེད་སྤྱོད་སོགས་ཀྱི་ནང་རྐྱེན་འཚོལ་བཤེར་སྒོས་བསྐྲུན་དགོས། སྐྱེ་ཁམས་སྲུང་སྐྱོང་གི་བྱ་དགའི་ཁ་གསབ་དང་གཙང་གསུམ་འབྱུང་ཡུལ་གྱི་སྐྱེ་ཁམས་ཁ་གསབ།སྤྱི་ཕན་ནགས་འཛུགས་ཀྱི་སྐྱེ་ཁམས་ཕན་ཐོན་ཁ་གསབ་ནང་རྐྱེན་ཚང་བསྐྲུན་བྱ་དགོས། རྩྭ་སའི་སྐྱེ་ཁམས་སྲུང་སྐྱོང་གི་རོགས་སྐྱོར་བྱ་དགའི་ཁ་གསབ་སྲིད་ཇུས་དོན་འཁྱོལ་བྱས་ནས་སྐྱེ་ཁམས་ཁ་གསབ་ནང་རྐྱེན་ལ་ཞིབ་འཇུག་ནན་མོ་བྱ་དགོས། ཏན་ཏན་ཏིག་ཏིག་གིས་སྐྱེ་ཁམས་ཁ་གསབ་སྲིད་ཇུས་སྔ་མོ་ནས་ལག་བསྟར་ཐུབ་པར་སྐུལ་འདེད་དགོས། རང་བྱུང་གི་ནགས་ཚལ་ཐོན་ཁུངས་སྲུང་སྐྱོང་བཟོ་སྐྲུན་གྱི་ཁ་གསབ་རོགས་སྐྱོར་དང་ནགས་ཚལ་སྐྱེ་ཁམས་ཕན་ལྡན་ཁ་གསབ་ཀྱི་ཚད་གཞི་ཇེ་མཐོར་གཏོང་བར་བརྩོན་ལེན་བྱ་དགོས།གཤིན་ས་དང་ཆུའི་ཁུངས་སྐྱེ་ཁམས་ཁ་གསབ་ཚོད་ལྟའི་གནས་སུ་མགོ་རྩོམ་པར་འབད་དགོས།ཧུར་ཐག་གིས་རྩྭ་ཐང་དང་ནགས་ཚལ་གྱི་བསྣོལ་བརྗེ་ནང་རྐྱེན་འཚོལ་ཞིབ་བྱ་དགོས།  

3.རོང་འབྲོག་ལས་འཁོར་སྐྱོད་དཔལ་འབྱོར་འཕེལ་བར་སྐུལ་འདེད་གཏོང་དགོས།ཆུ་གྲོན་དང་ས་ཞིང་གྲོན་ཆུང་། ནུས་གྲོན། ལུད་གྲོན། སྨན་གྲོན་བཅས་འཁོར་སྐྱོད་རོང་འབྲོག་ལས་ལག་རྩལ་ཁྱབ་གདལ་དང་ལུད་རྫས་སྡེབ་འཇོག་ཁྱབ་གདལ།ཕན་ཐོན་ཡུར་ཆུ་གྲོན་འདྲེན་ལག་ལེན་དང་ཕྱུགས་རྩྭ་བཏབས་ནས་ནོར་ལུག་གསོ་སྤེལ་དང་ནུས་ལྡན་ལུད་རྫས་འཁོར་སྤྱོད་གཙོ་བོ་ཡིན་པའི་རྩྭ་ཕྱུགས་འཁོར་སྐྱོད་ཕན་ཐོབ་ཐོན་སྐྱེད་རྣམ་པ་ཁྱབ་གདལ་དུ་གཏོང་དགོས། ཞིང་ལས་སུ་འབག་བཙོག་བཅོས་སྐྱོང་ནན་མོ་དང་།ཕྱུགས་རྩྭ་ལུད་རྫས་བེད་སྤྱོད་དང་ཞིང་སའི་ས་རྒོད་བསྐྱར་འདེབས་བྱེད་པ་མ་ཟད།གཏན་ཁེལ་ལྟར་འབྲེལ་ཡོད་ནོར་ཁྲལ་སྲིད་ཇུས་ལོངས་སུ་སྤྱོད་དགོས། ཞིང་སྡེའི་གསོལ་རླངས་དང་ཉི་ནུས། སྐྱེས་དངོས་མེ་གསོ་སོགས་ནུས་ཁུངས་གཙང་སེལ་བྱེད་པ་འཕེལ་རྒྱས་སུ་བཏང་ནས་རོང་འབྲོག་ལས་ཀྱི་དོར་སྙིགས་གནོད་མེད་ཅན་དང་ནུས་ཁུངས་ཅན།ཐོན་ཁུངས་ཅན་བཅས་སུ་བེད་སྤྱོད་བྱེད་པར་སྐུལ་འདེད་དགོས། ཕྱུགས་ཟོག་གསོ་གནས་ཆེན་པོས་ཁོར་ཡུག་ལ་ཐེབས་པའི་ཤུགས་རྐྱེན་དཔྱད་ལེན་ལམ་ལུགས་ལག་བསྟར་དགོས།

4.རོང་འབྲོག་ལས་ཀྱི་སྐྱེ་ཁམས་སྲུང་སྐྱོང་འགན་ཁུར་ནང་རྐྱེན་བསྐྲུན་དགོས། ས་ཞིང་མཉམ་གྲོན་དང་ཆུའི་ཐོན་ཁུངས་དོ་དམ།ཁོར་ཡུག་སྲུང་སྐྱོང་སོགས་ཀྱི་ལམ་ལུགས་ལག་བསྟར་བྱས་ནས་ལྟ་རྟོག་དཔྱད་ལེན་དང་ཚོད་བཀག་ནན་མོ་བྱས་ཏེ། མགོ་ཁུངས་ལ་སྲུང་སྐྱོང་ནན་མོ་བྱས་ནས་ཁོར་ཡུག་བཅོས་སྐྱོང་དང་སྐྱེ་ཁམས་སླར་གསོ། འགན་ཁུར་རྩད་གཅོད་ལམ་ལུགས་བཅས་ལག་ཏུ་བསྟར་དགོས། འཆར་འགོད་དང་འཛུགས་སྐྲུན་གྱི་ལས་གཞིའི་ཆུའི་ཐོན་ཁུངས་སྒྲུབ་བྱེད་ལམ་ལུགས་དང་རྟོག་ཞིབ་ལམ་ལུགས་ཁ་ཚང་བསྐྲུན་ནས་འགན་ཁུར་རྩད་གཅོད་དང་ལྟ་རྟོག་དོ་དམ་ནན་མོ་སྒོས་ཁྲིམས་ལྟར་སྐྱེས་ཁམས་ཁོར་ཡུག་ལ་གཏོར་བརླག་ཐེབས་པའི་སྤྱོད་ལམ་དག་འབུད་ནན་མོ་བྱ་དགོས།

གཉིས། རོང་འབྲོག་ལས་ཀྱི་འཕེལ་སྟངས་མྱུར་བར་བསྒྱུར་ནས་ནན་ཏན་སྒོས་དེང་རབས་སྐྱེ་ཁམས་རོང་འབྲོག་ལས་འཕེལ་རྒྱས་ཀྱི་ཆུ་ཚད་ཇེ་མཐོར་གཏོང་དགོས།

མཐོ་སྒང་གི་དེང་རབས་སྐྱེ་ཁམས་རོང་འབྲོག་ལས་ལེགས་པོར་སྤེལ་དགོས་ན་ངེས་པར་དུ་རྣམ་པ་བསྒྱུར་བ་དང་སྤུས་འདེགས་ཕན་ཐོན་ཡོད་དགོས། ལག་རྩལ་སྔོན་ཐོན་དང་ཐོན་རྫས་བདེ་འཇགས།  གཞི་ཁྱོན་འཚམ་པ། ཐོན་ཁུངས་གྲོན་ཆུང་། ཁོར་ཡུག་དང་མཛའ་མཐུན་ཡོད་པ་བཅས་འཕེལ་རྒྱས་ཀྱི་ལམ་དུ་བསྐྱོད་དགོས།

5.འབྲུ་རིགས་ཐོན་སྐྱེད་ནུས་པ་བརྟན་པོ་ཡོང་དགོས། རྒྱལ་ཁབ་ཀྱི་འབྲུ་རིགས་བདེ་འཇགས་འཐབ་ཇུས་དོན་འཁྱོལ་ནན་མོ་དང་རྨོ་སའི་སྲུང་སྐྱོང་ཚད་ཐིག་སྲུང་ནས་ཡུན་བརྟན་ཞིང་ས་བགོ་དགོས། ཞིང་སྡེའི་ས་ཞིང་སྣ་འཛོམས་བཅོས་སྐྱོང་དང་ས་ཐང་བསྙམས་ནས་རྩི་ཤིང་སྲུང་སྐྱོང་འཛུགས་སྐྲུན་བྱེད་པའི་བཟོ་སྐྲུན་ལག་བསྟར་དགོས། ཞིང་ལས་གནོད་འབུ་ལྟ་བཤེར་སྒོས་སྔོན་བརྡ་བཏང་ནས་ཆེད་ལས་རང་བཞིན་གྱིས་འགོག་བཅོས་བྱ་དགོས། ཕྱོགས་ཡོངས་སུ་ས་རྒོད་བསྐྱར་འདེབས་དང་སྐེ་ཚེའི་ཕན་ཁེ་མཐོ་བ། གནོད་མེད་འདེབས་འཛུགས་རྣམ་པའི་འགག་སྒོ་བརྒལ་བར་སྐུལ་འདེད་སྒོས་ཚད་ལྡན་ཞིང་ས་བསྐྲུན་དགོས། འབྲུ་རིགས་ཐོན་སྐྱེད་མང་བའི་རྫོང་གི་སྲིད་ཇུས་ལ་རོགས་འདེགས་ཇེ་ལེགས་དང་འབྲུ་རིགས་ཐོན་སྐྱེད་བརྟན་པོར་འཕེལ་བ། རོང་འབྲོག་པའི་རང་ཁ་རང་གསོ་ཐུབ་པར་ཁག་ལེན་བྱ་དགོས།  

6.ཞོར་ཟས་ཚལ་རིགས་ཀྱི་མཁོ་འདོད་ཆུ་ཚད་ཇེ་མཐོར་གཏོང་དགོས། མུ་མཐུད་དུ་ཞོར་ཟས་ཚལ་རིགས་བཟོ་སྐྲུན་གྱི་འཛུགས་སྐྲུན་སྐུལ་སྤེལ་བྱས་ནས་ཚལ་རིགས་དང་། ཕག་ཤ།  ནོར་ལུག  འོ་ལས།  ཆུའི་ཐོན་རྫས། སིལ་རིགས་སོགས་ཐོན་སྐྱེད་དམ་པོར་འཛིན་དགོས། མུ་མཐུད་དུ་ཚལ་རིགས་གཞི་གནས་རྨ་ཆུའི་གཞོང་ཁོག་ཏུ་སྤོ་བ་དང་ཚྭ་འདམ་ས་ཁུལ་དུ་རྒྱ་སྐྱེད་པར་སྐུལ་འདེད་དགོས། ནན་ཏན་གྱིས་ཞོར་ཟས་ཚལ་རིགས་བཟོ་སྐྲུན་གྲོང་ཁྱེར་དང་ཁུལ་དུ་འགན་གཙོའི་འགན་བཞེས་ལམ་ལུགས་དང་དམིགས་འབེན་དཔྱད་ལེན་ནང་རྐྱེན་དོན་འཁྱོལ་དགོས།ཚོད་འདེབས་ཞིང་སའི་སྲུང་སྐྱོང་ལམ་ལུགས་དང་འདེབས་འཛུགས་ཁ་གསབ་ལམ་ལུགས་ལག་བསྟར་བགྱིས་ནས་རྒྱ་ཁྱོན་བརྟན་ཞིང་རང་ས་གནས་སུ་མཁོ་འདོན་ཐུབ་པའི་ནུས་པ་ཇེ་མཐོར་གཏོང་དགོས། གཅིག་བསྡུའི་དྲོད་ཁང་བསྒྱུར་བཅོས་མཐོར་འདེགས་ལས་གཞི་དང་ནོར་ལུག་ཤའི་ཐོན་ལས་འཕེལ་རྒྱས་ཀྱི་འཆར་གཞི་ལག་བསྟར་བྱས་ནས་ཚད་ལྡན་གྱི་གསོ་སྤེལ་ཁང་གི་འཛུགས་སྐྲུན་ལ་རྒྱབ་སྐྱོར་ཆེན་པོ་བྱ་དགོས། བཞོ་མའི་གསོ་སྤེལ་འཆར་གཞི་འགོ་རྩོམ་པ་དང་སྒེར་གསོ་མཉམ་གསོ་རུ་བསྒྱུར་དགོས། ཉ་རིགས་གསོ་སྤེལ་ཇེ་ལེགས་ཇེ་རྒྱས་ཡོང་བ་བྱ་དགོས།  

7.རྩྭ་ཐང་གི་སྐྱེ་ཁམས་ཕྱུགས་ལས་ཚོད་ལྟ་ཁུལ་དངོས་འབབ་དགོས། ཕྱོགས་ཡོངས་ནས་རྩྭ་སའི་སྐྱེས་ཁམས་ཕྱུགས་ལས་ཚོད་ལྟ་ཁུལ་བསྐྲུན་པར་འགོ་རྩོམ་པ་དང་འཆར་འགོད་བསྒྲིག་དགོས། སྐྱེ་ཁམས་ཕྱུགས་ལས་མཉམ་ལས་ཁང་ཚད་ལྡན་ཅན་བསྐྲུན་པ་དང་།སློབ་ཆེན་སྡེ་སྡོད་སློབ་མས་སྣེ་འཁྲིད་མཉམ་སྒྲུབ་བྱ་བར་ཟབ་སྤེལ་བྱ་དགོས། སྐྱེ་ཁམས་ཕྱུགས་ལས་མཉམ་ལས་ཁང་གི་ཚོད་ལྟའི་གནས་བསྐྲུན་པར་འགོ་རྩོམ་པ་དང་ཞིང་ཕྱུགས་གཉིས་འཛིན་གྱི་མཉམ་ལས་ཁང་འཛུགས་པར་སྐུལ་འདེད་དགོས། ནོར་ནག་དང་བོད་ལུག་གི་ཕན་མཐོའི་གསོ་སྤེལ་ལག་རྩལ་ཁྱབ་གདལ་དང་རྩྭ་ཆས་མཉམ་གསོ་འཕེལ་རྒྱས་སུ་གཏོང་དགོས། ཕྱུགས་རྒྱུད་བཟང་བོར་བརྗེ་བ་དང་དེར་ཁ་གསབ་མང་དུ་བཏང་ནས་གསོ་སྤེལ་ཁང་ཡོངས་ལ་རོགས་འདེགས་བྱ་དགོས།ཕྱུགས་ར་དང་མི་ཟོག་གི་འཐུང་ཆུ་སོགས་ཀྱི་རྨང་གཞིའི་སྒྲིག་ཆས་དོ་མཉམ་པ་བསྐྲུན་ནས་རྩྭ་འདེབས་པ་དང་འགོག་སྨན་བརྒྱག་པ།ཚན་རྩལ་ཁྱབ་གདལ་སོགས་རྨང་གཞིའི་བྱ་བ་ཇེ་བཟང་དུ་གཏོང་དགོས། སྐྱེས་ཁམས་ཕྱུགས་ལས་འཛུགས་སྐྲུན་དང་གྲུབ་འབྲས་ཇེ་བཟང་དང་རྨང་གཞི་ཇེ་བརྟན་དུ་གཏོང་དགོས།

8.གཟན་ཆས་ཐོན་ལས་ལེགས་པོར་སྤེལ་དགོས། ཕྱུགས་རྩྭའི་ཐོན་ལས་མྱུར་བར་འཕེལ་བ་དང་མ་རྨོས་ལོ་ཏོག་དང་གཟན་ཚགས།སོག་མ་སོགས་ལས་སྣོན་བྱེད་པར་རྒྱབ་སྐྱོར་བྱ་དགོས། འབྲུ་རིགས་གཟན་ཆས་དང་ཕྱུགས་རྒྱུད་ལེགས་བསྒྱུར་མཉམ་སྦྲེལ་ཚོད་ལྟའི་གནས་བཙུགས་ནས་ས་གནས་གཙོ་བོ་དང་རོང་འབྲོག་འདུས་སྡོད་ས་གནས་སུ་ཕྱུགས་རྩྭ་བཏབས་ནས་ཕྱུགས་ཟོག་འཚོ་བར་ཚབ་བྱ་དགོས། ལག་རྩལ་བཀོལ་ནས་ཕྱུགས་རྩྭ་བཟང་བོ་འདེབས་པའི་རྒྱ་ཁྱོན་སྐྱེད་པ་དང་གནོད་འབུ་སྔོན་འགོག་དང་ཆུ་བེད་འཛུགས་སྐྲུན་སོགས་ལ་རྒྱབ་སྐྱོར་དགོས། ཧུར་ཐག་གིས་མངའ་ཁོངས་དང་ལས་རིགས་བརྒལ་ནས་ཕྱུགས་རྩྭ་ཐོན་སྐྱེད་དང་ལས་སྣོན།གསོག་གྲབས་མ་ལག་དང་གནོད་སེལ་ཕྱུགས་སྐྱོབ་ནང་རྐྱེན་བསྐྲུན་དགོས།  

9.ནགས་ལས་ཐོན་ལས་ལེགས་པོར་སྤེལ་དགོས།ཤར་རྒྱུད་ཀྱི་སྦྱར་སིལ་དང་ནུབ་རྒྱུད་ཀྱི་འཕང་འབྲས་ཐོན་སྐྱེད་གཞི་གནས་སུ་བརྟན་པོར་འཕེལ་བ་དང་སྦྱར་སིལ་ལས་སྣོན་གྱི་ཐོན་ལས་འཕེལ་རྒྱས་ལ་རྒྱབ་སྐྱོར་དགོས། གཏེར་ལེན་ཁ་དང་ནུབ་དམག་དཔུང་གི་འཕང་འབྲས་ཐོན་ལས་གླིང་གི་འཛུགས་སྐྲུན་ལ་སྐུལ་འདེད་བཏང་ནས་འཕང་འབྲས་ཀྱི་ཐོན་ལས་ཇེ་ལེགས་ཇེ་རྒྱས་སུ་གཏོང་དགོས། ལྷོ་རྒྱུད་ཀྱི་བོད་ཇ་དང་ཙོང་ཆུ་རྒྱུད་ཀྱི་སིལ་རིགས་ཐོན་སྐྱེད་གཞི་གནས་མྱུར་བར་བསྐྲུན་པ་དང་པདྨ་རྫོང་གི་བོད་ཇ་འདེབས་འཛུགས་དང་ལས་སྣོན་དཔེ་སྟོན་གཞི་གནས་བསྐྲུན་ནས་འདེབས་འཛུགས་གཞི་ཁྱོན་ཡུན་གྱིས་ཇེ་ཆེར་གཏོང་དགོས།སྟར་ཀ་དང་སྲེའུ་སོགས་ཀྱི་གཞི་གནས་བསྐྲུན་པར་འབད་དེ་རྒྱུད་བཟང་འདེབས་འཛུགས་བྱས་ཏེ་ནགས་ལས་དཔལ་འབྱོར་ལ་རོགས་འདེགས་དགོས། ནགས་ཚལ་དང་གཤིན་ས།  བྱེ་ཐང་སོགས་སྐྱེ་ཁམས་མཛེས་ལྗོངས་ཐོན་ཁུངས་གང་ལེགས་སྤྱད་དེ་སྐྱེ་ཁམས་ལྗོངས་རྒྱུ་ལས་རིགས་འཕེལ་བར་འབད་དགོས།

10.ཐོན་རྟགས་ཀྱིས་འཐབ་ཇུས་ཡར་འདེགས་བྱེད་པ་ལག་བསྟར་དགོས། ནུས་ཤུགས་ཡོད་རྒུས་ཞིང་ཕྱུགས་ཐོན་རྫས་གྲགས་ཅན་འཕེལ་རྒྱས་སུ་བཏང་ནས་མིང་དུ་གྲགས་པའི་ཐོན་རྫས་གསོ་སྤེལ་དང་། ནོར་ནག་དང་བོད་ལུག  འཕང་འབྲས་བཅས་ཀྱི་ཕ་ས་བསྐྲུན་ནས་ཞིང་ཕྱུགས་ནགས་གསུམ་གྱི་ཐོན་རྫས་གསུམ་ལ་དཔང་དངོས་གཅིག་ཡིན་པའི་སྒོ་ནས་ཚད་ལྡན་དུ་ཐོན་སྐྱེད་བྱེད་པར་འབད་དགོས། ཁུངས་གཏུག་ཆོག་པའི་མ་ལག་མྱུར་བསྐྲུན་བྱས་ཏེ་མགོ་ཁུངས་སུ་སྤུས་ཚད་བདེ་འཇགས་ལ་ཚོད་འཛིན་དགོས། ཕྱུགས་ལས་ཐོན་རྫས་གཞི་གནས་བསྐྲུན་པའི་ཤུགས་ཚད་ཇེ་རུ་བཏང་ནས་དགའ་བདེ་དང་མདོ་ལ། ཐེམ་ཆེན་རྫོང་གསུམ་གྱི་ཐོན་གནས་དཔང་དངོས་བརྩོན་ལེན་དགོས། ཕྱུགས་ལས་ཐོན་རྫས་ཐོན་སྐྱེད་ལས་སྣོན་སྣེ་འཁྲིད་ཁེ་ལས་གསོ་སྐྱོང་བྱེད་པར་འབད་དེ་ཕྱུགས་ལས་ཐོན་རྫས་གྲགས་ཅན་བསྐྲུན་པར་སྐུལ་འདེད་བྱ་དགོས། མཐོ་སྒང་གི་ཞིང་ཕྱུགས་ཐོན་རྫས་ཚོང་རའི་འགྲན་ཤུགས་ཇེ་མཐོར་བཏང་ནས་རྫོང་དང་ཡུལ་ཚོའི་ཞིང་ཕྱུགས་ཐོན་རྫས་ཀྱི་སྤུས་ཀ་དང་ཟས་རིགས་བདེ་འཇགས་ལྟ་རྟོག་དོ་དམ་ནུས་པ་ལེགས་པོར་བསྐྲུན་དགོས། དྲིལ་སྒྲོག་དང་འབྲེལ་མཐུད།ཚོང་རར་གཉེར་འཚོང་བྱེད་པ་བཅས་ཇེ་ལེགས་སུ་བཏང་ནས་ཟས་རིགས་དུས་ཆེན་དང་མཚོ་སྔོན་ཚོང་འཕྲད་གྲོས་མོལ་སོགས་དུས་སྟོན་ཚོགས་པ་དང་ཞིང་ཆེན་ཕྱིའི་ཚོང་འགྲེམ་རྒྱུ་ལམ་གྱི་ནུས་པ་གང་ལེགས་སྤྱད་དེ་ཞིང་ཕྱུགས་ཐོན་རྫས་ཀྱི་མཚན་སྙན་ཇེ་རྒྱས་སུ་གཏོང་དགོས།

11.རོང་འབྲོག་ལས་ཚན་རྩལ་གསར་གཏོད་ཇེ་དྲག་ཏུ་གཏོང་དགོས། རོང་འབྲོག་ལས་ཚན་རྩལ་གསར་གཏོད་ངར་སློང་ནང་རྐྱེན་ཚང་བསྐྲུན་བྱས་ཏེ།  ཚན་རིག་ཞིབ་འཇུག་གླིང་དང་སློབ་ཆེན་ཞིབ་འཇུག་པ། ཁེ་ལས་ཀྱི་མི་འཇོན་ཐང་ཅན་བཅས་ཀྱིས་ཞིང་སྡེ་ཚན་རིག་ཅན་གྱི་ཁེ་ལས་དང་ཚོགས་པར་རོགས་སྒྲུབ་དང་གསར་སྒྲུབ་བྱེད་པར་སྐུལ་མ་དང་གཟེངས་བསྟོད་བྱ་དགོས། ཞིབ་འཇུག་གི་འབྲས་བུ་ལོངས་སྤྱོད་དང་ཐག་གཅོད། ཕན་ཐོབ་དོ་དམ།ཚན་རྩལ་མི་སྣའི་མ་རྐང་དབང་ཆར་སྐུལ་སློང་བཅོས་བསྒྱུར་བགྱིས་པའི་ཚོད་ལྟར་སྐུལ་འདེད་བཏང་ནས་ཚན་རྩལ་མི་སྣས་གསར་གཏོད་རང་བཞིན་ལ་སྐུལ་སློང་སྒོས་རྒྱབ་སྐྱོར་དང་འཆར་གཞི་ལ་སྐུལ་འདེད་དགོས། རོང་འབྲོག་ལས་ཚན་རྩལ་ཇུས་འགོད་དང་འཆར་གཞི།ཚན་རྩལ་ཐོན་ཁུངས་མཉམ་སྦྱོར་ནང་རྐྱེན་བསྐྲུན་དགོས།  ཁེ་ལས་ཀྱིས་རོང་འབྲོག་ལས་ཚན་རྩལ་ཞིབ་འཇུག་གསར་སྤེལ་ལ་སྣེ་འཁྲིད་དང་རོགས་སྐྱོར་ལེགས་པོ་བྱས་ནས་ཁེ་ལས་ནི་ལག་རྩལ་གསར་གཏོད་དང་བེད་སྤྱོད་མཁན་གཙོ་བོར་འགྱུར་དགོས། མྱུར་བར་རོང་འབྲོག་ལས་ཚན་རྩལ་གསར་གཏོད་བྱས་ཏེ་ཐོན་ལས་9ཡི་རོང་འབྲོག་ལས་ཚན་རྩལ་གསར་གཏོད་སྟེགས་བུ་ལེགས་ཤིང་བརྟན་པ་བསྐྲུན་དགོས།རོང་འབྲོག་ལས་སུ་ཚན་རྩལ་མཉམ་བསྐྲུན་གསར་གཏོད་མཐུན་ཚོགས་བསྐྲུན་དགོས།ཞིང་ཆེན་རོང་འབྲོག་ལས་ཚན་རྩལ་གླིང་ལ་བརྟེན་ནས་རོང་འབྲོག་ལས་ཚན་རྩལ་མ་དངུལ་སྡེབ་སྦྱོར་དང་བརྡ་འཕྲིན།ཐོན་རྟགས་ཞབས་ཞུའི་སྟེགས་བུ་དང་ཚན་རྩལ་ལས་གཏོད་གཞི་གནས་བསྐྲུན་དགོས། རོང་འབྲོག་ལས་ཚན་རྩལ་གྲུབ་འབྲས་བརྗེ་རེའི་ལྟེ་གནས་འཚོལ་ཞིབ་སྒོས་བསྐྲུན་དགོས། མུ་མཐུད་དུ་ལག་རྩལ་བེད་སྤྱོད་ཁྱབ་གདལ་བྱེད་པའི་ཤུགས་ཚད་ཇེ་ཆེར་བཏང་ནས་རོང་འབྲོག་ལས་སུ་ཚན་རྩལ་བེད་སྤྱོད་ཆུ་ཚད་ཇེ་མཐོར་གཏོང་དགོས།ཞིབ་འཇུག་གླིང་དང་མཐོ་རིམ་སློབ་གྲྭ།  ལས་རིགས་ལག་རྩལ་སློབ་གྲྭ།ཚན་རྩལ་ཆེད་མངག་དཔུང་སྡེ་བཅས་ཀྱིས་ཞིབ་འཇུག་འབྲས་བུ་བརྗེ་བསྒྱུར་ཁྲོད་ནུས་པ་གང་ལེགས་འདོན་དགོས། མགྱོགས་མྱུར་སྒོས་དེང་རབས་འདེབས་འཛུགས་འཕེལ་རྒྱས་སུ་བཏང་ནས་གསོ་སྤེལ་གཅིག་གྱུར་ཅན་གྱི་ཁེ་ལས་བསྐྱངས་ཏེ་སོན་བཟང་འདེབས་འཛུགས་གསར་གཏོད་དང་མཁོ་འདོན་ནུས་པ་ཇེ་མཐོར་གཏོང་དགོས། མུ་མཐུད་དུ་སོན་བཟང་བཟོ་སྐྲུན་ལག་བསྟར་བྱས་ནས་ཡུང་མ་དང་ནས།སྐེ་ཚེ་འདེབས་འཛུགས་གཞི་གནས་བསྐྲུན་དགོས། དེང་རབས་རོང་འབྲོག་ལས་དཔེ་སྟོན་ཁུལ་རྒྱ་སྐྱེད་སྤུས་འདེགས་བྱེད་པར་སྐུལ་འདེད་བཏང་ནས་མིང་དུ་གྲགས་པའི་ཚན་རྩལ་དཔེ་སྟོན་གླིང་བསྐྲུན་དགོས།ཞིང་ལས་འཕྲུལ་ཆས་དང་ལུད་བཟོ་ཁེ་ལས་ལག་རྩལ་ལ་རྒྱབ་སྐྱོར་དགོས།

12.རོང་འབྲོག་ཐོན་རྫས་རྒྱུ་འཁོར་རྣམ་པ་གསར་གཏོད་དགོས།རོང་འབྲོག་ཐོན་རྫས་ཚོང་རའི་མ་ལག་མྱུར་མོས་སྤུས་འདེགས་བྱས་ཏེ་སྒྲིག་ཆས་འཛུགས་སྐྲུན་དང་ཞབས་ཞུ་ཁ་ཚང་ཇེ་ལེགས་སུ་གཏོང་བར་དམིགས་ནས་ཚོང་འབྲེལ་ལམ་ལུགས་ཚད་ལྡན་དུ་གཏོང་དགོས། རོང་འབྲོག་ཐོན་རྫས་རྒྱུ་འཁོར་དྲ་རྒྱ་འཐུས་ཚང་དུ་གཏོང་བ་དང་ཚོད་རིགས་ནེམ་པ་དང་ཞོག་ཁོག་ཉར་མཛོད་འཛུགས་སྐྲུན་གྱི་ཤུགས་ཚད་ཆེ་རུ་བཏང་ནས་ཉར་མཛོད་ཁག་ཐེག་ནུས་པ་མཐོར་འདེགས་དགོས། རོང་འབྲོག་ཐོན་རྫས་ཀྱི་ས་ཞིང་དང་ཞིང་རའི་ཚོང་ར་དང་དངོས་རྒྱུག་ལྟེ་གནས་ལེགས་པོ་བསྐྲུན་ནས་ས་ཁུལ་བརྒལ་ཏེ་དངོས་ཟོག་འདྲེན་པའི་མ་ལག་མྱུར་བར་བསྐྲུན་དགོས། མུ་མཐུད་དུ་སྤྱི་ཕན་རང་བཞིན་གྱི་རོང་འབྲོག་ཐོན་རྫས་སྡེབ་འཚོང་ཚོང་རའི་ཚོད་ལྟའི་གནས་བསྐྲུན་ནས་རོང་འབྲོག་ལས་ཀྱི་ཚོང་གཉེར་ནུས་པ་གང་ལེགས་འདོན་དགོས། རོང་འབྲོག་ལས་མཉམ་ལས་ཁང་དང་རང་འདེམས་ཚོང་ཁང་། སློབ་གྲྭ། ཁེ་ལས།  སྡོད་ཁུལ་སོགས་ཀྱི་འབྲེལ་མཐུད་ལ་སྐུལ་འདེད་དང་གློག་ཚོང་དང་དངོས་རྒྱུག ཚོང་ར། དངུལ་རྩ་སོགས་སུ་ཞིང་ལས་དང་འབྲེལ་བའི་གློག་རྡུལ་ཚོང་རའི་སྟེགས་བུ་འཛུགས་སྐྲུན་དུ་ཁེ་ལས་ཞུགས་པར་རྒྱབ་སྐྱོར་དགོས།

གསུམ། ཞིང་ལས་སུ་ཕན་འབྱོར་རྒྱས་གསུམ་གྱི་སྲིད་ཇུས་ཁྱོན་ཡོངས་ནས་ལག་བསྟར་བྱས་ཏེ།རོང་འབྲོག་ལས་ཀྱི་ཡོང་སྒོ་མུ་ནས་འཕེལ་བར་སྐུལ་འདེད་དགོས།  

རོང་འབྲོག་ཕྱུག་བསྒྱུར་བྱ་དགོས་ན་ངེས་པར་དུ་རོང་འབྲོག་ལས་ནང་ཁུལ་གྱི་ཡོང་འཕེལ་འདུ་ཤེས་ལ་གཏིང་སྐུལ་དང་རོང་འབྲོག་ཁུལ་གྱི་ཐོན་ལས་གཉིས་པ་དང་གསུམ་པའི་ཡོང་སྒོའི་བར་སྟོང་ཆེ་ཆེར་བཏོད་དགོས་ཤིང་།རོང་འབྲོག་ཁུལ་གྱི་ཕྱི་ཕྱོགས་ཡོང་སྒོའི་རྒྱུ་ལམ་རྒྱ་སྐྱེད་དེ་སྲིད་ཇུས་རོགས་སྐྱོར་ཆེན་པོ་བྱ་དགོས། རོང་ཁུལ་དུ་རོང་འབྲོག་ལས་ནུས་རྩལ་གསོ་སྦྱོང་ལེགས་སྤེལ་ལ་དམིགས་ཏེ་རོང་འབྲོག་པའི་ལས་ཞུགས་དང་ལས་གཏོད་ནུས་པ་ཇེ་མཐོར་བཏང་ནས་མུ་མཐུད་དུ་བརྟན་བརླིང་གི་ལས་རྩོལ་ཡོང་སྒོ་ཇེ་མང་དུ་གཏོང་དགོས། འབྲོག་ཁུལ་དུ་སྐྱེ་ཁམས་ཁ་གསབ་སྲིད་ཇུས་དང་སྐྱེ་ཁམས་བཟོ་སྐྲུན་ལག་བསྟར།སྐྱེ་ཁམས་དོ་བདག་སྤྱི་ཕན་ལས་གནས། སྐྱེ་ཁམས་ལྗོངས་རྒྱུ། སྐྱེ་ཁམས་ཕྱུགས་ལས་མཉམ་ལས་ཁང་འཕེལ་རྒྱས་བཅས་བརྒྱུད་ནས་ཡོང་སྒོ་འཕེལ་བར་དམིགས་ཏེ།ཧུར་ཐག་སྒོས་མཁར་ཤང་སྡོད་དམངས་བར་གྱི་ཡོང་སྒོའི་ཁྱད་པར་མེད་པ་བཟོ་དགོས།  

13.ཞིང་གསུམ་དང་འབྲོག་གསུམ་ལ་གཏོང་དངུལ་དང་བརྟན་བརླིང་གི་ཡོང་འཕེལ་ནང་རྐྱེན་ཁ་ཚང་བསྐྲུན་དགོས། རོང་འབྲོག་ཁུལ་ནི་ནོར་སྲིད་གཏོང་ཡུལ་གཙོ་གནད་དུ་འཛིན་པ་རྒྱུན་བསྐྱངས་ནས་མུ་མཐུད་དུ་དེའི་ཕྱོགས་ལ་མ་དངུལ་ཇེ་མང་དུ་གཏོང་བ་དང་ཞིང་ཆེན་ནོར་སྲིད་ཀྱི་སྔོན་རྩིས་འཕར་དངུལ་རོང་འབྲོག་ཁུལ་དུ་ཁ་གཏོད་དགོས།རོང་འབྲོག་ཁུལ་དུ་ནོར་སྲིད་གཏོང་དངུལ་སྒྲིག་གཞི་ལེགས་བསྒྱུར་དང་གཙོ་བོར་རོང་འབྲོག་པའི་ཡོང་འབབ་དང་རོང་འབྲོག་ཁུལ་གྱི་བཅོས་བསྒྱུར་གལ་ཆེན།རོང་འབྲོག་ལས་ཀྱི་རྨང་གཞི་སྒྲིག་ཆས་བསྐྲུན་པ།རོང་འབྲོག་ལས་ཀྱི་སྒྲིག་གཞིའི་ལེགས་བཀོད། རོང་འབྲོག་ལས་ཀྱི་རྒྱུན་མཐུད་འཕེལ་རྒྱས།རོང་འབྲོག་ཁུལ་གྱི་དམངས་འཚོ་ལེགས་བསྒྱུར་བཅས་ལ་རྒྱབ་སྐྱོར་དགོས། ཞིང་ཆེན་རིམ་པའི་ནོར་སྲིད་ཀྱིས་ཞིང་ལས་ཐད་གཏོང་དངུལ་མཉམ་སྦྱོར་བྱེད་པའི་ཤུགས་ཚད་ཆེ་རུ་བཏང་ནས་ཧུར་ཐག་སྒོས་ཞིང་ལས་རོགས་དངུལ་དང་དོ་དམ་རྣམ་པར་འཚོལ་ཞིབ་བྱས་ཏེ་རོགས་དངུལ་གཏོང་ཡུལ་གྱི་ཚོད་ལྟའི་ཡུལ་ཁོངས་རྒྱ་སྐྱེད་དང་། སྐྱི་དངུལ་ལ་ཁེ་སྤོགས་ཡོད་པ་དང་ཉེན་ཁར་ཁ་གསབ། བྱ་དགའི་རོགས་སྐྱོར་བཅས་དང་སྦྲེལ་བའི་རྣམ་པ་སྤྱད་དེ་ནོར་སྲིད་རོགས་དངུལ་གནད་སར་གཏོང་བར་བསྒྱུར་དགོས།ཞིང་ལས་དང་འབྲེལ་བའི་མ་དངུལ་ལ་དོ་དམ་ལེགས་པོ་བྱས་ནས་ཁ་གསལ་འཐུས་ཚང་གི་ལམ་ལུགས་བསྐྲུན་པ་དང་ལྐོག་བཞེས་དང་རིམ་པ་བཞིན་གཞོག་འཛིན་བྱེད་པ་གཏན་འགོག་སྒོས་མ་དངུལ་བེད་སྤྱོད་བདེ་འཇགས་དང་ཚད་ལྡན།ཕན་ཐོན་བཅས་ཡིན་པར་ཁག་ཐེག་བྱ་དགོས།ཞིང་ལས་སུ་གཏོང་བའི་མ་དངུལ་གྱི་འགྲུབ་འབྲས་དཔྱད་ལེན་ལེགས་པོ་བྱས་ནས་མ་དངུལ་བེད་གཏོང་གི་ཕན་ཁེ་མཐོར་འདེགས་དགོས།

14.རོང་འབྲོག་ལས་ཁ་གསབ་སྲིད་ཇུས་ཀྱི་ཕན་ནུས་ཇེ་མཐོར་གཏོང་དགོས།རོང་འབྲོག་ལས་ལ་རྒྱབ་སྐྱོར་དང་སྲུང་སྐྱོང་བྱེད་པའི་མ་ལག་ཇེ་ལེགས་སུ་བཏང་ནས་ཁ་གསབ་རོགས་སྐྱོར་ཡུན་རིང་རང་བཞིན་དང་བརྟན་བརླིང་རང་བཞིན་རྒྱུན་བསྐྱངས་ནས་དེའི་སྲིད་ཇུས་ཡང་དག་ཅིང་ཕན་ནུས་ཇེ་མཐོར་གཏོང་དགོས། མུ་མཐུད་དུ་སོན་བཟང་གི་ཁ་གསབ་དང་ཞིང་ལས་འཕྲུལ་ཆས་བཀོད་སྒྲིག་གི་ཁ་གསབ།ཞིང་ལས་སྣ་འཛོམས་ཁ་གསབ་སོགས་སྲིད་ཇུས་ལག་ཏུ་བསྟར་དགོས།རོང་འབྲོག་ལས་ཀྱི་གནོད་སེལ་ཐན་འགོག་དང་ཐོན་སྐྱེད་བརྟན་འཕར་གྱི་ལག་རྩལ་གལ་ཆེན་གྱི་ཁ་གསབ་ཇེ་ལེགས་སུ་བཏང་ནས།མུའུ་ཁྲི130ཐན་འགོག་འདེབས་འཛུགས་ལག་རྩལ་གྱི་ཁ་གསབ་ལག་བསྟར་དགོས།  

15.རོང་འབྲོག་ལས་ཀྱི་སྤྱི་ཚོགས་ཞབས་ཞུ་ཇེ་དྲག་ཏུ་གཏོང་དགོས། རོང་འབྲོག་ལས་ཀྱི་ཐོན་སྐྱེད་སྔ་རྗེས་སུ་སྤྱི་ཚོགས་ལ་ཞབས་ཞུ་བྱེད་པའི་ནང་རྐྱེན་གསར་གཏོད་ཚོད་གནས་ལེགས་པོར་འཛིན་དགོས་ཤིང་། གཙོ་བོར་རོང་འབྲོག་དུད་ཁྱིམ་ལ་རྨོ་ཚབ་འཚོ་ཚབ་འདོན་པ་དང་མཉམ་བཅོས་ལྷན་སྲུང་། མཛོད་ཉར་དངོས་རྒྱུག་སོགས་ཞབས་ཞུ་ལ་རྒྱབ་སྐྱོར་དགོས།གཞི་རིམ་ཞིང་ལས་ལག་རྩལ་ཁྱབ་གདལ་སོགས་སྤྱི་ཕན་རང་བཞིན་གྱི་ཞབས་ཞུའི་སྒྲིག་གཞི་བརྟན་བརླིང་དང་ཇེ་ལེགས་སུ་གཏོང་དགོས།འགྲོ་སོང་ཁག་ཐེག་དང་སྐུལ་སློང་ནང་རྐྱེན་ཁ་ཚང་བསྐྲུན་ནས་གཞི་རིམ་ཞིང་ལས་ལག་རྩལ་ཁྱབ་གདལ་མི་སྣའི་བྱ་བ་དང་འཚོ་བའི་ཆ་རྐྱེན་ལེགས་བསྒྱུར་བྱ་དགོས། རོང་འབྲོག་ལས་ཚན་རྩལ་གསར་གཏོད་རིམ་གསུམ་སྟེགས་བུའི་བེད་སྤྱོད་དང་འབྲེལ་མཐུད་དང་ཞིང་ལས་ལག་རྩལ་མི་སྣའི་དོ་དམ་ལེགས་པོ་བྱས་ནས་རོང་འབྲོག་ལས་ཚན་རྩལ་གྲུབ་འབྲས་སུ་མྱུར་མོས་བསྒྱུར་བར་སྐུལ་འདེད་དགོས། ཞིང་ལས་གནོད་འབུ་འགོག་བཅོས་དཔུང་སྡེ་ལེགས་འཛུགས་དང་གཞི་རིམ་གྱི་ཕྱུགས་སྨན་ས་ཚིགས་དང་ཞིང་ལས་ཐོན་རྫས་ཀྱི་སྤུས་ཀའི་ལྟ་རྟོག་སྒྲིག་གཞི།གཞི་རིམ་ཞིང་ལས་ལག་རྩལ་ཁྱབ་གདལ་སོགས་སྤྱིའི་སྒྲིག་གཞིའི་ཆ་རྐྱེན་འཛུགས་སྐྲུན་ཇེ་ལེགས་སུ་གཏོང་དགོས། ཞིང་སྡེ་ཆེད་ལས་ལག་རྩལ་མཐུན་ཚོགས་ཀྱིས་ཞིང་ལས་ལག་རྩལ་ཁྱབ་གདལ་ཁྲོད་ནུས་པ་གང་ལེགས་འདོན་དགོས། རིམ་པ་སོ་སོའི་ནོར་སྲིད་གྱིས་རོང་འབྲོག་ལས་ཀྱི་འགན་སྲུང་ཐད་གཏོང་ཚད་ཇེ་མང་དུ་བཏང་ནས་སྲིད་ཇུས་རང་བཞིན་གྱི་རོང་འབྲོག་ལས་སུ་འགན་སྲུང་གཏོང་དངུལ་ཁེབས་ཚད་རྒྱ་སྐྱེད་དགོས།འབྲོག་ཁུལ་གྱི་བོད་ལུག་དང་ནོར་ཕྱུགས་འགན་སྲུང་གསབ་དངུལ་གཞི་སྐྱེད་བྱ་བ་བརྟན་པོར་སྐུལ་འདེད་དགོས།འདེབས་འཛུགས་དང་ནགས་བསྐྲུན།སྒྲིག་ཆས་རོང་འབྲོག་ལས་སུ་འགན་སྲུང་གི་གཉེར་འགན་ཁྱབ་ཁོངས་སྐྱེད་དེ།ཚོང་ལས་འགན་སྲུང་བཀོལ་བའི་ཞིང་གསུམ་འབྲོག་གསུམ་ཉེན་སྲུང་ཁག་ཐེག་ནང་རྐྱེན་འཚོལ་ཞིབ་སྒོས་བསྐྲུན་དགོས། ཐན་པ་ཆེན་པོ་འགན་སྲུང་ཐུབ་པར་སྐུལ་ནས་སྦྲགས་སྲིད་མ་ལག་གིས་རོང་འབྲོག་ཁུལ་དུ་ཞབས་ཞུ་གང་ལེགས་འདོན་པར་རྒྱབ་སྐྱོར་དགོས།གནམ་གཤིས་བརྟག་དཔྱད་ཀྱིས་ཞིང་ལས་སུ་ཞབས་ཞུ་བྱེད་པའི་ནང་རྐྱེན་གསར་བསྐྲུན་དང་རོང་འབྲོག་ལས་ཀྱིས་སྤྱི་ཚོགས་ལ་ཞབས་ཞུ་བྱེད་པའི་མ་ལག་བསྐྲུན་པར་སྐུལ་འདེད་དགོས། ཞིང་ཕྱུགས་ཐོན་རྫས་ཀྱི་ཚོང་རའི་མ་ལག་སྡེབ་ཚོང་ཁང་བསྐྲུན་པར་རོགས་འདེགས་དགོས།ནུས་ཤུགས་ཡོད་རྒུས་རྒྱལ་ཁབ་ཞིང་སྡེ་བརྡ་འཕྲིན་ཅན་དཔེ་སྟོན་ཞིང་ཆེན་བསྐྲུན་པར་སྐུལ་འདེད་བྱ་དགོས།

16.རོང་འབྲོག་ཁུལ་གྱི་ཐོན་ལས་དང་བོ་དང་གཉིས་པ།གསུམ་པའི་མཉམ་སྦྱོར་འཕེལ་རྒྱས་ལ་སྐུལ་འདེད་དགོས།  རྐང་ཚུགས་པའི་ཐོན་ཁུངས་ཀྱི་ལེགས་ཆ་སྤྱད་དེ་ཚོང་རའི་དགོས་མཁོ་ནི་སྣེ་འཁྲིད་དུ་བཟུང་ནས་ཁྱད་ཆོས་ལྡན་པའི་འདེབས་གསོ་ལས་རིགས་དང་ཞིང་ཕྱུགས་ཐོན་རྫས་ལས་སྣོན།རོང་འབྲོག་ཁུལ་གྱི་ཞབས་ཞུའི་ལས་རིགས་བཅས་འཕེལ་རྒྱས་ཆེན་པོ་ཡོང་བ་བྱེད་པ་དང་།འདེབས་གསོ་དང་ལས་སྣོན། ཐོན་རྫས་མཁོ་འདོན་སོགས་ཐོན་ལས་ཡོངས་མཉམ་རྒྱས་ཡོང་བར་སྐུལ་འདེད་དགོས།ཧུར་ཐག་གིས་རོང་འབྲོག་ལས་ཀྱི་བྱེད་ནུས་གང་མང་གསར་གཏོད་དང་ཞིང་སྡེ་སྐྱེས་ཁམས་སྤྲོ་གསེང་།ལྗོངས་རྒྱུ་ལྟད་མོ། རིག་གནས་སློབ་གསོའི་རིན་ཐང་བཅས་སྔོག་འདོན་དགོས།ལོ་རྒྱུས་དང་ས་ཁོངས། མི་རིགས་ཀྱི་ཁྱད་ཆོས་འཛོམས་པའི་ཁྱད་ལྡན་ལྗོངས་ཁུལ་ཞིང་གྲོང་སྐོར་ཞིག་བསྐྲུན་པར་རོགས་འདེགས་དགོས།རྣམ་པ་མང་ཞིང་ཁྱད་ཆོས་འབུར་དུ་དོད་པའི་ཞིང་སྡེ་ལྗོངས་རྒྱུ་སྤྲོ་གསེང་གི་ཐོན་རྫས་བསྐྲུན་ནས་ཞིང་སྡེའི་ལྗོངས་རྒྱུའི་སྤྲོ་གསེང་གི་རྨང་གཞི་སྒྲིག་ཆས་བསྐྲུན་པའི་ཐད་ཀྱི་གཏོང་དངུལ་ཇེ་མང་དུ་གཏོང་དགོས། གཉེར་འཚོང་གི་ནུས་པ་ཇེ་དྲག་ཏུ་བཏང་ནས་དོ་དམ་གྱི་ཆུ་ཚད་དང་ཞབས་ཞུའི་སྤུས་ཀ་མཐོར་འདེགས་སུ་གཏོང་དགོས།ཞིབ་འཇུག་སྒོས་ཞིང་སྡེ་ལྗོངས་རྒྱུའི་སྤྲོ་གསེང་གི་ས་གཞི་བེད་སྤྱོད་དང་ནོར་སྲིད།དངུལ་རྩ་སོགས་ལ་སྐུལ་འདེད་བྱེད་པའི་རོགས་སྐྱོར་སྲིད་ཇུས་གཏན་ཁེལ་བྱ་དགོས། དཔྱ་ཁྲལ་ཡོང་སྒོའི་ཕན་ཐོན་སྲིད་ཇུས་དོན་འཁྱོལ་དང་རོང་འབྲོག་ཁུལ་གྱི་ཐོན་ཁོངས་རྒྱུ་ཆ་གཏིང་སློག་བྱས་ཏེ་རོང་འབྲོག་པའི་རྒྱུ་ནོར་རང་བཞིན་གྱི་ཡོང་འབབ་ཇེ་མང་དུ་གཏོང་དགོས།

17.རོང་འབྲོག་ཁུལ་གྱི་ཕྱི་ཕྱོགས་ཡོང་སྒོ་འཚོལ་བའི་ཐབས་ལམ་རྒྱ་བསྐྱེད་དགོས། ཞོར་ལས་བའི་ལག་རྩལ་ནུས་ཤུགས་མཐོར་འདེགས་སུ་གཏོང་བ།ངལ་རྩོལ་དང་གླ་ཕོགས་འདྲ་མཉམ་གྱི་སྲིད་ཇུས་ལག་བསྟར་བྱས་ཏེ་ཞོར་ལས་བའི་ངལ་རྩོལ་གླ་ཕོགས་ཀྱི་ཁེ་དབང་ལ་ཁྲིམས་ལྟར་འགན་སྲུང་བྱེད་པ་དང་ཞོར་ལས་བའི་གླ་ཕོགས་ཀྱི་རྒྱུན་ལྡན་གཏོང་སྤྲོད་ཀྱི་ཡུན་རིང་ནང་རྐྱེན་འཛུགས་པ། གྲོང་ཁྱེར་དུ་ཡོང་བའི་ཞོར་ལས་བ་དང་དེའི་ཁྱིམ་མི་ལ་མཁར་གྲོང་གི་རྨང་གཞིའི་སྤྱི་སྤྱོད་ཞབས་ཞུ་འདྲ་མཉམ་སྒོས་ལོངས་སུ་སྤྱོད་དུ་འཇུག་དགོས་པ་དང་།ཞོར་ལས་བ་མཁར་གྲོང་གི་སྤྱི་ཚོགས་ཉེན་འགོག་ནང་ཞུགས་པའི་ཚད་དམ་ཁེབས་རྒྱ་ཆེ་རུ་གཏོང་དགོས།ཞོར་ལས་བའི་ལས་ཀའི་ཁྲོད་དུ་འབྱུང་སླ་བའི་ནད་རིགས་སྔོན་འགོག་དང་རོགས་སྐྱོར་གྱི་བྱ་བ་ལེགས་པོར་སྤེལ་བ་དང་ཞོར་ལས་བའི་བུ་དང་བུ་མོས་འོས་འགན་སློབ་གསོ་མྱོང་བ་དང་མཐོ་རྒྱུགས་ལ་སོགས་པར་ཞུགས་པའི་སྲིད་ཇུས་འཐུས་ཚང་དུ་གཏོང་དགོས། ཞོར་ལས་བས་མཁར་གྲོང་གི་འགན་སྲུང་རང་བཞིན་གྱི་སྡོད་ཁང་ལོངས་སྤྱོད་བྱེད་པའི་བྱེ་བྲག་གི་བྱེད་ཐབས་འཚོལ་ཞིབ་བྱ་དགོས།ཁྱིམ་ཐོའི་ལམ་ལུགས་བཅོས་བསྒྱུར་བྱ་བ་མགྱོགས་མྱུར་ངང་སྤེལ་ཏེ།རོང་འབྲོག་ཁུལ་ནས་སྤར་ཡོང་བ་དག་རིགས་བཀར་ནས་ཕྱོགས་གང་གི་ཐད་ནས་ཀྱང་ས་གནས་དེའི་སྡོད་དམངས་དང་འདྲ་མཉམ་ཡོང་བར་བྱེད་དགོས།ད་ལྟའི་དུས་རིམ་འདིར་རོང་འབྲོག་པ་མཁར་གྲོང་གི་ཁྱིམ་ཐོ་རུ་བསྒྱུར་རྗེས་དེ་ཞིང་ས་དང་རྩྭ་སའི་འགན་ལེན་བདག་དབང་དང་སྡོད་གཞིས་ཀྱི་བཀོལ་སྤྱོད་དབང་ཆ།ཐུན་མོང་གི་ཁེ་དབང་སོགས་དང་འབྲེལ་བ་མེད་ཅིང་།ལག་རྩལ་དང་མ་དངུལ།དོ་དམ་བཅས་ཀྱི་ཉམས་མྱོང་ཡོད་པའི་ཞོར་ལས་བ་ཕྱིར་ཕ་ཡུལ་དུ་ལོག་ནས་ལས་བསྐྲུན་བྱེད་པར་ཁྲིད་སྟོན་བྱེད་དགོས་པ་མ་ཟད།ཕྱོགས་ངེས་ཅན་གྱི་དཔྱ་ཁྲལ་དང་སྤྱིར་བཏང་རང་བཞིན་གྱི་རིན་གོང་ཇེ་ཉུང་དུ་གཏོང་བའི་སྲིད་ཇུས་མཐིལ་ཕྱིན་བྱེད་པ་དང་ལས་བསྐྲུན་གྱི་མ་རྩ་དང་ཁེ་ལས་ཀྱི་འགན་ཁུར་ཇེ་ཡངས་སུ་གཏོང་དགོས།

18.རོང་འབྲོག་ཁུལ་གྱི་དབུལ་སྐྱོར་བྱ་བ་ལེགས་པོར་བསྒྲུབ་དགོས། ༼སེམས་ཁྲལ་མེད་པ་གཉིས་དང་འགན་སྲུང་གསུམ༽གྱི་དམིགས་འབེན་དམ་པོར་བཟུང་ནས་མངོན་འགྱུར་བྱེད་པ་དང་དབུལ་སྐྱོར་ཐོན་ཁུངས་གཅིག་གྱུར་བདག་དོམ་བྱེད་པ།དབུལ་སྐྱོར་བཟོ་སྐྲུན་ཞིབ་དག་གིས་ལག་བསྟར་བྱེད་པ།མངའ་ཁོངས་ཀྱི་དབུལ་སྐྱོར་བྱ་བའི་ཁྲོད་གནས་པའི་དཀའ་གནད་ལས་སྒྲོལ་བར་སྐུལ་འདེད་དང་སྒྲིག་གཞི་ལམ་ལུགས་ནུས་ཤུགས་ཡོད་རྒུས་གསར་གཏོད་བྱེད་དགོས།ཆེས་དབུལ་ཕོངས་ཀྱི་ས་ཁུལ་དང་མང་ཚོགས་ལ་གཟས་ནས་ཡིག་ཚགས་འགོད་པ་སོགས་ཀྱི་དབུལ་སྐྱོར་བྱེད་ཐབས་འཛུགས་པ་དང་མངོན་འགྱུར་བྱེད་པ།དབུལ་སྐྱོར་ཐོན་ལས་ཀྱི་ཚོད་ལྟ་ཁུལ་ཇེ་རྒྱས་ཇེ་ལེགས་སུ་གཏོང་བ།སྐྱེ་ཁམས་དབུལ་སྐྱོར་བཟོ་སྐྲུན་ལེགས་པོར་འཛིན་དགོས་པ་སྟེ། ཉི་འོད་ནུས་པའི་དབུལ་སྐྱོར་དང་ཡུལ་སྐོར་དབུལ་སྐྱོར་ཚོད་ལྟ་བྱེད་ས་ལག་ཏུ་བསྟར་བ་དང་།གློག་འཚོང་གིས་དབུལ་སྐྱོར་བྱེད་པའི་ཚོད་ལྟ་བྱེད་ས་དར་ཁྱབ་ཏུ་གཏོང་བ།དངུལ་རྩས་དབུལ་སྐྱོར་བྱེད་པར་སྐུལ་འདེད་བྱེད་པ།  ཧུར་ཐག་དང་བརྟན་བརླིང་གིས་ཕན་ཚུན་དབུལ་སྐྱོར་བྱ་བར་སྐུལ་འདེད་བྱེད་པ།སློབ་གསོ་དབུལ་སྐྱོར་གྱི་ཤུགས་ཚད་ཆེ་རུ་གཏོང་བ།གསོ་སྦྱོང་དང་ལས་ཞུགས་གཉིས་སྦྲེལ་བར་རྒྱུན་འཁྱོངས་བྱེད་པ།དབུལ་ཕོངས་ངལ་རྩོལ་བའི་ལག་རྩལ་གསོ་སྦྱོང་དང་ཕྱིར་ཕ་ཡུལ་ལ་ལོག་པའི་ཞོར་ལས་པ་ལྷག་མའི་ལས་རིགས་སློབ་གསོའི་གསོ་སྦྱོང་ལ་ཤུགས་སྣོན་དགོས།ཕྱུག་འགྱུར་གྱི་སྣེ་ཁྲིད་མཁན་གྱི་ལས་བསྐྲུན་གསོ་སྦྱོང་བཟོ་སྐྲུན་ལག་བསྟར་བྱེད་པ།མུ་མཐུད་དུ་དབུལ་སྐྱོར་ལས་གཞི་ལག་བསྟར་བྱེད་པའི་ཆོག་མཆན་བཀོད་དབང་རྫོང་ལ་སྤྲོད་པ།མ་དངུལ་རྫོང་གི་དོ་དམ་ནང་རྐྱེན་དུ་འཇོག་པ། ལྟ་སྐུལ་གྱི་འགན་ཁུར་ཇེ་དྲག་ཏུ་གཏོང་བ།སྤྱི་ཚོགས་ཀྱི་དབུལ་སྐྱོར་ནང་རྐྱེན་ཇེ་རྒྱས་ཇེ་ལེགས་སུ་གཏོང་བ། ངེས་གཏན་དབུལ་སྐྱོར་དང་སྡེ་བ་དང་ཁེ་ལས་གྱི་མཉམ་བསྐྲུན། མཛའ་མཐུན་རོགས་སྐྱོར། ཁ་གཏད་རོགས་སྐྱོར་བཅས་ཀྱི་ཤུགས་ཚད་ཆེ་རུ་གཏོང་བ།དབུལ་ཕོངས་རྫོང་གི་དཔྱད་ཞིབ་དང་ཚོད་འཛིན། ནོར་སྲིད་དབུལ་སྐྱོར་མ་དངུལ་གྱི་གྲུབ་འབྲས་དཔྱད་ཞིབ་སོགས་ཀྱི་བྱ་བའི་ནང་རྐྱེན་འཐུས་ཚང་དུ་བཏང་སྟེ།དབུལ་སྐྱོར་གསར་སྤེལ་གྱི་གྲུབ་འབྲས་སྤྱི་ཡོངས་ནས་མཐོར་འདེགས་སུ་གཏོང་དགོས།ལོ་ཧྲིལ་བོའི་ནང་དུ་མི་གྲངས་ཁྲི20དབུལ་ཕོངས་ལས་ཐར་བར་བྱེད་དགོས།

བཞི། ཞང་གྲོང་འཕེལ་རྒྱས་གཅིག་གྱུར་ཅན་དུ་བཏང་ནས་ཞིང་སྡེ་དང་འབྲོག་ཁུལ་གསར་བ་བསྐྲུན་དགོས།

སྟོབས་འབྱོར་ཅན་གྱི་རོང་འབྲོག་ཁུལ་བསྐྲུན་དགོས་ན་སྤྱི་ཚོགས་རིང་ལུགས་ཀྱི་ཞིང་སྡེ་དང་འབྲོག་ཁུལ་གསར་བའི་འཛུགས་སྐྲུན་ལ་ནུས་ཤུགས་ཡོད་རྒུས་སྐུལ་འདེད་གཏོང་དགོས།འཆར་གཞིས་འཁྲིད་སྟོན་ནུས་པ་ཇེ་དྲག་ཏུ་གཏོང་པ་དང་རོང་འབྲོག་ཁུལ་གྱི་རྨང་གཞི་སྒྲིག་ཆས་ཀྱི་ཆུ་ཚད་མཐོར་འདེགས་སུ་གཏོང་བ།ཞང་གྲོང་གི་སྤྱི་སྤྱོད་ཞབས་ཞུ་འདྲ་མཉམ་ཅན་ཡོང་བར་སྐུལ་འདེད་བྱེད་པ་དང་བདེ་སྡོད་ལས་ལ་བརྩོན་པའི་མཛེས་སྡུག་གི་ཁྱིམ་གཞིས་དྲོན་མོ་འཛུགས་སྐྲུན་བྱེད་དགོས།

19.རོང་འབྲོག་ཁུལ་གྱི་རྨང་གཞི་སྒྲིག་ཆས་འཛུགས་སྐྲུན་གྱི་ཤུགས་ཚད་ཇེ་ཆེར་གཏོང་དགོས། ཙོང་ཆུར་རྟ་ཐང་ཆུ་བོ་འདྲེན་པའི་སྤྱིའི་མ་ཡུར་དང་བཟོ་སྐྲུན་བྱང་ཕྱོགས་ཀྱི་དུས་རིམ་དང་པོའི་བཟོ་སྐྲུན།རྡོ་འགག་ཆུ་མཛོད།རྨ་ཆུའི་འགྲམ་ངོགས་ཀྱི་ཆུ་བེད་ཕྱོགས་བསྡུས་གསར་སྤེལ་སོགས་གཙོ་གནད་ཆུ་བེད་བཟོ་སྐྲུན་ཕྱོགས་ཡོངས་ནས་འཛུགས་སྐྲུན་ལེགས་འགྲུབ་བྱུང་དགོས།ཙོང་ཆུར་རྟ་ཐང་ཆུ་བོ་འདྲེན་པའི་མ་ཡུར་དང་དེའི་བྱང་ཕྱོགས་ཀྱི་བཟོ་སྐྲུན་དུས་རིམ་གཉིས་པ།ཕྱུགས་སྐྱིལ་ཆུ་བེད་འགགརྨ་ཆུའི་ཆུ་ལོག་སྔོན་འགོག་སོགས་གནད་འགག་བཟོ་སྐྲུན་འཛུགས་སྐྲུན་ལས་འགོ་རྩོམ་དགོས།ཚྭ་འདམ་གྱི་ཆུའི་ཐོན་ཁུངས་བཀོད་སྒྲིག་དང་ཙོང་ཆུའི་ལྷོ་འགྲམ་གྱི་ཆུ་བེད་རོགས་སྐྱོར།གྲམ་པ་གསུམ་གྱི་ཆུ་འདྲེན་སྐྱེ་ཁམས་ཕྱོགས་བསྡུས་བཅོས་སྐྱོང་སོགས་གཙོ་གནད་ཆུ་བེད་བཟོ་སྐྲུན་གྱི་དུས་རིམ་སྔོན་མའི་བྱ་བ་ལེགས་པོར་བསྒྲུབ་དགོས།འཆར་འགོད་ཁྲོད་ཀྱི་ཆུ་རྐ་བཟོ་བཅོས་ཆེ་འབྲིང་དང་ཞིང་ལས་ཆུང་བའི་གཙོ་གནད་རྫོང་འཛུགས་སྐྲུན་གྱི་ལས་འགན་ལེགས་འགྲུབ་བྱུང་དགོས་པ་དང་ས་ཞིང་གི་གསར་སྤེལ་ལེགས་སྒྲིག་དང་ཚད་ལྡན་ཞིང་ཚིགས་ཀྱི་འཛུགས་སྐྲུན་མགྱོགས་མྱུར་ངང་སྐུལ་འདེད་གཏོང་དགོས།ཞིང་སའི་སྲུང་སྐྱོང་དང་འཛུགས་སྐྲུན་ཤུགས་ཚད་ཇེ་མཐོར་གཏོང་བ་དང་རྨ་ཆུའི་གཞོང་སའི་ས་ཞིང་མུའུ་ས་ཡ་ལྷག་གི་ལེགས་སྒྲིག་གསར་སྤེལ་གྱི་དུས་རིམ་དང་པོའི་དམིགས་འབེན་ལས་འགན་ལེགས་འགྲུབ་བྱུང་དགོས།ཙོང་ཆུའི་བཞུར་རྒྱུན་གྱི་ཞིང་ས་མུའུ་ས་ཡ་ལྷག་གི་ལེགས་སྒྲིག་གསར་སྤེལ་ལས་གཞི་འཁོར་སྐྱོད་བྱེད་པར་བརྩོན་ལེན་བྱེད་དགོས།ཕྱོགས་ཡོངས་ནས་༼ལྔའི་བཅུ་གཉིས༽འཆར་འགོད་ཁྲོད་ཀྱི་རོང་འབྲོག་པའི་བཏུང་ཆུའི་བདེ་འཇགས་གནད་དོན་ཐག་གཅོད་དགོས།མུ་མཐུད་དུ་རོང་འབྲོག་ཁུལ་གྱི་གློག་དྲ་བཟོ་བཅོས་ལེགས་འགོད་ཀྱི་བཟོ་སྐྲུན་ལག་བསྟར་བྱེད་དགོས་ཤིང་།ཡུལ་བབ་དང་བསྟུན་ནས་གློག་དྲ་འཐེན་པའམ་ཉི་གློག་བཀོལ་བ།རླུང་ནུས་དང་ཆུ་གློག་སོགས་གློག་འདོན་བྱེད་ཐབས་བཀོལ་ཏེ།གློག་མེད་སའི་གནད་དོན་ཐག་གཅོད་དགོས།

ཞིང་ཆེན་ཡོངས་ཀྱི་རོང་འབྲོག་ཁུལ་གྱི་གཞུང་ལམ་འཛུགས་སྐྲུན་ཇེ་མགྱོགས་སུ་གཏོང་དགོས།རོང་འབྲོག་ཁུལ་གྱི་གཞུང་ལམ་བདག་སྐྱོང་དང་དོ་དམ་ཀྱི་མ་དངུལ་གཏོང་ཚད་དང་ནང་རྐྱེན་གསར་སྐྲུན་ཇེ་དྲག་ཏུ་གཏོང་བ།ཞིང་སྡེའི་འགྲུལ་འཁོར་དང་ཞིང་སྡེའི་སློབ་གྲྭའི་རླངས་འཁོར་གྱི་བདེ་འཇགས་དོ་ལམ་ལ་ཤུགས་སྣོན་དགོས།ཞིང་སྡེའི་རྫབ་རླངས་ཀྱི་འཛུགས་སྐྲུན་དང་དོ་དམ་ནང་རྐྱེན་འཐུས་ཚང་དུ་གཏོང་དགོས། ཞིང་སྡེ་རུ་རླུང་བརྙན་འཕྲིན་ཁྱིམ་རེར་ཤར་གཏོང་བྱེད་པ་དང་གློག་བརྙན་གཏོང་བ།འཕྲིན་གཏོང་སྡེ་བ་རེར་ཤར་གཏོང་ཐུབ་བའི་བཟོ་སྐྲུན་གཏིང་ཟབ་པའི་སྒོ་ནས་སྐུལ་འདེད་བྱེད་དགོས་ཤིང་།ཞིང་སྡེའི་ཆ་འཕྲིན་གྱི་རྨང་གཞིའི་སྒྲིག་ཆས་འཛུགས་སྐྲུན་དང་ཐགས་ཡངས་དྲ་བ་སྦྲེལ་བའི་བྱ་བ་ཇེ་མགྱོགས་སུ་གཏོང་དགོས་པ་མ་ཟད། སྲིད་སྐྱོང་སྡེ་བར་ཕལ་ཆེར་དྲ་རྒྱ་ཡོད་པ་དང་། དེང་རབས་བརྡ་འཕྲིན་སྡེ་བ་དང་ཁྱིམ་ཚང་རེར་ཤར་གཏོང་ཐུབ་པར་སྐུལ་འདེད་བྱེད་དགོས།

20.རོང་འབྲོག་ཁུལ་གྱི་སྤྱི་སྤྱོད་ཞབས་ཞུའི་ཆུ་ཚད་མཐོར་འདེགས་སུ་གཏོང་དགོས། དོ་མཉམ་ངང་འོས་འགན་སློབ་གསོ་གོང་དུ་སྤེལ་བ་གཙོ་གནད་དུ་བཟུང་ནས་གཅིག་གྱུར་སྒོས་རིགས་སོ་སོའི་སློབ་གསོ་མཐུན་སྦྱོར་གོང་འཕེལ་གཏོང་དགོས།སློབ་གསོའི་གྲོན་དངུལ་འགན་སྲུང་གི་ནང་རྐྱེན་འཐུས་ཚང་དུ་གཏོང་དགོས།དབུལ་ཕོངས་ས་ཁུལ་གྱི་སློབ་གསོ་ཞན་པའི་སློབ་གྲྭར་མ་མཐའི་སློབ་སྒྲུབ་ཆ་རྐྱེན་གྱི་ལས་གཞི་ལག་བསྟར་བྱེད་དགོས་ཤིང་།སློབ་སྔོན་སློབ་གསོའི་དུས་རིམ་གཉིས་པ་དང་གསུམ་བའི་འཆར་གཞི་རྒྱུན་མཐུད་སྐུལ་འདེད་གཏོང་དགོས།ཞང་སྡེའི་རིམ་པ་གཉིས་ཀྱི་གཞུང་སྒྲུབ་དང་སྤྱི་ཕན་རང་བཞིན་གྱི་དམངས་སྒྲུབ་བྱིས་བཅོལ་ཁང་གི་འཛུགས་སྐྲུན་ལ་རྒྱབ་སྐྱོར་བྱེད་དགོས།དེང་རབས་ཀྱི་ལས་རིགས་སློབ་གསོར་སྐུལ་འདེད་དང་དབུས་དང་ནུབ་རྒྱུད་ཀྱི་མཐོ་རིམ་སློབ་གསོ་དར་སྤེལ་འགུལ་སྐྱོད་འཆར་གཞི་མངོན་འགྱུར་བྱེད་དགོས།ལས་རིགས་ལག་རྩལ་ཟབ་སྦྱོང་ཕྱོགས་ཡོངས་སུ་ཁེབས་དགོས་ཤིང་རོང་འབྲོག་མི་དམངས་ཀྱི་ལས་རིགས་སློབ་གསོ་ཧུར་ཐག་གིས་གོང་དུ་སྤེལ་དགོས།ཞང་སྡེའི་དགེ་རྒན་གྱི་དཔུང་སྡེ་འཛུགས་སྐྲུན་ལ་ཤུགས་སྣོན་དང་གཅིག་བསྡུས་དབུལ་ཕོངས་ས་ཁུལ་གྱི་ཞང་སྡེའི་དགེ་རྒན་གྱི་འཚོ་བའི་ཁ་གསབ་སྲིད་ཇུས་མངོན་འགྱུར་བྱ་དགོས་པ་མ་ཟད།ལོ་རེའི་ཁ་གསབ་ཀྱི་ཚད་གཞི་ཇེ་མཐོར་གཏོང་དགོས།  གསར་དར་ཞིང་སྡེའི་མཉམ་འབྲེལ་སྨན་བཅོས་ཀྱི་རྒྱུན་མཐུད་བྱས་ཆོག་པའི་མ་དངུལ་གྲབས་གསོག་ནང་རྐྱེན་འཛུགས་དགོས་ཤིང་།མི་རེའི་ཆ་སྙོམས་ཀྱི་ནོར་སྲིད་རོགས་དངུལ་དང་མི་སྒེར་གྱིས་སྤྲོད་འོས་བའི་ཚད་གཞི་གཉིས་གཅིག་མཐུན་ནམ་དོ་མཉམ་ཡོང་དགོས།སྔར་བས་དངོས་ཡོད་ཀྱི་འགྲོ་སོང་རྩིས་ཞུའི་ཆུ་ཚད་ཇེ་མཐོར་གཏོང་དགོས།ཕྱོགས་ཡོངས་ནས་ཞང་གྲོང་སྡོད་དམངས་ཀྱི་ནད་ཚབས་ཆེན་གྱི་ཉེན་འགོག་ནང་འཇུག་པ་དང་རོང་འབྲོག་ཁུལ་གྱི་གཞི་རིམ་འཕྲོད་བསྟེན་དང་འཆར་ལྡན་བུ་སྐྱེའི་ཞབས་ཞུ་མ་ལག་དང་ཞང་སྡེའི་སྨན་པའི་དཔུང་ཁག་འཛུགས་སྐྲུན་ལ་ཤུགས་སྣོན་དགོས།རྩ་བའི་སྨན་བཅོས་དང་སྤྱི་སྤྱོད་འཕྲོད་བསྟེན།འཆར་ལྡན་བུ་སྐྱེ་བཅས་ཀྱི་ཞབས་ཞུའི་ནུས་ཤུགས་ཇེ་མཐོར་གཏོང་དགོས།དམངས་ལ་ཕན་པའི་རིག་གནས་གལ་ཆེན་གྱི་ལས་གཞིས་༼ཞིང་གསུམ༽ལ་ཞབས་འདེགས་ཞུ་དགོས་པ་དང་རིག་གནས་སྡེ་བར་སྐྱེལ་བའི་བཟོ་སྐྲུན་མུ་མཐུད་དུ་ལག་བསྟར་བྱ་དགོས།རོང་འབྲོག་ཁུལ་གྱི་ཆེས་དམའ་བའི་འཚོ་བའི་འགན་སྲུང་ལམ་ལུགས་ཀྱི་ཚད་ལྡན་དོ་དམ་ལ་ཤུགས་སྣོན་དགོས།གནས་སྐབས་ཀྱི་རོགས་སྐྱོར་ལམ་ལུགས་ཕྱོགས་ཡོངས་ནས་འཛུགས་པ་དང་རོང་འབྲོག་ཁུལ་གྱི་སྤྱི་ཚོགས་རོགས་སྐྱོར་བྱ་བ་ཇེ་ལེགས་སུ་གཏོང་བ།གཅིག་གྱུར་གྱི་ཞང་གྲོང་སྡོད་དམངས་ཀྱི་མ་མཐའི་རྒན་གསོ་ཉེན་འགོག་མངོན་འགྱུར་བྱེད་པ་དང་ད་ཡོད་ཀྱི་སྒྲིག་ཆས་དང་ལས་ར།ཐོན་ཁུངས་བཅས་ལེགས་སྒྲིག་བཀོལ་སྤྱོད་བྱ་དགོས་ཤིང་།རོང་འབྲོག་ཁུལ་གྱི་གཞི་རིམ་ཕྱོགས་བསྡུས་སྤྱི་སྤྱོད་ཞབས་ཞུའི་སྟེགས་བུ་བཞེངས་བསྐྲུན་བྱ་དགོས།

21.རོང་འབྲོག་ཁུལ་གྱི་འཚོ་གནས་ཁོར་ཡུག་དག་ཐེར་བྱ་བར་ཕྱོགས་ཡོངས་ནས་སྐུལ་འདེད་བྱ་དགོས།རྫོང་མངའ་ཁོངས་ཀྱི་སྡེ་བ་དང་གྲོང་རྡལ་གྱི་མ་ལག་དང་ཡུལ་ཚོའི་འཆར་འགོད་ལེགས་བཅོས་དང་འཆར་འགོད་ཀྱི་ཚན་རིག་རང་བཞིན་དང་ཚོད་འཛིན་ནུས་པ་ཇེ་དྲག་ཏུ་གཏོང་དགོས།ཞིང་སྡེའི་ཁང་རྙིང་བཟོ་བཅོས་དང་བྱ་དགའ་རང་བཞིན་གྱི་སྡོད་ཁང་འཛུགས་སྐྲུན་ཤུགས་ཚད་ཇེ་ཆེར་བཏང་ནས་རོང་འབྲོག་པའི་སྡོད་ཁང་ཆ་རྐྱེན་ཇེ་ལེགས་སུ་གཏོང་དགོས།རོང་འབྲོག་ཁུལ་གྱི་སྤྱི་སྤྱོད་ཞབས་ཞུའི་སྒྲིག་ཆས་ཆ་ཚང་བར་བསྐྲུན་པ་དང་རི་ཆུ་ནགས་གསུམ་སོགས་ཀྱི་སྦྲེལ་ལམ་ཕྱོགས་བསྡུས་བཅོས་སྐྱོང་བྱ་བར་སྐུལ་འདེད་བྱ་དགོས།རོང་འབྲོག་ཁུལ་གྱི་ཁོར་ཡུག་བཅོས་སྐྱོང་བྱ་བར་མུ་མཐུད་དུ་རྒྱབ་སྐྱོར་དང་ཆུ་བོའི་ཕྱོགས་བསྡུས་བཅོས་སྐྱོང་བྱ་བ་མགྱོགས་མྱུར་ངང་སྤེལ་དགོས།རོང་འབྲོག་ཁུལ་གྱི་འཚོ་བའི་གད་སྙིགས་དང་བཙོག་ཆུ་སོགས་ཞིབ་བཤེར་དང་དག་ཐེར་བཅོས་སྐྱོང་བྱེད་པའི་ཤུགས་ཚད་ཆེ་རུ་བཏང་ནས་ཡུལ་ཚོ་ལ་སོགས་པའི་འཕྲོད་བསྟེན་གནས་ཚུལ་ཇེ་ལེགས་སུ་གཏོང་བ། རོང་འབྲོག་ཁུལ་མཐའ་འཁོར་གྱི་བཟོ་ལས་ཀྱི༼སྙིགས་གསུམ༽ལས་བཏོན་པ་དང་འཚོ་བའི་གད་སྙིགས་ལ་ལྟ་སྐུལ་བཅོས་སྐྱོང་བྱེད་པའི་ཤུགས་ཚད་ཇེ་ཆེར་གཏོང་དགོས།སྡེ་བ་རིམ་བའི་དོན་གཅིག་གྲོས་གཅིག་གི་ནོར་སྲིད་བྱ་དགའ་དང་ཁ་གསབ་ནང་རྐྱེན་ལེགས་བཅོས་བྱེད་པ་དང་རོང་འབྲོག་ཁུལ་གྱི་སྤྱི་སྤྱོད་ཞབས་ཞུའི་འཁོར་སྐྱོད་སྲུང་སྐྱོབ་ནང་རྐྱེན་གྱི་ཚོད་ལྟའི་མངའ་ཁོངས་རྒྱ་བསྐྱེད་དགོས། སྡེ་བའི་ནང་གི་སྤྱི་ཕན་ལས་དོན་འཛུགས་སྐྲུན་དང་དོ་དམ། སྲུང་སྐྱོབ་བཅས་ལ་རྒྱབ་སྐྱོར་བྱེད་དགོས།སྲོལ་རྒྱུན་གྱི་ཚོ་བའི་མིང་ཐོ་འགོད་ཚུལ་དང་སྡོད་དམངས་ཞིབ་བཤེར་བྱེད་སྟངས།ཚོ་བ་དང་སྡོད་དམངས་ཀྱི་སྲུང་སྐྱོབ་བྱེད་ཐབས་བཅས་ཀྱི་བྱ་བ་ལེགས་པོར་སྤེལ་བ་དང་སྲོལ་རྒྱུན་གྱི་རིག་གནས་ལ་སྲུང་སྐྱོང་དང་དར་སྤེལ་གཏོང་དགོས་པ་མ་ཟད།མཛེས་སྡུག་གི་ཞང་སྡེ300འཛུགས་སྐྲུན་ལེགས་འགྲུབ་བྱུང་དགོས།

22.སྤྱི་ཚོགས་ཀྱི་མ་རྩ་རོང་འབྲོག་ཁུལ་གྱི་འཛུགས་སྐྲུན་སྟེང་བཀོལ་བར་སྣེ་ཁྲིད་དང་སྐུལ་མ་གཏོང་དགོས།  སྤྱི་ཚོགས་ཀྱི་མ་རྩ་རོང་འབྲོག་ཁུལ་གྱི་འཛུགས་སྐྲུན་སྟེང་བཀོལ་ནས་རིགས་སོ་སོའི་ལས་དོན་གསར་སྐྲུན་བྱེད་པར་སྣེ་ཁྲིད་དང་སྐུལ་མ་གཏོང་དགོས།སྲིད་གཞུང་གིས་འགོ་ཁྲིད་དང་ནོར་སྲིད་ཀྱིས་རྒྱབ་སྐྱོར་བྱས་པའི་རོང་འབྲོག་ཁུལ་གྱི་སྤྱི་ཕན་རང་བཞིན་གྱི་བཟོ་སྐྲུན་དང་ལས་གཞི་ལ་སྲིད་གཞུང་གིས་ཞབས་ཞུ་ཉོ་བ་དང་སྲིད་གཞུང་དང་སྤྱི་ཚོགས་ཀྱི་མ་རྩ་གཉིས་མཉམ་འབྲེལ་སོགས་ཀྱི་བྱེད་ཐབས་བཀོལ་ནས་ཁེ་ལས་དང་སྤྱི་ཚོགས་རྩ་འཛུགས་བཅས་འཛུགས་སྐྲུན་དང་བདག་སྲུང་།བདག་གཉེར་སོགས་ཀྱི་བྱ་བཞག་ནང་ཞུགས་པར་སྐུལ་མ་དང་འཁྲིད་སྟོན་བྱེད་དགོས།ཚོང་ལས་ཅན་ལྟར་དུ་བདག་གཉེར་བྱེད་ཐུབ་པའི་རོང་འབྲོག་ཁུལ་གྱི་ཞབས་ཞུའི་ལས་རིགས་དེ་སྤྱི་ཚོགས་མ་རྩ་སར་ཕྱོགས་ཡོངས་ནས་ཁ་གཏད་ཆོག རྨང་གཞིའི་སྒྲིག་ཆས་དང་སྤྱི་ཚོགས་བྱ་བཞག་སོགས་དངུལ་གཏོང་བདག་གཉེར་ནང་རྐྱེན་འཐུས་ཚང་དུ་བཏང་སྟེ་གཅིག་བསྡུས་ཀྱིས་སྤྱི་དབང་མ་ཡིན་པའི་མ་རྩ་དང་སྤྱི་ཚོགས་མ་རྩ་དག་དཔེ་སྟོན་ལས་གཞིའི་ནང་ཞུགས་པར་སྐུལ་མ་གཏོང་དགོས།ཞང་གྲོང་སྲིད་གཞུང་གི་འགན་ནུས་བརྗེ་སྤོར་གྱི་དཀར་ཆག་འཚོལ་ཞིབ་སྒྲིག་འཛུགས་བྱེད་པ་དང་སྤྱི་སྤྱོད་ཞབས་ཞུ་སྤྱི་ཚོགས་ཀྱིས་སྒྲུབ་ན་འོས་པ་ཞིག་ཡོད་ན་དེ་སྤྱི་ཚོགས་ཀྱི་རྩ་འཛུགས་ལ་འགན་འཁུར་དུ་འཇུག་དགོས།

23.རོང་འབྲོག་ཁུལ་གྱི་བསམ་བློ་ཀུན་སྤྱོད་ཀྱི་འཛུགས་སྐྲུན་ཇེ་དྲག་ཏུ་གཏོང་དགོས།སྤྱི་ཚོགས་རིང་ལུགས་ཀྱི་སྲོག་ཤིང་ལྟ་བུའི་རིན་ཐང་གི་ལྟ་བ་གསོ་སྐྱོང་དང་ལག་བསྟར་བྱེད་པ་དམ་འཛིན་དང་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་གཞུང་ལུགས་མ་ལག་དང་ཀྲུང་གོ་འདུན་མའི་དྲིལ་སྒྲོག་སློབ་གསོ་གཏིང་ཟབ་སྤེལ་དགོས།གནས་བབ་འོག་གི་སྲིད་ཇུས་དྲིལ་སྒྲོག་དང་སྐྱེ་ཁམས་སྲུང་སྐྱོང་ཤེས་བྱ་ཁྱབ་གདལ་དུ་གཏོང་བ།དྲི་མས་མ་གོས་ཤིང་ཡ་རབས་སྤྱོད་བཟང་གི་འཚོ་བའི་ལྟ་བ་སོགས་ཀྱི་སློབ་གསོ་རྒྱ་ཆེར་སྤེལ་དགོས་པ་དང་རོང་འབྲོག་མི་དམངས་ཀྱི་སྣ་འཛོམས་རྒྱུ་སྤུས་དང་སྤྱི་ཚོགས་ཀྱི་དཔལ་ཡོན་ཚད་གཞི་ཇེ་མཐོར་གཏོང་དགོས།རོང་འབྲོག་ཁུལ་གྱི་བསམ་པའི་དཔལ་ཡོན་འཛུགས་སྐྲུན་བྱ་འགུལ་གཏིང་ཟབ་སྤེལ་བ་དང་སྡེ་དམངས་སྲོལ་ཡིག་སོགས་དུས་རབས་དང་བསྟུན་ནས་འཐུས་ཚང་དུ་གཏོང་དགོས།ཡར་བརྩོན་དང་བྱམས་སེམས་ལྡན་པ་སོགས་དུས་རབས་འདིའི་ཡ་རབས་སྤྱོད་བཟང་གི་གོམས་གཤིས་ལེགས་པོ་དེར་བཀུར་ཞིང་བརྩི་དགོས།བདེ་ཐང་ལ་ཕན་པ་དང་ཐོས་དགའ་མཐོང་སྤྲོའི་རིག་གནས་ཞབས་ཞུ་དར་སྤེལ་གཏོང་དགོས།སྤྱོད་བཟང་དང་དྲང་བདེན་སྐྱོང་བ་སོགས་ཀྱི་ལམ་ཕྱོགས་བཞིའི་མགྲོན་པོར་བསུ་མ་བྱས་ནས་རང་གི་ཕ་ཡུལ་འཛུགས་སྐྲུན་ལ་རྒྱབ་སྐྱོར་དང་བྱས་རྗེས་གང་ཡོད་འཇོག་དགོས་པ་དང་ཞང་སྡེའི་དཔལ་ཡོན་རྒྱུན་འཛིན་དར་སྤེལ་དགོས།

24.རོང་འབྲོག་ཁུལ་གྱི་གཞི་རིམ་རྩ་འཛུགས་འཛུགས་སྐྲུན་དངོས་གནས་ཇེ་དྲག་ཏུ་གཏོང་དགོས།

༼གཞི་རིམ་རྩ་འཛུགས།རྨང་གཞིའི་བྱ་བ། རྩ་བའི་ནུས་པ༽བཅས་ཀྱི་འཛུགས་སྐྲུན་ལོ་གཉིས་ཀྱི་ནང་གྲུབ་འབྲས་ལོན་དགོས་པའི་གཙོ་གནད་ལས་འགན་མངོན་འགྱུར་བྱེད་དགོས།ཏང་རྩ་འཛུགས་སྲོག་ཤིང་ཡིན་པའི་རོང་འབྲོག་ཁུལ་གྱི་གཞི་རིམ་རྩ་འཛུགས་འཛུགས་སྐྲུན་ཇེ་དྲག་ཏུ་གཏོང་བ་དང་ནུས་མེད་ལྷོད་གཡེང་གི་གཞི་རིམ་ཏང་རྩ་འཛུགས་རྒྱུན་མཐུད་དག་ཐེར་བྱས་ཏེ་གཞི་རིམ་ཏང་རྩ་འཛུགས་ཀྱི་བཙན་རྫོང་ལྟ་བུའི་ནུས་པ་འདོན་དགོས་ཤིང་།ཏང་གིས་རོང་འབྲོག་ཁུལ་གྱི་སྲིད་འཛིན་རྨང་གཞི་སྲ་བརྟན་དུ་གཏོང་དགོས། རོང་འབྲོག་ཁུལ་གྱི་གཞི་རིམ་ཏང་རྩ་འཛུགས་ཀྱི་བཀོད་སྒྲིག་དང་བྱ་འགུལ་སྤེལ་སྟངས་གསར་གཏོད་དང་ལེགས་བཅོས་བྱ་དགོས།ཞིང་ཕྱུགས་ལས་ཀྱི་རྒྱུན་མཐུད་ཐོན་ལས་དང་རོང་འབྲོག་མང་ཚོགས་འདུས་སྡོད་ས་ཁུལ་དུ་ཏང་རྩ་འཛུགས་ཀྱི་བྱ་བ་སྤེལ་བར་སྐུལ་འདེད་བྱེད་དགོས་ཤིང་ཏང་གི་རྩ་འཛུགས་དང་བྱ་བའི་སྟེང་གྲུབ་འབྲས་ཡོད་པའི་སྒོ་ནས་ཁེབས་རྒྱ་ཆེ་རུ་བསྐྱེད་དགོས།ཞིང་སྡེའི་ཏང་རྩ་འཛུགས་ཀྱི་འགོ་ཁྲིད་ཚན་ཁག་འཛུགས་སྐྲུན་ལ་ཤུགས་བསྣན་ནས་སྔར་བས་འདེམས་བསྐོ་དང་དོ་དམ་བཀོལ་སྤྱོད་གང་ལེགས་བྱ་དགོས་ཤིང་།སྡེ་བའི་ཨུ་ཡོན་ལྷན་ཁང་གཉིས་ཀྱི་ཁོངས་མིའི་ཟབ་སྦྱོང་རྩ་འཛུགས་བྱེད་དགོས།རོང་འབྲོག་ཁུལ་གྱི་གཞི་རིམ་ཏང་ནང་ཆབ་སྲིད་འཚོ་བར་གཟབ་ནན་བྱེད་དགོས་ཤིང་ཏང་ཡོན་གྱི་རྒྱུན་ལྡན་སློབ་གསོའི་དོ་དམ་ཇེ་དྲག་ཏུ་གཏོང་དགོས།ཏང་གི་སྒྲིག་ཁྲིམས་དང་ཏང་གི་སྲོལ་ཡིག་ལ་འགལ་བའི་སྤྱོད་ངན་ལ་རྩད་ཆོད་ནན་མོ་བྱེད་དགོས་ལ།རོང་འབྲོག་མང་ཚོགས་ཀྱི་ཉེ་འཁོར་དུ་བྱུང་དང་འབྱུང་བཞིན་བའི་སྤྱོད་ངན་དང་རུལ་སུང་གི་གནད་དོན་ཡོད་ན་བློ་ཐག་རྦད་ཆོད་ཀྱིས་རྩད་ཞིབ་ཐག་གཅོད་བྱ་དགོས།རོང་འབྲོག་ཁུལ་གྱི་གཞི་རིམ་ཞབས་ཞུ་རྣམ་པའི་ཏང་རྩ་འཛུགས་འཛུགས་སྐྲུན་གཙོར་བཟུང་ནས་རྫོང་དང་ཞང་དང་སྡེ་བའི་དམངས་བདེ་ཞབས་ཞུ་དྲ་རྒྱའི་འཛུགས་སྐྲུན་ལ་ཤུགས་སྣོན་དགོས། ནན་ཏན་གྱིས་ཏང་འཛུགས་བྱ་བའི་འགན་འཁྲི་ལམ་ལུགས་མངོན་འགྱུར་བྱས་ཏེ་གྲོང་ཁྱེར་དང་རྫོང་དང་ཡུལ་ཚོའི་ཏང་ཨུའི་ཧྲུའུ་ཅིས་གཞི་རིམ་ཏང་འཛུགས་བྱ་བའི་ལས་སྒྲུབ་སྙན་ཞུའི་དཔྱད་འཇོག་བྱ་བ་ཕྱོགས་ཡོངས་ནས་ནན་མོར་འཛིན་དགོས།

ལྔ།རོང་འབྲོག་ཁུལ་གྱི་བཅོས་བསྒྱུར་གསར་སྐྲུན་ལ་སྐུལ་འདེད་བྱས་ནས་འཕེལ་རྒྱས་ཀྱི་གསོན་ཤུགས་རྒྱས་སུ་འཇུག་དགོས།

བཅོས་བསྒྱུར་གསར་སྐྲུན་ནི་འཕེལ་རྒྱས་ཀྱི་སྒུལ་ཤུགས་ཡིན་ལ།རོང་འབྲོག་ཁུལ་གྱི་བཅོས་བསྒྱུར་གཏིང་ཟབ་སྤེལ་ན་ངེས་པར་དུ་དཔེ་སྟོན་ཚོད་ལྟ་ས་ཁུལ་དམ་པོར་འཛིན་དགོས་ཤིང་།མུ་མཐུད་དུ་སྤྱི་སྡོམ་གཏིང་ཟབ་དང་ལྟ་སྐུལ་ཞིབ་བཤེར་གྱི་མངོན་འགྱུར་བྱས་ཏེ་བཅོས་བསྒྱུར་ལ་གོང་འཕེལ་ཡོད་པ་དང་མིག་ཐོག་ལག་ཟིན་གྱི་གྲུབ་འབྲས་ཤིག་ཀྱང་ལེན་དགོས།

25.རྣམ་པ་གསར་བའི་ཞིང་ཕྱུགས་ལས་ཀྱི་བདག་གཉེར་མ་ལག་འཛུགས་སྐྲུན་ལ་ཤུགས་སྣོན་དགོས།རོང་འབྲོག་ཁུལ་གྱི་རྩ་བའི་བདག་གཉེར་ལམ་ལུགས་རྒྱུན་འཁྱོངས་དང་འཐུས་ཚང་དུ་གཏོང་དགོས་ལ།ཁྱིམ་ཚང་གི་བདག་གཉེར་གྱིས་གོ་གནས་གལ་ཆེན་བཟུང་ནས་ས་ཞིང་དང་རྩྭ་རའི་བདག་གཉེར་དབང་ཆར་ཚད་གཞི་ཡོད་པ་དང་གོ་རིམ་ལྡན་པའི་སྒོ་ནས་འཁོར་སྐྱོད་བྱེད་པར་ཕྱོགས་སྟོན་བྱེད་དགོས་ཤིང་།ས་ཞིང་དང་རྩྭ་རའི་འཁོར་སྐྱོད་དང་ཚད་མཐུན་གྱི་བདག་གཉེར་བྱེད་ཐབས་ཀྱི་ཐབས་ལམ་ཞིག་གསར་སྐྲུན་བྱ་དགོས།རྣམ་པ་གསར་བའི་བདག་གཉེར་བྱེད་ཐབས་གཙོ་བོ་ཞིག་ཧུར་ཐག་གིས་གསོ་སྐྱོང་བྱ་དགོས་ལ།ས་ཞིང་དང་རྩྭ་ས་གསོ་སྤེལ་བྱེད་མཁན་གྱི་སྟོབས་འབྱོར་ཅན་དང་མཉམ་ལས་ཁང་སོགས་སུ་གཅིག་བསྡུས་བྱས་ཏེ།ཚད་དང་རན་པའི་བདག་གཉེར་བྱེད་ཐབས་འདོན་སྤེལ་དང་སྣེ་ཁྲིད་ཀྱི་ནུས་ཤུགས་ལ་སྐུལ་ཁྲིད།གོང་སྤེལ་གྱི་ཆུ་ཚད་ཇེ་མཐོར་བཅས་གཏོང་དགོས།  རྣམ་པ་གསར་བའི་ལས་རིགས་རོང་འབྲོག་བའི་སློབ་གསོར་ཤུགས་སྣོན་དགོས།རོང་འབྲོག་པའི་ཆེད་ལས་མཉམ་ལས་ཁང་གི་ཞབས་ཞུའི་མངའ་ཁོངས་རྒྱ་བསྐྱེད་པར་སྣེ་ཁྲིད་བྱེད་དགོས་པ་དང་ཚད་ལྡན་ཅན་གོང་སྤེལ་གཏོང་བར་སྐུལ་སྤེལ་བྱ་དགོས་ཤིང་།དཔེ་སྟོན་སྡེ་ཁུལ་གསར་འཛུགས་བྱ་བ་གཏིང་ཟབ་སྤེལ་དགོས། ཞིང་ཕྱུགས་ལས་ཐོན་ལས་ཅན་གྱི་དཔེ་སྟོན་རྟེན་གཞི་འཛུགས་སྐྲུན་དང་ཁེ་ལས་ཀྱི་རྣམ་བསྒྱུར་རིམ་འཕར་ལ་སྐུལ་འདེད་བྱེད་དགོས།རོང་འབྲོག་པའི་ས་ཞིང་དང་རྩ་སའི་བདག་གཉེར་དབར་ཆ་མཉམ་ལས་ཁང་དང་ཁེ་ལས་སོགས་སུ་མ་རྐང་དུ་བཞག་ནས་ས་ཞིང་མཉམ་ལས་གོང་སྤེལ་གཏོང་དགོས།བཟོ་ཚོང་མ་རྩའི་འཕེལ་རྒྱས་དེ་ཁེ་ལས་ཅན་བདག་གཉེར་གྱི་དེང་རབས་འདེབས་འཛུགས་གསོ་སྤེལ་ལས་རིགས་དང་ཞིང་ཕྱུགས་ཐོན་རྫས་ཀྱི་ལས་སྣོན་དང་འཁོར་རྒྱུག ཞིང་ཕྱུགས་ལས་སྤྱི་ཚོགས་ཅན་དུ་བསྒྱུར་བའི་ཞབས་ཞུ་དང་འཚམས་པར་ཡར་སྐུལ་བྱེད་དགོས།  

26.རོང་འབྲོག་ཁུལ་གྱི་ས་ཞིང་ལམ་ལུགས་བཅོས་བསྒྱུར་ཚོད་ལྟ་བྱེད་ས་བརྟན་བརླིང་ངང་སྐུལ་འདེད་བྱ་དགོས། གཟབ་ནན་དང་བརྟན་བརླིང་ངང་ཞིང་སྡེའི་ས་ཞིང་ལམ་ལུགས་བཅོས་བསྒྱུར་བྱེད་པ་སྤེལ་དགོས། རིགས་བཀར་ནས་ཞིང་སྡེའི་ས་ཞིང་བསྡུ་ལེན་དང་ཐུན་མོང་བདག་གཉེར་རང་བཞིན་གྱི་འཛུགས་སྐྲུན་ས་ཞིང་གྲོང་ཁྱེར་ནང་འདུས་པ་དང་ཁང་སའི་ལམ་ལུགས་བཅོས་བསྒྱུར་ཚོད་ལྟ་བྱེད་ས་ལག་བསྟར་བྱ་དགོས།ས་ཞིང་བསྡུ་ལེན་ཞིང་བར་འོས་མཐུན་དང་ཚད་ལྡན། སྣ་མང་རང་བཞིན་གྱི་འགན་སྲུང་ནང་རྐྱེན་འཐུས་ཚང་དུ་གཏོང་དགོས།འཆར་འགོད་དང་བཀོལ་སྤྱོད་དོ་དམ་ལམ་ལུགས་དང་མཐུན་པའི་ཞིང་སྡེའི་ཐུན་མོང་གི་བདག་གཉེར་རང་བཞིན་གྱི་འཛུགས་སྐྲུན་ས་ཞིང་གླ་གཏོང་དང་ཕྱིར་འཚོང་།མ་རྐང་དུ་འཇོག་པའི་དབང་ཆ་སྤྲོད་དགོས། ཚོང་རའི་ཉོ་ཚོང་སྒྲིག་ལམ་དང་ཞབས་ཞུའི་ལྟ་སྐུལ་དོ་དམ་སྒྲིག་གཞི་འཚོལ་ཞིབ་བྱས་ཏེ་སྒྲིག་འཛུགས་བྱ་དགོས།ཞིང་བའི་ཁང་སའི་ཁེ་དབང་ལ་ཁྲིམས་ལྟར་འགན་སྲུང་བྱ་དགོས་ཤིང་ཞིང་བའི་ཁང་ས་ལེན་པའི་བྱེད་ཐབས་བཅོས་བསྒྱུར་དང་སྡོད་ཁང་འགན་སྲུང་གི་སྒྲིག་གཞི་གསར་བ་འཚོལ་ཞིབ་བྱ་དགོས།སྐུ་འབུམ་སོགས་རྫོང་འགའ་རུ་ས་ཞིང་འགན་ལེན་བདག་གཉེར་དབང་ཆ་རྫོང་ཡོངས་ནས་སྤེལ་བར་སྐུལ་འདེད་བྱ་དགོས།མུ་མཐུད་དུ་ཚད་དང་ལྡན་པའི་ས་ཞིང་དང་རྩྭ་སའི་འགན་ལེན་བདག་གཉེར་དབང་ཆའི་རྒྱུན་འཁོར་ཚོད་ལྟ་བྱེད་ས་བཙུགས་ནས་དངོས་གནས་ཆེད་ལས་མི་སྣ་དང་ལམ་ལུགས་བྱེད་ཐབས།ཆ་འཕྲིན་ཡོངས་བསྒྲགས། བྱེ་བྲག་གིས༼ཡོད་པ་བཞི༽ལ་འཛུབ་སྟོན་གནང་པ་བཅས་བྱེད་དགོས།ཞིང་སྡེའི་ཐུན་མོང་གི་ཐོན་དབང་ལམ་ལུགས་ཀྱི་བཅོས་བསྒྱུར་ཚོད་ལྟ་བྱེད་ས་དར་སྤེལ་བྱ་དགོས།ཞིང་སྡེའི་ཐུན་མོ་གི༼མ་དངུལ། རྒྱུ་ནོར།ཐོན་ཁུངས།༽བཅས་ཀྱི་དོ་དམ་ལྟ་སྐུལ་དང་ཁེ་ཕན་བགོ་བཤའ་རྒྱག་པའི་ལམ་ལུགས་འཐུས་ཚང་དུ་གཏོང་དགོས།རྫོང་དང་ཡུལ་ཚོའི་ཞིང་སྡེའི་ས་ཞིང་འགན་ལེན་བདག་གཉེར་དབང་ཆ་དང་ནགས་དབང་རྒྱུན་འཁོར་ཞབས་ཞུའི་སྟེགས་བུའི་ནུས་པ་འདོན་སྤེལ་གང་ལེགས་བྱས་ཏེ་ཞིང་སྡེའི་ཐོན་དབང་ཉོ་ཚོང་ཚོང་ར་བདེ་ཐང་ངང་འཕེལ་རྒྱས་འབྱུང་བར་སྣེ་ཁྲིད་བྱེད་དགོས།

27.སྐྱེ་ཁམས་ཁ་གསབ་བྱ་དགའི་སྲིད་ཇུས་དང་སྲུང་སྐྱོབ་བྱས་པའི་གྲུབ་འབྲས་གཉིས་ཀྱི་འབྲེལ་ལམ་འཛུགས་རྒྱུར་ཚོད་ལྟ་བྱེད་ས་རྒྱ་བསྐྱེད་དགོས།ཞིང་ཆེན་ཡོངས་ཀྱི་རྩྭ་ཐང་སྐྱེ་ཁམས་ཁ་གསབ་དང་བྱ་དགའི་ནང་རྐྱེན་དོ་དམ་བྱ་བའི་མཛུབ་སྟོན་བསམ་འཆར་གཏན་འབེབ་བྱས་ཏེ།མཚོ་ནུབ་དང་མཚོ་ལྷོ།མཚོ་བྱང་བཅས་ཁུལ་གསུམ་གྱི་ནང་ནས་རྫོང་གཉིས་ཚད་རན་པའི་སྒོ་ནས་སྐུལ་འདེད་བྱེད་དགོས་པ་དང་ཞིང་ཆེན་ལྷོ་ཕྱོགས་ཀྱི་ཁུལ་གསུམ་གྱིས་ཁུལ་རེ་ནས་རྫོང་རེ་བདམས་ནས་ཚོད་ལྟ་བྱེད་དགོས།སྤྱི་ཕན་ནགས་དོ་དམ་སྲུང་སྐྱོབ་ཀྱི་ཁ་གསབ་ཚོད་ལྟ་བྱེད་ས་ཕྱོགས་ཡོངས་ནས་འཛུགས་དགོས་ཤིང་།སྐྱེ་ཁམས་སྲུང་སྐྱོང་མི་སྣའི་དོ་དམ་དང་དཔྱད་ཞིབ་སྒྲིག་གཞི་འཐུས་ཚང་དུ་གཏོང་དགོས་ལ།སྐྱེ་ཁམས་སྲུང་སྐྱོང་བྱས་པའི་གྲུབ་འབྲས་ཀྱང་མངོན་གསལ་ཡིན་དགོས། རྗེས་མཐུད་ཐོན་ལས་ཧུར་ཐག་གིས་གོང་དུ་སྤེལ་དགོས་ཤིང་།རྒྱུན་དུ་གནས་སྤོར་བྱེད་དགོས་པའི་མང་ཚོགས་ཀྱི་ཐོན་སྐྱེད་འཚོ་བའི་ཆ་རྐྱེན་ལེགས་བཅོས་བྱ་དགོས།རྒྱལ་ཁབ་སྤྱི་གླིང་གི་སྒྲིག་གཞི་འཛུགས་སྐྲུན་བྱེད་པའི་ཚོད་ལྟའི་བྱ་བ་སྤེལ་དགོས།

28.རོང་འབྲོག་ཁུལ་གྱི་དངུལ་རྩའི་སྒྲིག་གཞི་བཅོས་བསྒྱུར་བྱེད་པར་སྐུལ་འདེད་བྱེད་དགོས།རོང་འབྲོག་ཁུལ་གྱི་དངུལ་རྩ་མུ་མཐུད་དུ་བཅོས་བསྒྱུར་གཏིང་ཟབ་བྱེད་དགོས།ནོར་སྲིད་ཁྲལ་བསྡུ་དང་ཡིད་རྟོན་དངུལ་བུན།དངུལ་རྩའི་ལྟ་སྐུལ་དོ་དམ་སོགས་བེད་སྤྱད་དེ་སྲིད་ཇུས་ལ་རྒྱབ་སྐྱོར་བྱེད་པ་དང་དངུལ་རྩའི་ཐོན་ཁུངས་མུ་མཐུད་དུ་༼ཞིང་གསུམ་དང་འབྲོག་གསུམ།༽ཕྱོགས་སུ་བཏང་ནས་ཞིང་ཕྱུགས་ལས་ཀྱི་ཡིད་རྟོན་དངུལ་བུན་ཀྱི་སྤྱི་གྲངས་མུ་མཐུད་དུ་ཇེ་མཐོ་དང་ཞིང་ལས་དང་འབྲེལ་བའི་དངུལ་བུན་བསྡུར་ཚད་ཇེ་དམའ་རུ་སོང་མི་ཆོགཞིང་ཆེན་རིམ་པའི་མ་དངུལ་མཉམ་བསྲེས་འགན་ལེན་གཙོ་བྱས་ནས་རྫོང་རིམ་པའི་ཞིང་ཕྱུགས་ལས་སྲིད་ཇུས་རང་བཞིན་གྱི་འགན་ལེན་སྟེགས་བུ་འཛུགས་སྐྲུན་ལ་ཤུགས་སྣོན་བྱེད་དགོས་ཤིང་།ས་ཞིང་དང་རྩྭ་སའི་འགན་ལེན་བདག་དབང་དང་ནགས་དབང་། ནོར་ལུག་སོགས་གཏའ་མར་བཞག་ནས་དངུལ་སྒོར་སྐྱི་བའི་ཚོད་ལྟ་བྱེད་ས་ཇེ་མང་དུ་གཏོང་དགོས།ཞིང་ལས་དངུལ་ཁང་གིས་ཞིང་གསུམ་དངུལ་རྩའི་ལས་དོན་པུའུ་ཡི་བཅོས་བསྒྱུར་ཚོད་ལྟ་བྱེད་ས་འཛུགས་པར་རྒྱབ་སྐྱོར་བྱེད་དགོས།ཞིང་ལས་འཕེལ་རྒྱས་དངུལ་ཁང་གིས་ཆུ་བེད་དང་རོང་འབྲོག་ཁུལ་གྱི་གཞུང་ལམ་སོགས་རྨང་གཞིའི་སྒྲིག་ཆས་འཛུགས་སྐྲུན་ཐད་རྒྱབ་སྐྱོར་གནང་བར་བརྩོན་ལེན་བྱེད་དགོས།ཞིང་སྡེའི་ཡིད་རྟོན་དངུལ་ཁང་གི་མ་རྩའི་སྟོབས་ཤུགས་དང་བདག་སྐྱོང་ཆུ་ཚད་ཇེ་མཐོར་གཏོང་དགོས།སྦྲགས་སྲིད་གསོག་འཇོག་དངུལ་ཁང་གིས་ཞིང་སྡེའི་དངུལ་རྩའི་ལས་དོན་རྒྱ་བསྐྱེད་པར་སྐུལ་མ་གཏོང་དགོས།ཧུར་ཐག་གིས་རྣམ་པ་གསར་བའི་ཞིང་སྡེའི་མཉམ་འབྲེལ་དངུལ་རྩའི་འཕེལ་རྒྱས་ཀྱི་ནུས་ཡོད་ཐབས་ལམ་འཚོལ་སྙེག་བྱས་ཏེ་རོང་འབྲོག་མི་དམངས་ཀྱི་མཉམ་ལས་ཁང་ནང་ཁུལ་གྱི་ཕན་ཚུན་བར་མ་དངུལ་གྱིས་རོགས་རམ་བྱ་བ་བརྟན་བརླིང་ངང་སྤེལ་བ་དང་ས་གནས་སྲིད་གཞུང་གི་ལྟ་སྐུལ་དོ་དམ་འགན་འཁྲི་མངོན་འགྱུར་བྱེད་དགོས།༼ཞིང་གསུམ་འབྲོག་གསུམ།༽མ་དངུལ་སྡེབ་འཇོག་ཀྱི་གཏའ་མ་འཇོག་པའི་ལས་དོན་སྤེལ་པར་སྐུལ་འདེད་བྱེད་པ། དངུལ་ཁང་ལས་རིགས་ཀྱི་དངུལ་རྩ་སྡེ་ཁག་གིས་༼ཞིང་གསུམ་འབྲོག་གསུམ༽ཆེད་སྤྱོད་དངུལ་བུན་གཏོང་བར་རྒྱབ་སྐྱོར་དང་།ཆ་རྐྱེན་དང་མཐུན་པའི་ཞིང་ཕྱུགས་དང་འབྲེལ་བའི་ཁེ་ལས་ལ་བུན་འཛིན་འགྲེལ་སྤེལ་བྱེད་པར་ཡར་སྐུལ་བྱེད་དགོས།

29.ཆུ་བེད་དང་ནགས་ལས་ཀྱི་བཅོས་བསྒྱུར་གཏིང་ཟབ་སྤེལ་བ།ཆུ་དབང་ལམ་ལུགས་འཐུས་ཚང་དུ་གཏོང་བ་དང་ཆུ་བེད་དབང་ཆ་རྒྱུན་འཁོར་བྱེད་ཐབས་གང་རུང་འཚོལ་དགོས།ཞིང་ལས་ཀྱི་ཆུའི་རིན་གོང་ཕྱོགས་བསྡུས་བཅོས་བསྒྱུར་བྱེད་པ་དང་ཞིང་ལས་ཀྱི་ཆུ་འདྲེན་སྤྱི་གྲངས་ཚོད་འཛིན་དང་གོང་བཅད་དོ་དམ་ལམ་ལུགས་འཛུགས་དགོས།ཞིང་ལས་ཕྱོགས་སུ་ཆུ་བཀོལ་སྤྱོད་བྱས་ཚད་ལ་བསྡོམས་གྲངས་ལེན་པ་དང་འོས་མཐུན་གྱིས་ཞིང་ལས་ཆུའི་རིན་གོང་ལེགས་སྒྲིག་བྱ་དགོས་ཤིང་ཡང་དག་པའི་ཁ་གསབ་ནང་རྐྱེན་འཛུགས་དགོས།ཆུ་གྲོན་ཆུང་བྱེད་པ་དང་ཆུ་འདོན་སྤྲོད་བྱེད་པའི་བཟོ་སྐྲུན་ལག་བསྟར་བྱེད་ཆེད་ས་ཞིང་བསྡུ་ལེན་བྱས་པར་ཁ་གསབ་དང་ཞིང་ས་ལེན་པ།ལྕགས་ལམ་སོགས་རྒྱལ་ཁབ་ཀྱི་རྨང་གཞིའི་སྒྲིག་ཆས་ལས་གཞི་གལ་ཆེན་དང་མཚུངས་པར་འདྲ་མཉམ་གྱི་སྲིད་ཇུས་ལོངས་སུ་སྤྱད་ཆོགསྤྱི་ཚོགས་མ་རྩ་ཆུ་བེད་བཟོ་སྐྲུན་འཛུགས་སྐྲུན་ཕྱོགས་སུ་བཀོལ་བར་སྐུལ་སློང་བྱེད་པའི་མཛུབ་སྟོན་བསམ་འཆར་འདོན་པ་དང་སྤྱི་ཚོགས་མ་རྩ་ཆུ་བེད་འཛུགས་སྐྲུན་དང་བདག་གཉེར་ནང་ཞུགས་པར་ནང་འགུག་བྱ་དགོས།ཞིང་བའི་ཆུ་བེད་མཉམ་འབྲེལ་རྩ་འཛུགས་འཕེལ་རྒྱས་གཏོང་བར་ཡར་སྐུལ་བྱས་ཏེ།ཞིང་ཚིགས་ཆུང་ཤོས་ཀྱི་ཆུ་བེད་བཟོ་སྐྲུན་འཛུགས་སྐྲུན་དང་ལྟ་སྐྱོང་གི་གྲུབ་ཆ་གཙོ་བོར་བསྒྱུར་དགོས།ཞིང་སྡེའི་ཆུ་བེད་བཟོ་སྐྲུན་ལ་ཆེད་ལས་ཅན་གྱི་དོ་དམ་བྱེད་པར་ཧུར་ཐག་གིས་འབད་བརྩོན་བྱེད་དགོས།ཆེས་ནན་མོ་ཡིན་པའི་ཆུའི་ཐོན་ཁུངས་དང་ནགས་ཚལ།ན་གཞུང་བཅས་ཀྱི་སྲུང་སྐྱོང་ལམ་ལུགས་འཐུས་ཚང་དུ་གཏོང་དགོས། ཐུན་མོང་གི་ནགས་ཚལ་བདག་དབང་ལམ་ལུགས་བཅོས་བསྒྱུར་གཏིང་ཟབ་བྱ་དགོས། རྒྱལ་དབང་ནགས་ར་བརྟན་བརླིང་ངང་བཅོས་བསྒྱུར་བྱེད་པ་དང་སྐྱེ་ཁམས་སྤྱི་ཕན་བྱེད་ནུས་གསལ་བོ་བྱེད་དགོས་པ་མ་ཟད།ནགས་ཚལ་ཐོན་ཁུངས་ཀྱི་སྲུང་སྐྱོང་དང་གསོ་སྐྱོང་བྱ་བ་ལེགས་པོར་སྤེལ་དགོས།ཧུར་ཐག་གིས་ནགས་ལས་ཁྱད་ཆོས་དང་མཐུན་པའི་མ་དངུལ་སྡེབ་འཇོག་ལས་དོན་སྤེལ་བ་དང་།སྤྱི་ཚོགས་མ་རྩ་སྡོང་འཛུགས་ནགས་སྐྲུན་ནང་ཞུགས་པར་ནང་འགུག་བྱ་དགོས།

30.མཁོ་འཚོང་མཉམ་ལས་ཁང་དང་ས་རྒོད་གསར་སྦོལ་བཅོས་བསྒྱུར་འཕེལ་རྒྱས་ཇེ་མགྱོགས་སུ་གཏོང་དགོས།༼རང་ཉིད་བསྒྱུར་བཀོད་བྱས་ནས་དམངས་ལ་ཞབས་ཞུ་བསྒྲུབ༽ཅེས་པའི་སྤྱིའི་བླང་བྱ་ལྟར།རྩ་འཛུགས་ལེགས་བཅོས་དང་བདག་གཉེར་གསར་གཏོད།ཞབས་ཞུ་མཐོར་འདེགས་བཅས་དམ་པོར་བཟུང་ནས།ཞབས་ཞུ་ཚད་ལྡན་ཅན་དང་འཁོར་རྒྱུག་དེང་རབས་ཅན་བཅས་གཙོ་གནད་དུ་བཟུང་སྟེ།རྫོང་གཉིས་ནས་ཐོག་མར་ཚོད་ལྟ་བྱེད་ས་འཛུགས་དགོས་ལ།གཙོ་བོ་གཞི་རིམ་གྱི་བདག་གཉེར་ཞབས་ཞུའི་དྲ་རྒྱ་གོང་དུ་སྤེལ་ཏེ་མཁོ་འཚོང་མཉམ་ལས་ཁང་ནི་ངེས་པ་དོན་གྱིས་ཞིང་གསུམ་ལ་ཞབས་ཞུ་འདོན་པའི་ནུས་ཡོད་གར་སྟེགས་ཤིག་ཏུ་བསྐྲུན་དགོས།ས་རྒོད་གསར་སྦོལ་ཁེ་ལས་ཀྱི་ལས་རིགས་མཛུབ་སྟོན་དོ་དམ་སྒྲིག་གཞི་དང་ཁེ་ལས་ཚོང་ར་ཅན་དུ་བསྒྱུར་བའི་བདག་གཉེར་སྒྲིག་གཞི།ཞིང་ཕྱུགས་སའི་བདག་གཉེར་དོ་དམ་སྒྲིག་གཞི་བཅས་གསར་གཏོད་བྱེད་དགོས་ཤིང་།ས་རྒོད་གསར་སྦོལ་གྱི་རྒྱལ་དབང་ཞིང་ཕྱུགས་ས་ཡིས་དེང་རབས་ཞིང་ཕྱུགས་ལས་འཛུགས་སྐྲུན་ཁྲོད་ཀྱི་ཁྲིད་སྟོན་ནུས་པ་གང་ལེགས་འདོན་དགོས།

31.ཞང་སྡེའི་བདག་སྐྱོང་ནང་རྐྱེན་གསར་སྐྲུན་དང་ལེགས་བཅོས་བྱ་དགོས། གཞི་རིམ་གྱི་དམངས་གཙོ་ལམ་ལུགས་འཐུས་ཚང་དང་། སྡེ་དམངས་རང་སྐྱོང་ལམ་ལུགས་གསར་སྐྲུན་དང་ལེགས་བཅོས་བྱེད་པ་དང་སྤྱི་ཚོགས་ཀྱི་རྩ་འཛུགས་གཞན་པའི་བྱེད་ནུས་འདོན་སྤེལ་གང་ལེགས་བྱ་དགོས།སྔར་བའི་སྡེ་བའི་ཨུ་ཡོན་ལྷན་ཁང་གཉིས་ཀྱི་ལས་འགན་དང་སྡེ་དོན་ཐབས་ཇུས་ཀྱི་དོ་དམ་སྒྲིག་རིམ་ཚད་ལྡན་དུ་གཏོང་དགོས་པ་དང་སྡེ་དོན་ལྟ་སྐུལ་ཨུ་ཡོན་ལྷན་ཁང་གི་ལམ་ལུགས་ཇུས་འགོད་འཐུས་ཚང་དུ་གཏོང་དགོས།སྡེ་དམངས་ཀྱིས་སྡེ་དོན་ལག་བསྟར་བྱེད་པར་ནུས་ཡོད་ཀྱི་ལྟ་སྐུལ་ནང་རྐྱེན་འཐུས་ཚང་དུ་གཏོང་དགོས།སྡེ་བའི་ལས་བྱེད་པས་དབང་ཆ་བཀོལ་བར་ལྟ་སྐུལ་ཚོད་འཛིན་བྱེད་པའི་བྱ་བ་ཇེ་དྲག་ཏུ་བཏང་སྟེ་ལྟ་སྐུལ་བྱ་བ་དོན་ཐོག་ཏུ་འཁྱོལ་བར་ཁག་ཐེག་བྱ་དགོས།རོང་འབྲོག་ཁུལ་གྱི་སྤྱི་ཚོགས་རྩ་འཛུགས་ཀྱི་གསོན་ཤུགས་རྒྱས་སུ་འཇུག་དགོས་ཤིང་།གཙོ་བོ་རོང་འབྲོག་ཁུལ་གྱི་ཆེད་ལས་གྲོས་མཐུན་ཚོགས་པའི་རིགས་དང་སྤྱི་ཕན་སྙིང་རྗེ་ཚོགས་པའི་རིགས།སྡེ་ཁུལ་ཞབས་ཞུའི་རིགས་སོགས་གསོ་སྐྱོང་དང་གོང་དུ་སྤེལ་དགོས།རོང་འབྲོག་ཁུལ་གྱི་སྤྱི་ཚོགས་བདེ་སྲུང་ཚོད་འགོག་མ་ལག་འཐུས་ཚང་དང་ཁ་ཚ་དགོས་གཏུག་གི་བདེ་སྲུང་གནད་དོན་ལ་ཆེད་དོན་དག་ཐེར་བྱས་ནས་རོང་འབྲོག་ཁུལ་གྱི་སྤྱི་ཚོགས་འཆམ་མཐུན་གཏན་འཇགས་ཡོང་བར་སྲུང་སྐྱོང་བྱ་དགོས།

དྲུག རོང་འབྲོག་ཁུལ་གྱི་ཁྲིམས་སྐྱོང་འཛུགས་སྐྲུན་ལ་ཤུགས་སྣོན་བྱས་ཏེ་རོང་འབྲོག་ཁུལ་ཁྲིམས་ཀྱིས་སྐྱོང་བར་སྐུལ་འདེད་བྱ་དགོས།

རོང་འབྲོག་ཁུལ་གྱི་ཁྲིམས་སྐྱོང་འཛུགས་སྐྲུན་བལྟོས་བཅོས་ཀྱིས་ཞན་པ་དང་རྗེས་ལུས་ཡིན་པས།ངེས་པར་དུ་རོང་འབྲོག་ཁུལ་གྱི་ཁྲིམས་སྐྱོང་མ་ལག་འཐུས་ཚང་དུ་གཏོང་དགོས་ཤིང་།ཞིང་ཕྱུགས་ལས་ཀྱི་ཁྲིམས་འཛིན་སྒྲིག་གཞི་གསར་སྐྲུན་བྱས་ཐོག ཁྲིམས་སྐྱོང་གི་བསམ་བློ་དང་བྱེད་ཐབས་ཀྱིས་ཞིང་ཕྱུགས་ལས་ཀྱི་བྱ་བ་ལེགས་པོར་བསྒྲུབ་དགོས།

  32.རོང་འབྲོག་ཁུལ་གྱི་སྲུང་སྐྱོང་བཅའ་ཁྲིམས་ལམ་ལུགས་འཐུས་ཚང་དུ་གཏོང་དགོས།ཚོད་འགོག་གམ་ཚོད་འཛིན་རང་བཞིན་གྱི་བཅའ་ཁྲིམས་ཁྲིམས་སྲོལ་ཞིག་ཞིབ་འཇུག་བྱས་ནས་གཏན་འབེབ་བྱས་ཏེ།རིམ་པ་སོ་སོའི་སྲིད་གཞུང་གིས་ཞིང་གསུམ་འབྲོག་གསུམ་གྱི་ལས་དོན་དབང་ཆ་སྔར་བས་ཚད་ལྡན་ཅན་དང་བཅའ་ཁྲིམས་ཅན་དུ་གཏོང་དགོས། ཞིང་ཕྱུགས་ལས་ཀྱི་ཐོན་ཁུངས་ཁོར་ཡུག་གི་བཅའ་ཁྲིམས་ཁྲིམས་སྲོལ་འཐུས་ཚང་དུ་གཏོང་དགོས་ཤིང་།རྨོ་ཞིང་དང་ཆུའུ་ཐོན་ཁུངས།ནགས་ཚལ། རྩྭ་ཐང་།རློན་ས་སོགས་རང་བྱུང་ཐོན་ཁུངས་ཁྲིམས་ལྟར་གསར་སྤེལ་སྲུང་སྐྱོབ་བྱ་དགོས། སྐྱེ་ཁམས་སྲུང་སྐྱོང་ཁ་གསབ་དང་ས་རྒྱུ།ཆུ། མཁའ་དབུགས་སོགས་ཀྱི་སྦག་བཙོག་སྔོན་འགོག་གི་ཁྲིམས་སྲོལ་ལམ་ལུགས་གཏན་འབེབ་དང་འཐུས་ཚང་དུ་གཏོང་དགོས།ཞིང་ཕྱུགས་ལས་ཀྱི་ཚོང་ར་ཚད་ལྡན་ཅན་དུ་འཁོར་སྐྱོད་བྱེད་པའི་ཁྲིམས་སྲོལ་ལམ་ལུགས་འཐུས་ཚང་དུ་གཏོང་དགོས།ཞིང་ཕྱུགས་ཐོན་རྫས་ཀྱི་རྒྱུ་སྤུས་བདེ་འཇགས་སྐོར་གྱི་ཁྲིམས་སྲོལ་ལེགས་བཅོས་བྱ་དགོས།རོང་འབྲོག་ཁུལ་གྱི་ཁྲིམས་སྐྱོང་དྲིལ་སྒྲོག་སློབ་གསོ་གཏིང་ཟབ་སྤེལ་བ་དང་།རིམ་པ་སོ་སོའི་འགོ་ཁྲིད་དང་ཞིང་འབྲེལ་སྡེ་ཁག རོང་འབྲོག་ཁུལ་གྱི་གཞི་རིམ་ལས་བྱེད་པའི་ཁྲིམས་སྐྱོང་འདུ་ཤེས་དང་བྱང་ཚད་ཇེ་མཐོར་གཏོང་དགོས། རོང་འབྲོག་མི་དམངས་ཀྱིས་ཁྲིམས་ལ་སློབ་སྦྱོང་དང་བརྩི་སྲུང་།བཀོལ་སྤྱོད་བཅས་ཀྱི་འདུ་ཤེས་ཇེ་དྲག་ཏུ་གཏོང་བར་ཁྲིད་སྟོན་གནང་བ།

33.རོང་འབྲོག་ཁུལ་གྱི་བཅོས་བསྒྱུར་འཕེལ་རྒྱས་ཁྲིམས་ལྟར་འགན་སྲུང་བྱ་དགོས།རོང་འབྲོག་ཁུལ་གྱི་བཅོས་བསྒྱུར་ཐབས་ཇུས་དང་ཁྲིམས་འཛུགས་ཟུང་སྦྲེལ་བྱེད་པར་ཤུགས་སྣོན་དགོས།བཅོས་བསྒྱུར་གྱི་བླང་བྱ་དང་མི་མཐུན་པའི་ཁྲིམས་སྲོལ་དང་ཚད་ལྡན་རང་བཞིན་གྱི་ཡིག་ཆ་སོགས་དུས་ཐོག་ཏུ་དག་བཅོས་བྱེད་པའམ་ཡང་ན་མེད་པར་བཟོ་དགོས།ལག་ལེན་གྱི་ཆ་རྐྱེན་མི་འཛོམས་པའམ་ཡང་ན་སྔོན་ལ་ཚོད་ལྟ་བྱེད་དགོས་པར་ཁྲིམས་ཀྱི་གཏན་འབེབ་ལྟར་ཆོག་མཆན་གནང་ཆོགཚད་ལྡན་རང་བཞིན་གྱི་འཛུགས་སྐྲུན་བྱས་ནས་ཞིང་ཕྱུགས་ལས་ཀྱི་ཕྱོགས་བསྡུས་ཁྲིམས་འཛིན་ནུས་པར་སྐུལ་འདེད་བྱེད་དགོས།ཞིང་ཕྱུགས་ལས་ཀྱི་ཁྲིམས་འཛིན་སྒྲིག་གཞི་གསར་སྐྲུན་དང་རྩྭ་ཐང་གི་བདག་དོམ་སོགས་ཞིང་ཕྱུགས་ལས་ཀྱི་སྲིད་འཛིན་ཁྲིམས་འཛིན་ནུས་པ་ཇེ་ལེགས་སུ་བཏང་ནས་རོང་འབྲོག་ཁུལ་ཁྲིམས་གྱིས་སྐྱོང་དགོས།ཞིང་ཕྱུགས་ལས་བཀོལ་བའི་ཐོན་རྫས་ཀྱི་ལྟ་སྐུལ་དང་དོ་དམ་ཇེ་དྲག་ཏུ་གཏོང་དགོས་ལ།ཞིང་སྤྱོད་དངོས་ཟོག་རྫུན་མ་འགོག་པ་སོགས་ཆེད་དོན་དག་ཐེར་བྱ་བ་གཏིང་ཟབ་སྤེལ་དགོས།སྲོག་ཆགས་འགོས་ནད་ཚོད་འགོག་དང་ཕྱུགས་ཟོག་བཤའ་བ་སོགས་ཐོག་མཐའ་བར་གསུམ་དུ་ལམ་ལུགས་ཀྱིས་ཚོད་འཛིན་བྱས་ཏེ་ཟས་རིགས་བདེ་འཇགས་ལ་ཁག་ཐེག་བྱ་དགོས།ཞིང་སྡེའི་བཅོས་བསྒྱུར་ཚོད་ལྟ་ཁུལ་གྱི་བྱ་བར་སྐུལ་འདེད་བྱ་དགོས།ཞིང་འབྲེལ་ཁྲིམས་འཛིན་གྲོན་དངུལ་གྱི་ནོར་སྲིད་འགན་སྲུང་ནང་རྐྱེན་འཐུས་ཚང་དུ་གཏོང་དགོས།ཞང་གྲོང་གི་བཅའ་ཁྲིམས་ཞབས་ཞུའི་ཐོན་ཁུངས་གཅིག་གྱུར་འཆར་འགོད་བྱ་དགོས།ཞང་གྲོང་སྡོད་དམངས་ཀྱི་སྤྱི་སྤྱོད་བཅའ་ཁྲིམས་ཞབས་ཞུའི་མ་ལག་ཡོངས་སུ་ཁེབས་པར་ལེགས་བཅོས་བྱ་དགོས།རོང་འབྲོག་མི་དམངས་ཀྱི་བཅའ་ཁྲིམས་རོགས་སྐྱོར་ལམ་དང་ཁྲིམས་འཛིན་རོགས་སྐྱོར་མ་ལག་འཐུས་ཚང་དུ་གཏོང་དགོས།

རིམ་པ་སོ་སོའི་ཏང་ཨུ་དང་སྲིད་གཞུང་གིས་ཞིང་གསུམ་འབྲོག་གསུམ་བྱ་བ་གལ་ཆེན་ནང་གི་འགངས་ཆེན་དུ་བརྩི་དགོས།འགོ་ཁྲིད་ཀྱི་བྱེད་ཐབས་དང་ཐབས་བཀོད་གསར་སྐྲུན་བྱ་དགོས།ཞིང་གསུམ་འབྲོག་གསུམ་གྱི་བྱ་བའི་འགོ་ཁྲིད་ཀྱི་རྩ་འཛུགས་ཇེ་དྲག་དང་འཐུས་ཚང་དུ་གཏོང་དགོས།རྫོང་དང་ཞང་རིམ་པ་གཉིས་ཀྱི་བྱ་བའི་གཙོ་གནད་ཐོག་མཐའ་བར་གསུམ་དུ་རོང་འབྲོག་ཁུལ་གྱི་བྱ་བའི་སྟེང་འཇོག་དགོས་ལ།ནམ་ཡང་ལྷོད་གཡེང་མི་བྱེད་པ་དང་ཤུགས་ཚད་ཉམས་དམས་སུ་མི་འགྲོ་བར་ཁག་ཐེག་བྱ་དགོས།རིམ་པ་སོ་སོའི་འགོ་ཁྲིད་ལས་བྱེད་པས་རང་འགུལ་གྱིས་གནས་བབ་གསར་བ་དང་ལས་འགན་གསར་བ།བླང་བྱ་གསར་བ་བཅས་དང་གོམས་སུ་འཇུག་དགོས་ལ།ཞིང་གསུམ་འབྲོག་གསུམ་ཐད་ཀྱི་སྲིད་ཇུས་དང་ཞིང་ཆེན་གྱི་གནས་ཚུལ་དང་རོང་འབྲོག་ཁུལ་གྱི་གནས་ཚུལ་ལ་བྱང་ཚད་ངེས་ཅན་ཞིག་ཡོད་དགོས།༼གཞི་རིམ་རྩ་འཛུགས། རྨང་གཞིའི་བྱ་བ། རྩ་བའི་ནུས་པ༽བཅས་ཀྱི་འཛུགས་སྐྲུན་ལ་ཤུགས་སྣོན་དགོས།དངོས་གནས་བྱ་བའི་སྤྱོད་སྟངས་བསྒྱུར་བ་དང་རྟོག་དཔྱོད་ཞིབ་འཇུག་གཏིང་ཟབ་སྤེལ་དགོས། ཧུར་ཐག་གིས་ཞིང་གསུམ་འབྲོག་གསུམ་གྱི་བྱ་བའི་ནུས་ཤུགས་དང་ཆུ་ཚད་ཇེ་མཐོར་གཏོང་དགོས།སྲིད་ཇུས་དྲིལ་སྒྲོག་ལ་ཤུགས་སྣོན་བྱས་ཏེ་སེམས་ཞིབ་མོས་ལས་བྱེད་ཁྲི་ཕྲག་གཞི་རིམ་ལ་བསྐྱོད་པར་རྩ་འཛུགས་བྱ་དགོས།

 རོང་འབྲོག་ཁུལ་གྱི་བཅོས་བསྒྱུར་གསར་སྐྲུན་ལ་སྐུལ་འདེད་བྱས་ཏེ།མཐོ་སྒང་གི་དེང་རབས་སྐྱེ་ཁམས་ཀྱི་ཞིང་ཕྱུགས་ལས་འཛུགས་སྐྲུན་ལ་ཤུགས་སྣོན་བྱེད་པར་དོན་སྙིང་ལྡན་ཞིང་ལས་འགན་ལྕི།རིམ་པ་སོ་སོའི་ཏང་ཨུ་དང་སྲིད་གཞུང་དང་། འབྲེལ་ཡོད་སྡེ་ཁག་གིས་རང་འགུལ་གྱིས་དཔལ་འབྱོར་གྱི་རྣམ་ཀུན་དང་གོམས་སུ་བཅུག་ནས་དཀའ་ཁག་ལ་མི་འཛེམ་པ་དང་།འགན་ཐེག་པ།བློ་རྩེ་གཅིག་སྒྲིམ། དཀའ་སྤྱད་འབད་བརྩོན་བཅས་བྱས་ཏེ།རོང་འབྲོག་ཁུལ་གྱི་འཕེལ་རྒྱས་ལ་ལོ་རྒྱུས་ཀྱི་ཟིན་ཐོ་གསར་བ་བཀོད་ནས་ཕྱོགས་ཡོངས་སུ་འབྱོར་འབྲིང་སྤྱི་ཚོགས་འཛུགས་སྐྲུན་བྱེད་པར་བྱས་རྗེས་གསར་བ་འཇོག་དགོས།།