2015ལོའི་ནོར་སྲིད་སྔོན་རྩིས་འཆར་ཟིན་གྱི་སྙན་ཞུ།

             

2014ལོའི་མཚོ་ནུབ་ཁུལ་གྱི་ནོར་སྲིད་སྔོན་རྩིས་ལག་བསྟར་

བྱས་པའི་གནས་ཚུལ་དང2015ལོའི་ནོར་སྲིད་སྔོན་རྩིས་འཆར་ཟིན་གྱི་སྙན་ཞུ།

འཐུས་མི་རྣམ་པ།

ད་ལྟ2014ལོའི་ནོར་སྲིད་སྔོན་རྩིས་ལག་བསྟར་བྱས་པའི་གནས་ཚུལ་དང2015ལོའི་ནོར་སྲིད་སྔོན་རྩིས་འཆར་ཟིན་གྱི་སྙན་ཞུ་ཁུལ་གྱི་སྐབས་བཅུ་གསུམ་པའི་དམངས་ཆེན་གྲོས་ཚོགས་ཐེངས་དྲུག་པར་སྤྲད་དེ་གྲོས་ཞིབ་བྱེད་རྒྱུ་ཡིན་པས།ཁུལ་སྲིད་གྲོས་ཀྱི་ཨུ་ཡོན་དང་གྲོས་ཚོགས་སུ་ཟུར་ཞུགས་བྱས་ཡོད་པའི་བློ་མཐུན་རྣམ་པས་བསམ་འཆར་འདོན་རོགས།

གཅིག2014ལོའི་ཁུལ་ཡོངས་ཀྱི་སྤྱི་སྤྱོད་ནོར་སྲིད་སྔོན་རྩིས་ལག་བསྟར་བྱས་པའི་གནས་ཚུལ།

2014ལོར། ཁུལ་ཡོངས་ཀྱི་ནོར་སྲིད་དཔྱ་ཁྲལ་ལས་བྱེད་ལས་བཟོ་བས་ཏང་གི་སྐབས་བཅོ་བརྒྱད་པ་དང་ཞིང་ཆེན་ཡོངས་ཀྱི་ནོར་སྲིད་དཔྱ་ཁྲལ་བྱ་བའི་གྲོས་ཚོགས།དེ་མ་ཟད་ཁུལ་ཨུ་དང་ཁུལ་དམངས་ཆེན་གྱི་འབྲེལ་ཡོད་གྲོས་ཚོགས་ཀྱི་དགོངས་དོན་ལག་ལེན་མཐིལ་ཕྱིན་བྱས། ཁུལ་ཡོངས་ཀྱི་དཔལ་འབྱོར་ཇེ་ཞན་དུ་སོང་བའི་གནོན་ཤུགས་ཆེན་པོའི་འོག་དང་ཡོང་སྒོ་དམའ་བའི་ནོར་སྲིད་དཔྱ་ཁྲལ་གྱི་གནས་བབ་དང་བསྟུན་ནས་རང་འགུལ་གྱིས་དཔལ་འབྱོར་འཕེལ་རྒྱས་ཀྱི་རྣམ་ཀུན་གསར་བའི་བླང་བྱ་དང་འཕྲོད་པར་བྱས་ཐོགཏང་གི་ལམ་ཕྱོགས་སློབ་གསོ་གོ་སྐབས་ཤིག་ཏུ་རྩིས་ནས་ལོ་སྟོད་ཀྱི་དམིགས་འབེན་ལས་འགན་དམ་པོར་བཟུང་བ་དང་ནན་ཏན་གྱིས་ཞིབ་འཇུག་དང་བརྡར་ཤ་ཡང་དག་བཅད་དེ་ཧུར་ཐག་སྒོས་མཐུན་སྦྱོར་གང་ལེགས་དང་ཐབས་བརྒྱ་ཇུས་སྟོང་གིས་དོ་དམ་བྱས་མཐར་སྔོན་དཔག་བྱས་པ་ལས་ཀྱང་གྲུབ་འབྲས་མི་དམན་པ་བླངས།

(དང་པོ)སྤྱི་སྤྱོད་ནོར་སྲིད་སྔོན་རྩིས་ཀྱི་ཡོང་སྒོ་དང་འགྲོ་སྒོ་འགྲུབ་ཚུལ། ལོ་ཧྲིལ་བོར་ས་གནས་ཀྱི་སྤྱི་བའི་ནོར་སྲིད་ཀྱི་སྤྱིར་བཏང་སྔོན་རྩིས་ཡོང་སྒོ་སྒོར་དུང་ཕྱུར130.1ལེགས་འགྲུབ་བྱང་ཞིང་།ལོའི་སྔོན་རྩིས་ཀྱི82%ལེགས་འགྲུབ་བྱུང་།9.4%མར་ལྷུང་ཞིང་ཡོང་སྒོ་སྒོར་དུང་ཕྱུར13.5ཇེ་ཉུང་དུ་སོང་།ས་གནས་ནོར་སྲིད་ཀྱི་སྤྱིར་བཏང་སྤྱི་སྤྱོད་ནོར་སྲིད་སྔོན་རྩིས་ཀྱི་ཡོང་སྒོ་སྒོར་དུང་ཕྱུར་49.4ཡིན་པ་དང་།ལོའི་སྔོན་རྩིས་ཀྱི་89.8%ལེགས་འགྲུབ་བྱུང་ཞིང་0.5%འཕར་ལ།ཡོང་སྒོ་སྒོར་དུང་ཕྱུར0.3ཇེ་མང་དུ་སོང་།

ས་གནས་སྤྱི་སྤྱོད་ནོར་སྲིད་ཀྱི་སྤྱིར་བཏང་སྔོན་རྩིས་ཀྱི་ཡོང་སྒོའི་ཁྲོད་ཁུལ་རིམ་པས་སྒོར་དུང་ཕྱུར15ལེགས་འགྲུབ་བྱུང་ཞིང་།ལོའི་སྔོན་རྩིས་ཀྱི89.8%ལེགས་འགྲུབ་བྱུང་བ་སྔོན་ལོ་དང་འདྲ་མཉམ་ཡིན།གྲོང་ཁྱེར་དང་རྫོང་རིམ་པས་སྒོར་དུང་ཕྱུར34.4ལེགས་འགྲུབ་བྱུང་བ་དང་ལོའི་སྔོན་རྩིས་ཀྱི89.7%ལེགས་འགྲུབ་བྱུང་ལ།0.9%འཕར། ཡོང་སྒོ་སྒོར་ཁྲི3049ཇེ་མང་དུ་སོང་།

ལས་ཁུངས་སོ་སོ་ལས་རྒྱལ་ཁྲལ་སྡེ་ཁག་གིས་སྒོར་དུང་ཕྱུར7.5ལེགས་འགྲུབ་བྱུང་བ་དང་།ལོའི་སྔོན་རྩིས་ཀྱི78.6%ལེགས་འགྲུབ་བྱུང་།13.6%མར་ལྷུང་།ཡོང་སྒོ་སྒོར་དུང་ཕྱུར་1.2ཇེ་ཉུང་དུ་སོང་། ས་ཁྲལ་སྡེ་ཁག་གིས་སྒོར་དུང་ཕྱུར36.8ལེགས་འགྲུབ་བྱུང་བ་དང་།ལོའི་སྔོན་རྩིས་ཀྱི་88.7%ལེགས་འགྲུབ་བྱུང་།2%འཕར། ནོར་སྲིད་སྡེ་ཁག་གིས་སྒོར་དུང་ཕྱུར་5.1ལེགས་འགྲུབ་བྱུང་བ་དང་།ལོའི་སྔོན་རྩིས་ཀྱི127.4%ལེགས་འགྲུབ་བྱུང་།16.3%འཕར། ཡོང་སྒོ་སྒོར་ཁྲི7149ཇེ་མང་དུ་སོང་།

ས་གནས་སྤྱི་སྤྱོད་ནོར་སྲིད་ཀྱི་སྤྱིར་བཏང་སྔོན་རྩིས་འགྲོ་སྒོ་སྒོར་དུང་ཕྱུར132ཡིན་ཞིང་།ལོའི་སྔོན་རྩིས་ཀྱི99.1%ལེགས་འགྲུབ་བྱུང་ལ། 24.8%འཕར། སྒོར་དུང་ཕྱུར26.3མང་གཏོང་བྱས།དེའི་ནང་ཁུལ་རིམ་པས་སྒོར་དུང་ཕྱུར38.2འགྲོ་སྒོ་བཏང་བ་དང་།ལོའི་སྔོན་རྩིས་ཀྱི99.2%ལེགས་འགྲུབ་བྱུང་།55.3%འཕར། གྲོང་ཁྱེར་དང་རྫོང་རིམ་པས་སྒོར་དུང་ཕྱུར་93.8བཏང་ལ།ལོའི་སྔོན་རྩིས་ཀྱི99.1%་ལེགས་འགྲུབ་བྱུང་ཞིང་།15.6%འཕར། སྒོར་དུང་ཕྱུར12.7མང་གཏོང་བྱས།དེའི་ནང་དམངས་འཚོ་ལེགས་བཅོས་གཙོ་བྱས་ནས་བཏང་བའི་མ་དངུལ་སྒོར་དུང་ཕྱུར་97.7ལ་བུད་ཅིང་།ནོར་སྲིད་འགྲོ་གྲོན་གྱི་74%ཟིན།དེའི་ནང་སྤྱིར་བཏང་སྤྱི་སྤྱོད་དོ་དམ་དང་ཞབས་ཞུའི་འགྲོ་སྒོ་སྒོར་ཁྲི80659ཡིན་ལ།32%མར་ཆགསྤྱི་སྤྱོད་བདེ་འཇགས་དང་རྒྱལ་སྲུང་ཐད་སྒོར་ཁྲི55695བཏང་ཞིང་།12.6%འཕར། ཚན་སློབ་རིག་འཕྲོད་ཐད་སྒོར་ཁྲི249886བཏང་ཞིང་། 9.7%འཕར། སྤྱི་ཚོགས་འགན་སྲུང་དང་ལས་ཞུགས་ཐད་སྒོར་ཁྲི130190བཏང་ལ།16.7%འཕར། ནུས་གྲོན་ཁོར་སྲུང་ཐད་སྒོར་ཁྲི71412བཏང་ལ།29.7%འཕར།

ཞང་གྲོང་སྡེ་ཁུལ་ལས་དོན་ཐད་སྒོར་ཁྲི151265བཏང་ལ།79.5%འཕར། ཞིང་ལས་དང་ནགས་ལས་ཆུ་བེད་བཅས་ཀྱི་ལས་དོན་ཐད་སྒོར་ཁྲི218241བཏང་ལ།17.8%འཕར། འགྲིམ་འགྲུལ་སྐྱེལ་འདྲེན་ཐད་སྒོར་ཁྲི9952ལ།16.6%མར་ཆགཐོན་ཁུངས་སྔོགས་བཤེར་དང་གློག་ཤུགས་ཆ་འཕྲིན་ཐད་སྒོར་ཁྲི142197བཏང་ལ།138.3%འཕར། ཚོང་ལས་དང་ཞབས་ཞུའི་ལས་རིགས་ལས་དོན་ཐད་སྒོར་ཁྲི26607བཏང་ལ།110.1%འཕར།

སྡོད་ཁང་འགན་སྲུང་ཐད་སྒོར་ཁྲི60900བཏང་ལ།28.2%འཕར། རྒྱལ་ཁོངས་ས་ཁུངས་དང་གནམ་གཤིས་སོགས་ཀྱི་ལས་དོན་ཐད་སྒོར་ཁྲི30900བཏང་ལ།7.8%མར་ཆགསྲིད་གཞུང་རང་བཞིན་གྱི་བུ་ལོན་བུན་སྐྱེད་འཇལ་བའི་ཐད་སྒོར་ཁྲི68524བཏང་ལ།133.1%འཕར། དངུལ་རྩའི་ལྟ་སྐུལ་དོ་དམ་དང་འབྲུ་རིགས་དངོས་ཟོག་གསོག་ཉར།དངུལ་རྩ་དང་གཞན་པའི་ཐད་སྒོར་ཁྲི23700བཏང་། 22%མར་ཆག

ཁུལ་རིམ་པའི་སྤྱི་སྤྱོད་ནོར་སྲིད་སྔོན་རྩིས་འགྲོ་སྒོ་སྒོར་ཁྲི381719ལེགས་འགྲུབ་བྱུང་།55.3%འཕར།དེའི་ནང་སྤྱིར་བཏང་སྤྱི་སྤྱོད་དོ་དམ་དང་ཞབས་ཞུའི་འགྲོ་སྒོ་སྒོར་ཁྲི18178ཡིན་པ་དང42.7%མར་ཆགསྤྱི་སྤྱོད་བདེ་འཇགས་དང་རྒྱལ་སྲུང་ཐད་སྒོར་ཁྲི11960བཏང་ཞིང་།0.1%འཕར། ཚན་སློབ་རིག་འཕྲོད་ཐད་སྒོར་ཁྲི43210བཏང་ཞིང་། 32.3%མར་ཆགསྤྱི་ཚོགས་འགན་སྲུང་དང་ལས་ཞུགས་ཐད་སྒོར་ཁྲི26399བཏང་ལ།8.4%འཕར། གྲོན་ནུས་ཁོར་སྲུང་ཐད་སྒོར་ཁྲི4302བཏང་ལ།7.5%མར་ཆག

ཞང་གྲོང་སྡེ་ཁུལ་ལས་དོན་ཐད་སྒོར་ཁྲི52251བཏང་ལ།ལྡབ12.7འཕར།ཞིང་ལས་དང་ནགས་ལས་ཆུ་བེད་བཅས་ཀྱི་ལས་དོན་ཐད་སྒོར་ཁྲི20620བཏང་ལ།96%འཕར། འགྲིམ་འགྲུལ་སྐྱེལ་འདྲེན་ཐད་སྒོར་ཁྲི1733བཏང་ལ།133.6%མར་ཆགཐོན་ཁུངས་ས་ཞིབ་དང་གློག་ཤུགས་ཆ་འཕྲིན་ཐད་སྒོར་ཁྲི109051བཏང་ལ།313.7%འཕར།  རྒྱལ་ཁོངས་ས་ཁུངས་དང་གནའ་གཤིས་སོགས་ལས་དོན་ཐད་སྒོར་ཁྲི18736བཏང་ལ།13%མར་ཆག

སྡོད་ཁང་འགན་སྲུང་ཐད་སྒོར་ཁྲི2474བཏང་ལ།9%མར་ཆགསྲིད་གཞུང་རང་བཞིན་གྱི་བུ་ལོན་བུན་སྐྱེད་འཇལ་བའི་ཐད་སྒོར་ཁྲི45164བཏང་ལ།55.8%འཕར། དངུལ་རྩའི་ལྟ་སྐུལ་དོ་དམ་དང་འབྲུ་རིགས་དངོས་ཟོག་གསོག་ཉར།ཚོང་ལས་དང་ཞབས་ཞུའི་ལས་རིགས། དངུལ་རྩ་དང་གཞན་པའི་ལས་དོན་ཐད་སྒོར་ཁྲི27671བཏང་ལ།94.6%འཕར། གྲོང་ཁྱེར་དང་རྫོང(སྲིད་ཨུའི)ནོར་སྲིད་སྤྱི་སྤྱོད་སྔོན་རྩིས་འགྲོ་སྒོ་སྒོར་ཁྲི938409ལེགས་འགྲུབ་བྱུང་།15.6%འཕར། དེའི་ནང་སྲིད་ཨུ་གསུམ་གྱི་འགྲོ་སྒོ་སྒོར་ཁྲི113370 ལེགས་འགྲུབ་བྱུང་།3.4%འཕར།

(གཉིས།) སྔོན་རྩིས་ལག་བསྟར་བྱས་པའི་འབྲས་བུ།ཁུལ་ཡོངས་ཀྱི་སྤྱིའི་རྒྱུ་ཤུགས་སྒོར་ཁྲི1340141ཡིན། དེའི་ནང་ཁུལ་དང་རྫོང་རིམ་པའི་སྤྱི་སྤྱོད་ནོར་སྲིད་སྔོན་རྩིས་ཀྱི་ཡོང་སྒོ་སྒོར་ཁྲི493760ཡིན་ལ།ན་ནིང་དང་བསྡུར་ན་སྒོར་ཁྲི2623ཇེ་མང་དུ་སོང་།ཞིང་ཆེན་གྱི་རོགས་སྐྱོར་ཡོང་སྒོ་སྒོར་ཁྲི792317ཡིན་ལ། སྒོར་ཁྲི23716ཇེ་མང་དུ་སོང་།ནང་འདྲེན་སྔོན་རྩིས་ཀྱི་གཏན་འཇགས་ཐེབས་རྩའི་སྒོར་ཁྲི13123ཡོད་ལ།སྒོར་ཁྲི6794ཇེ་མང་དུ་སོང་།ས་གནས་གཞན་པས་རོགས་སྐྱོར་བྱས་པའི་ཡོང་སྒོ་སྒོར་ཁྲི500ཡོད་པ་དང་ནང་འདྲེན་མ་དངུལ་སྒོར་ཁྲི39865ཡིན་ལ།སྒོར་ཁྲི39409ཇེ་མང་དུ་སོང་ཞིང་།ན་ནིང་གི་ལྷག་འཕྲོ་སྒོར་ཁྲི576ཡོད།

སྤྱི་སྤྱོད་ནོར་སྲིད་སྔོན་རྩིས་འགྲོ་སྒོ་སྒོར་ཁྲི1320128ཡིན་ལ།སྒོར་ཁྲི262458ཇེ་མང་དུ་སོང་།སྔོན་རྩིས་ལེགས་སྒྲིག་ཐེབས་རྩའི་ཁར་སྒོར་ཁྲི16127བསྣན་ལ།སྒོར་ཁྲི2007ཇེ་མང་དུ་སོང་།ལོ་མཇུག་གི་ལྷག་འཕྲོ་སྒོར་ཁྲི3886ཡོད། བསྡོམས་རྩིས་བརྒྱབ་ནས་སྒོར་ཁྲི3886ལོ་རྗེས་མས་འགྲོ་ཁུངས་སུ་བཏང་།ལོ་མཇུག་ཏུ་ལྷག་འཕྲོ་ཀླད་ཀོར་ཡིན།

ཁུལ་རིམ་པའི་སྤྱིའི་རྒྱུ་ཤུགས་སྒོར་ཁྲི387668ཡིན་ལ།དེའི་ནང་ས་གནས་སྤྱི་སྤྱོད་ནོར་སྲིད་སྔོན་རྩིས་ཡོང་སྒོ་སྒོར་ཁྲི1149946ཡིན་པ་དང་།ཞིང་ཆེན་གྱི་ཁ་གསབ་རོགས་རམ་ཡོང་སྒོ་སྒོར་ཁྲི215822ཡིན་པ།ནང་འདྲེན་བྱས་པའི་སྔོན་རྩིས་བརྟན་འཇགས་ལེགས་སྒྲིག་ཐེབས་རྩའི་སྒོར་ཁྲི3458ཡིན་པ་དང་།ས་གནས་གཞན་པས་རོགས་སྐྱོར་བྱས་པའི་མ་དངུལ་སྒོར་ཁྲི500ཡོད་ལ།ལོ་སྔོན་མའི་ལྷག་འཕྲོ་མེད། ས་གནས་ཀྱི་སྤྱི་སྤྱོད་ནོར་སྲིད་སྔོན་རྩིས་འགྲོ་སྒོ་སྒོར་ཁྲི381719ཡིན་ལ།ཁ་སྣོན་བྱས་པའི་སྔོན་རྩིས་ལེགས་སྒྲིག་ཐེབས་རྩའི་སྒོར་ཁྲི2743ཡིན་པ་དང་།ལོ་མཇུག་གི་འགྲིལ་གསོག་ལྷག་འཕྲོ་སྒོར་ཁྲི3206ཡོད་པ་དང་།བསྡོམས་རྩིས་བརྒྱབ་ནས་ལོ་རྗེས་མའི་འགྲོ་ཁུངས་སུ་སྒོར་ཁྲི3206བཏང་བ་དང་།ལོ་མཇུག་གི་ལྷག་འཕྲོ་མེད།

གྲོང་ཁྱེར་དང་རྫོང(སྲིད་ཨུ)སྤྱིའི་རྒྱུ་ཤུགས་སྒོར་ཁྲི952473ཡིན་ལ།དེའི་ནང་ས་གནས་སྤྱི་སྤྱོད་ནོར་སྲིད་སྔོན་རྩིས་ཡོང་སྒོ་སྒོར་ཁྲི343814ཡིན་པ།ཞིང་ཆེན་དང་ཁུལ་རིམ་པའི་རོགས་སྐྱོར་ཁ་གསབ་ཡོང་སྒོ་སྒོར་ཁྲི576495ཡིན་པ་དང་།ནང་འདྲེན་བྱས་པའི་སྔོན་རྩིས་གཏན་འཇགས་ལེགས་སྒྲིག་ཐེབས་རྩའི་སྒོར་ཁྲི9665ཡིན། ནང་འདྲེན་མ་དངུལ་སྒོར་ཁྲི21923ཡིན་ལ།ན་ནིང་གི་ལྷག་འཕྲོ་སྒོར་ཁྲི576ཡིན། ས་གནས་སྤྱི་སྤྱོད་ནོར་སྲིད་སྔོན་རྩིས་ལས་འགྲོ་སྒོ་སྒོར་ཁྲི938409བཏང་བ་དང་།ཁ་སྣོན་བྱས་པའི་སྔོན་རྩིས་ལེགས་སྒྲིག་ཐེབས་རྩའི་སྒོར་ཁྲི13384ཡིན། ལོ་མཇུག་གི་འགྲིལ་གསོག་ལྷག་འཕྲོ་སྒོར་ཁྲི680ཡོད་པ་དང་།བསྡོམས་རྩིས་བརྒྱབ་ནས་ལོ་རྗེས་མའི་འགྲོ་ཁུངས་སུ་སྒོར་ཁྲི680བཏང་།ལོ་མཇུག་གི་ལྷག་འཕྲོ་མེད།

སྲིད་ཨུ་གསུམ་གྱི་སྤྱིའི་རྒྱུ་ཤུགས་སྒོར་ཁྲི114481ཡིན་ལ།དེའི་ནང་ས་གནས་སྤྱི་སྤྱོད་ནོར་སྲིད་ཀྱི་སྔོན་རྩིས་ཡོང་སྒོ་སྒོར་ཁྲི68442ཡིན་པ་དང་ཞིང་ཆེན་དང་ཁུལ་རིམ་པའི་ཁ་གསབ་རོགས་སྐྱོར་ཡོང་སྒོ་སྒོར་ཁྲི45849ཡིན། ནང་འདྲེན་བྱས་པའི་སྔོན་རྩིས་གཏན་འཇགས་ལེགས་སྒྲིག་ཐེབས་རྩའི་སྒོར་ཁྲི190ཡིན། ས་གནས་སྤྱི་སྤྱོད་ནོར་སྲིད་སྔོན་རྩིས་ལས་སྒོར་ཁྲི113370གི་འགྲོ་སྒོ་བཏང་།ཁ་སྣོན་བྱས་པའི་སྔོན་རྩིས་ལེགས་སྒྲིག་ཐེབས་རྩའི་སྒོར་ཁྲི995ཡིན་ལ།ལོ་མཇུག་གི་འགྲིལ་གསོག་ལྷག་འཕྲོ་སྒོར་ཁྲི116ཡོད། བསྡོམས་རྩིས་བརྒྱབ་ནས་ལོ་རྗེས་མའི་འགྲོ་ཁུངས་སུ་སྒོར་ཁྲི116བཏང་།ལོ་མཇུག་གི་ལྷག་འཕྲོ་མེད་དོ།།

(གསུམ།)ཐེབས་རྩའི་ཡོང་སྒོ་དང་འགྲོ་སྒོ་ལེགས་འགྲུབ་བྱུང་ཚུལ།ཁུལ་ཡོངས་ཀྱི་ཐེབས་རྩའི་སྤྱིའི་ཡོང་སྒོ་སྒོར་ཁྲི66834ཡིན་ལ།དེའི་ནང་ལོ་འདིའི་ཡོང་སྒོ་སྒོར་ཁྲི61894ཡིན་པ་དང་། ཞིང་ཆེན་གྱིས་སྒོར་ཁྲི1625ཡི་ཁ་གསབ་རོགས་སྐྱོར་བྱས།ན་ནིང་གི་ལྷག་འཕྲོ་སྒོར་ཁྲི3315ཡོད། ད་ལོའི་ཐེབས་རྩའི་སྤྱིའི་འགྲོ་སྒོ་སྒོར63817ཡིན་ཞིང་།ལོ་མཇུག་གི་འགྲིལ་གསོག་ལྷག་འཕྲོ་སྒོར་ཁྲི3017ཡོད་པ་དང་བསྡོམས་རྩིས་བླངས་རྗེས་ལོ་རྗེས་མའི་འགྲོ་ཁུངས་སུ་སྒོར་ཁྲི3017བཞག

ཁུལ་རིམ་པའི་ཐེབས་རྩའི་སྤྱིའི་ཡོང་སྒོ་སྒོར་ཁྲི4125ཡིན་ལ།དེའི་ནང་ལོ་འདིའི་ཡོང་སྒོ་སྒོར་ཁྲི5332ཡིན། ཞིང་ཆེན་དང་ཁུལ་རིམ་པའི་ཁ་གསབ་རོགས་སྐྱོུར་ཡོང་སྒོ་སྒོར་ཁྲི3158ཡོད། ན་ནིང་གི་ལྷག་འཕྲོ་སྒོར་ཁྲི1951ཡོད་པ་དང་། ད་ལོའི་འགྲོ་སྒོ་སྒོར་ཁྲི2618ཡོད། བསྡོམས་རྩིས་བརྒྱབ་ནས་ལོ་རྗེས་མའི་འགྲོ་ཁུངས་སུ་སྒོར་ཁྲི1507བཞག

སྲིད་ཨུ་གསུམ་གྱི་ཐེབས་རྩའི་སྤྱིའི་ཡོང་སྒོ་སྒོར་ཁྲི5424ཡོད་ལ།དེའི་ནང་ལོ་འདིའི་ཡོང་སྒོ་སྒོར་ཁྲི3998ཡོད། ཞིང་ཆེན་དང་ཁུལ་གྱིས་སྒོར་ཁྲི256ཁ་གསབ་རོགས་སྐྱོར་བྱས།ན་ནིང་གི་ལྷག་འཕྲོ་སྒོར་ཁྲི1170ཡོད། ད་ལོར་འགྲོ་སྒོ་སྒོར་ཁྲི4116བཏང་།བསྡོམས་རྩིས་བརྒྱབ་ནས་ཕྱིར་ལོའི་འགྲོ་ཁུངས་སུ་སྒོར་ཁྲི1308བཏང་།

གཉིས།ཡོང་སྒོ་ལ་ཤུགས་རྐྱེན་ཐེབས་པའི་རྒྱུ་རྐྱེན་དབྱེ་ཞིབ།

2014ལོར་ང་ཚོས་དཀའ་བ་ཆད་དུ་བསད་དེ་ཐབས་བརྒྱ་ཇུས་སྟོང་གིས་ཁུལ་སྲིད་གཞུང་གིས་ལེགས་སྒྲིག་བྱས་པའི་ཡོང་སྒོའི་དམིགས་འབེན་འགྲུབ་ཏུ་བཅུགའོན་ཀྱང་ལོ་སྟོད་ཀྱི་ཡོང་སྒོའི་ལས་འགན་དང་བསྡུར་ན་ད་དུང་དུང་ཕྱུར5.6གི་འདང་མེད་ལ།དེའི་རྒྱུ་རྐྱེན་གཙོ་བོ་བཞི་ཡོད་ལ།

(གཅིག)དཔལ་འབྱོར་འཁོར་སྐྱོར་བསྟུད་མར་མར་ལྷུང་བ་ནི་ད་ལོའི་ཁྲལ་འབབ་ཡོང་སྒོ་ལ་ཤུགས་རྐྱེན་ཐེབས་པའི་རྒྱུ་རྐྱེན་གཙོ་བོ་ཡིན།2014ལོ་ནས་བཟུང་།ཁུལ་གྱི་བཟོ་ལས་དང་ཁེ་ལས་མང་ཆེ་བའི་ཐོན་རྫས་གཙོ་བོ་དག་གི་རིན་གོང་མར་ལྷུང་བ་དང་མ་གོང་ཇེ་མཐོར་སོང་ཞིང་།ཚོང་རའི་ཕྱིར་འཚོང་རིན་གོང་ཆག་པ། ཁུལ་ཡོངས་ཀྱི་གཞི་ཁྱོན་ཡན་གྱི་བཟོ་ལས་འཕེལ་རིམ་གྱི་བགྲོས་ཚད་ཇེ་དལ་སོང་བ་བཅས་ཀྱིས་ཁེ་ཕན་ལ་གྱོང་གུན་ཐེབས། ལས་རིགས་ཆེན་མོ་བཞིའི་ཁྲོད་ནས་རྡོ་སྣུམ་གྱི་རིན་གོང་བསྟུད་མར་མར་ཆག་པ་དང་གཞན་ལས་རིགས་གསུམ་གྱི་ཁེ་ལས་ཀྱི་གྱོང་གུན་ཐེབས་ཚད་ཀྱི་ཁྱོན་ཡངས་བར་གྱུར་བས་ཁེ་སྤོགས་ལེན་པའང་ཧ་ཅང་ཉག་ཕྲ།

(གཉིས།)ཐེམ་ཆེན་གྱི་རྡོ་སོལ་ཁེ་ལས་དག་ཐེར་བྱས་པ་ལས་ལོ་དེའི་ཡོང་སྒོ་ལ་ཤུགས་རྐྱེན་ཅུང་ཚབས་ཆེན་ཐེབས།2014ལོའི་ལོ་སྟོད་དུ་ཐེམ་ཆེན་རྫོང་ལ་སྒོར་དུང་ཕྱུར་6.97གྱི་ཡོང་སྒོའི་ལས་འགན་སྤྲད་ནའང་དོན་དངོས་སུ་སྒོར་དུང་ཕྱུར་2.49ལས་མ་འགྲུབ་ལ།དེས་ལོ་ཧྲིལ་བོའི་སྔོན་རྩིས་ཀྱི་35.7%ལས་མི་ཟིན། དེའི་ནང་རྫོང་རིམ་པའི་ཡོང་སྒོ་ལ་སྒོར་དུང་ཕྱུར2.93དང་ཁུལ་རིམ་པར་སྒོར་དུང་ཕྱུར་1.55ཡི་ཤུགས་རྐྱེན་ཐེབས་སུ་བཅུགདུས་མཚུངས་སུ་བབ་བསྟུན་གྱི་ཟུར་སྣོན་ཡོང་སྒོ་སྒོར་དུང་ཕྱུར0.1ལ་ཤུགས་རྐྱེན་ཐེབས།

གསུམ། སྔོན་ལོའི་གནད་དོན་ཐག་བཅད་བྱེད་རྒྱུ་དེས་2014ལོའི་ཁྲལ་འབབ་དང་ཡོང་སྒོ་ལ་ཤུགས་རྐྱེན་ཅུང་ཆེན་པོ་བཟོས།གཅིག་ནི་རྒྱལ་ཁྲལ་སྡེ་ཁག་གི་སྤྱི་ལོ་2013ལོའི་ཁེ་ལས་ཀྱིས་ཁེ་ལས་ཐོབ་ཁྲལ་སྔོན་སྤྲོད་དང་། འཕར་སྣོན་རིན་ཐང་དང་ཡོང་འབབ་དཔྱ་ཁྲལ་གྱི་གཏའ་མ་སོགས་ཀྱི་དཔྱ་ཁྲལ་དུས་འགྱངས་སུ་བཏང་ཡོད་ལ། སྤྱིའི་མ་དངུལ་སྒོར་དུང་ཕྱུར་42.9ལ་སླེབས།  དེའི་ནང་དཔྱ་ཁྲལ་སྔོན་བསྡུ་དང་གཏའ་མར་བཞག་མེད་པའི་དཔྱ་ཁྲལ་སྒོར་དུང་ཕྱུར19.3ཡིན། གཉིས་ནི་ས་གནས་དཔྱ་ཁྲལ་སྡེ་ཁག་གིས2013ལོའི་ལོ་རེའི་ཆད་འགྱངས་བྱས་པའི་ཁེ་ལས་ཀྱི་ཐོབ་ཁྲལ་སོགས་སྒོར་དུང་ཕྱུར6གཙང་སྤྲོད་བྱས་པས།ལོ་དེར་དེའི་ཕྱོགས་ལ་ཡོང་སྒོ་མེད།  ཚད་གཞི་ངེས་ཅན་ཞིག་གི་སྟེང་ནས་སྔོན་ལོའི་་གཞི་གྲངས་རྫུན་བཟོ་དང་ལོ་དེའི་དཔྱ་ཁྲལ་ཡོང་སྒོ་ཐད་ཀར་མེད་པར་བཟོས་ནས་ལྡོག་ཕྱོགས་ཀྱི་ཤུགས་རྐྱེན་བཟོས་ཡོད།

(བཞི།)ཕྱོགས་གཞན་གྱི་རྒྱུ་རྐྱེན།ཁེ་ལས་ཆེ་འབྲིང་ཆུང་གསུམ་གྱི་འཕེལ་རྒྱས་ལ་རོགས་སྐྱོར་བྱེད་པའི་ཆེད་དུ་དཔྱ་ཁྲལ་ཉུང་བསྡུ་བྱས་ནས་ནོར་སྲིད་ཡོང་སྒོ་ཇེ་ཉུང་དུ་སོང་བ་དང་གཅིགཁུལ་ནང་ཁུལ་གྱི་དངུལ་གཏོང་གིས་ཁྲལ་བསྡུ་ཕན་ཁེ་ལེན་མ་ཐུབ་པ། གཏན་འཇགས་རྒྱུ་ནོར་གཙོ་བོ་རྫས་འགྱུར་དང་མདོག་ལྡན་ལྕགས་རིགས།ཉི་འོད་ནུས་པ། གློག་ཤུགས་སོགས་ལས་རིགས་ཀྱི་ཕྱོགས་སུ་བཏང་བ་ཡིན་ལ། དངུལ་གཏོང་གི་གཞི་ཁྱོན་ཆེ་བ་དང་འཁོར་ཡུན་རིང་བ།འཛུགས་སྐྲུན་བྱས་རྗེས་གཏན་འཇགས་རྒྱུ་ནོར་མང་ཆེ་བ་ཁྲལ་དངུལ་གྱི་གཏའ་མར་བཞག་ཡོད་ཅིང་།དུས་ཡུན་ཐུང་ངུའི་ནང་ཁྲལ་འཇལ་མི་ཐུབ་པ་དང་གཉིས། ཁྲལ་ཁུངས་གསར་བ་མེད་པ། ཐོན་ཁུངས་འཚོལ་ཞིབ་དང་ཐོན་ཁུངས་བཀོད་སྒྲིགཐོན་ལས་སྲིད་ཇུས། ལས་གཞིའི་ཆོག་མཆན། མ་དངུལ་གྲབས་གསོག་སོགས་དུས་རིམ་སྔོན་མའི་བྱ་བ་རྗེས་སུ་ལུས་བའི་ཤུགས་རྐྱེན་དང་།ཁུལ་ནང་གི་ཐོན་ལས་ལས་གཞི་གལ་ཆེན་དག་གི་འཕེལ་རིམ་དལ་བ། ནུས་ཁུངས་གསར་བ་དང་རྒྱུ་ཆ་གསར་བ།ཁྱད་ལྡན་སྐྱེ་དངོས་སོགས་འཐབ་རྩོད་རང་བཞིན་གྱི་རྣམ་པ་གསར་བའི་ཐོན་ལས་ད་སོ་མ་འགོ་བརྩམས་ནས་ཡོང་སྒོ་ངེས་ཅན་ཞིག་མེད་པས་ཁྲལ་འབབ་ཀྱི་ཡོང་སྒོ་མེད་པ་དང་གསུམ་བཅས་སོ།

གསུམ།2014ལོའི་ནོར་སྲིད་ཀྱི་བྱ་བ་གཙོ་བོ།

(གཅིག)ནོར་སྲིད་ཡོང་སྒོ་ན་ནིང་དང་འདྲ་མཉམ་ཡིན་ཞིང་རྒྱུ་ཤུགས་བརྟན་བརླིང་ངང་འཕར་སྣོན་བྱུང་། འདས་ཟིན་པའི་ལོ་གཅིག་གི་ནང་། ཁུལ་ནང་ཁུལ་གྱི་ནོར་སྲིད་ཡོང་སྒོ་ལ་རྣམ་པ་གང་རུང་གི་ཤུགས་རྐྱེན་གྱིས་བཀག་འགོག་བཟོས་ཀྱང་།ཁུལ་ཡོངས་ཀྱི་རིམ་པ་སོ་སོའི་ནོར་ཁྲལ་སྡེ་ཁག་གིས་ཧུར་ཐག་གིས་རྟོག་ཞིབ་དང་།མཉམ་འབྲེལ་དམ་པོ། ཕན་ཚུན་རྒྱབ་སྐྱོར་བཅས་བྱས་ནས།དུས་ཐོག་ཏུ་ལས་འགན་ཁག་བགོས་དང་འགན་འཁྲི་གསལ་བོ་བྱས་པ།ཁྲལ་ཁུངས་དབྱེ་ཞིབ་ལ་ཤུགས་བསྣན་པ། གཙོ་གལ་ཆེ་བའི་ལས་རིགས་ལ་ལྟ་སྐྱོང་བྱས་པ།ལྷག་པར་དུ་གཙོ་གནས་ལས་རིགས་ཀྱི་ཐོན་ཁུངས་དཔྱ་ཁྲལ་གྱི་བསྡུ་ལེན་དོ་དམ་བྱ་བ་ལེགས་པོར་བསྒྲུབས་པ་དང་།དཔྱ་ཁྲལ་ཆུང་བའི་རིགས་དང་དཔྱ་ཁྲལ་མ་ཡིན་པའི་ཡོང་སྒོའི་དོ་དམ་བྱ་བར་ཤུགས་བསྣན་ཏེ།སྡུད་འོས་པའི་དཔྱ་ཁྲལ་དེ་གང་ཐུབ་ཀྱིས་སྡུད་ལེན་བྱས་ནས།དཔྱ་ཁྲལ་མར་ཆག་པའི་སྟོང་ཆ་བསྐོང་ཅི་ཐབས་བྱས་ཐོགཟླ་རེའི་ཡོང་སྒོ་ཇེ་མཐོར་བཏང་ནས་ནོར་སྲིད་ཡོང་སྒོ་སྔོན་ལོ་དང་འདྲ་མཉམ་བྱས་པས།སྔོན་དཔག་ལས་བཟང་བའི་གྲུབ་འབྲས་དོད་པོ་བླངས།དུས་མཚུངས་སུ་ཞིང་ཆེན་དང་འབྲེལ་འདྲིས་བྱས་ནས་རིགས་སོ་སོའི་ཆེད་སྤྱོད་མ་དངུལ་བརྩོན་ལེན་བྱས་ཏེ།2014ལོའི་ཁུལ་ཡོངས་ཀྱིས་བསྡོམས་པས་ཀྲུང་དབྱང་དང་ཞིང་ཆེན་གྱི་ཆེད་སྤྱོད་མ་དངུལ་སྒོར་དུང་ཕྱུར52.5བརྩོན་ལེན་བྱས་ཤིང་།ན་ནིང་ལས65.7%འཕར། ལོ་ཧྲིལ་བོའི་རྒྱུ་ཤུགས་སྒོར་དུང་ཕྱུར134ལ་བུད་ཅིང་།25%འཕར།

(གཉིས།) ནོར་སྲིད་ཀྱི་གཏོང་སྒོ་ཇེ་མང་དུ་བཏང་ནས་དམངས་འཚོ་དང་རྨང་གཞིའི་སྒྲིག་ཆས་འཛུགས་སྐྲུན་ཐད་ནས་གྲུབ་འབྲས་མངོན་གསལ་བླངས།འགྲོ་གྲོན་ལ་དོ་དམ་ནན་མོ་བྱས་ཏེ་སྤྱིར་བཏང་གི་འགྲོ་སོང་ཇེ་ཉུང་དུ་བཏང་སྟེ།ཏང་སྲིད་ལས་ཁུངས་ཀྱི་རྒྱུན་ལྡན་འཁོར་སྐྱོད་ལ་ཁག་ཐེག་བྱས་ཐོགརྨང་གཞིའི་སྒྲིག་ཆས་འཛུགས་སྐྲུན་དང་འཁོར་རྒྱུག་དཔལ་འབྱོར་འཕེལ་རྒྱས།ཚན་སློབ་རིག་འཕྲོད།ཞིང་ལས་རྒྱབ་སྐྱོར། ཐོན་ཁུངས་ཞིབ་བཤེར། ཞང་གྲོང་སྡེ་ཁུལ་།དངུལ་བུན་འཇལ་བ་དང་བུན་སྐྱེད་སྟེར་བ་སོགས་འགྲོ་སོང་གལ་ཆེན་དག་ཀྱང་ཁག་ཐེག་བྱས་ཏེ།མ་དངུལ་གྱི་བཀོལ་སྤྱོད་ཕན་ཁེ་ཆེས་ཆེར་ཐོན་པར་བྱས།འཁོར་རྒྱུག་དཔལ་འབྱོར་གྱི་ཆེད་སྤྱོད་མ་དངུལ་ཇེ་མཐོར་ཕྱིན་ནའང་།དམངས་འཚོ་ལེགས་བཅོས་གཙོ་གནད་དུ་བཟུང་ནས་དེའི་ཕྱོགས་སུ་སྔར་བཞིན་ནོར་སྲིད་ཀྱི་སྤྱིའི་འགྲོ་གྲོན་ལས་74%བཏང་བ་སྟེ།སྒོར་དུང་ཕྱུར97.7ལ་བུད།ནོར་སྲིད་འགྲོ་སོང་གཙོ་བོ་གཞི་རིམ་དང་རོང་འབྲོག་ཁུལ། དམངས་འཚོའི་ཕྱོགས་སུ་བཏང་།དེ་དང་མཉམ་དུ་སྤྱི་སྤྱོད་ཞབས་ཞུའི་འགྲོ་གྲོན་ཇེ་ཉུང་དུ་སོང་།

(དང་པོ།)སློབ་གསོ་རིག་གནས་ཕྱོགས་སུ་མ་དངུལ་མང་གཏོང་བྱས།འོས་འགན་སློབ་གསོའི་གྲོན་དངུལ་འགན་སྲུང་ནང་རྐྱེན་སོ་སོ་མངོན་འགྱུར་བྱས།ལོ་ཧྲིལ་བོར་སློབ་གསོར་སྒོར་ཁྲི144787བཏང་བ་སྟེ།མ་དངུལ་འདང་བའི་སྒོ་ནས་འོས་འགན་སློབ་གསོ་དུས་རིམ་གྱི་སློབ་གྲྭ་ཆུང་འབྲིང་གི་སྤྱི་སྤྱོད་འགྲོ་གྲོན་བཀོད་སྒྲིག་བྱས།ཞིང་སྡེའི་འོས་འགན་སློབ་གསོ་དུས་རིམ་གྱི་འཚོ་བཅུད་ལེགས་བཅོས་འཆར་གཞི་མུ་མཐུད་དུ་མངོན་འགྱུར་བྱས།སློབ་སྔོན་སློབ་གསོ་དང་མཐོ་རིམ་ཀྱི་སློབ་རིན་མི་དགོས་པའི་སློབ་གསོ་སྔར་བས་ལེགས་བཅོས་ཐོབ།ཞིང་ཆེན་ཡོངས་ཀྱི་སྔོན་ལ་ལོ13རིང་སློབ་རིན་མི་དགོས་པའི་སློབ་གསོ་དོན་ཐོག་ཏུ་འཁྱོལ་བར་བྱས། འབྲིང་རིམ་ལས་རིགས་དཔེ་སྟོན་སློབ་འཛུགས་དང་ཚྭ་འདམ་ལས་རིགས་ལག་རྩལ་སློབ་གྲྭའི་འཛུགས་སྐྲུན་ལ་རྒྱབ་སྐྱོར་ཚད་མེད་གནང་བ་མ་ཟད། སློབ་རོགས་དངུལ་དང་དབུལ་ཕོངས་སློབ་མའི་ཁ་གསབ་རོགས་དངུལ་བཅས་བཀོད་སྒྲིག་བྱས་ཏེ་སྔར་བས་ལས་རིགས་ལག་རྩལ་སློབ་གྲྭའི་སློབ་མའི་ཁྱིམ་ཚང་གི་དཔལ་འབྱོར་གཏོང་སྒོ་ཇེ་ཡང་དུ་བཏང་།རིག་གནས་ལུས་རྩལ་དང་སྨྱན་བྱད་བརྒྱུད་སྒྲོག་བྱ་བཞག་ཐད་སྒོར་ཁྲི35668བཏང་།མ་མཐའི་འགྲོ་གྲོན་ཁག་ཐེག་བྱས་པའི་ཁར་གཙོ་བོ་སྤྱི་སྤྱོད་རིག་གནས་མ་ལག་འཛུགས་སྐྲུན་དང་།མང་ཚོགས་ཀྱི་རིག་གནས་ལུས་རྩལ་བྱ་འགུལ་སྤེལ་བ། ལོ་འཁོར་དྲུག་བཅུ་ལོན་པའི་ཁུལ་སྟོན།གཟུགས་འདས། གནའ་རྫས་སྲུང་སྐྱོབ། རིག་གནས་གསར་སྐྲུན་དར་སྤེལ།རྒྱང་སྒྲོག་བརྙན་འཕྲིན་ལས་དོན།རིག་གནས་ཐོན་ལས་འཕེལ་རྒྱས་སོགས་རིག་གནས་དམངས་འཚོའི་བྱ་བཞག་ལ་རྒྱབ་སྐྱོར་བྱས།

(གཉིས་པ།)སྤྱི་ཚོགས་འགན་སྲུང་ཐད་མ་དངུལ་མང་གཏོང་བྱས། 2014ལོར་སྤྱི་ཚོགས་འགན་སྲུང་དང་ལས་ཞུགས་ལ་མ་དངུལ་སྒོར་ཁྲི111578བཀོད་སྒྲིག་བྱས།ཞང་གྲོང་གི་རྒན་གསོ་ཉེན་འགོག་ལ་ཁ་གསབ་སྒོར་ཁྲི3292བཀོལ་བ་དང་ཞང་གྲོང་གི་རྒན་གསོ་ཉེན་འགོག་ནང་དུ་སྡོད་དམངས94931ཞུགས་ཡོད།ཞང་གྲོང་སྡོད་དམངས་ཀྱི་མ་མཐའི་སྨན་བཅོས་ཉེན་འགོག་གི་མི་རེའི་རང་གྲབས་མ་དངུལ་གྱི་ཚད་གཞི་སྒོར540སླེབས་ཤིང་།དེ་ཞིང་ཆེན་ཡོངས་ཀྱི་ཆ་སྙོམས་ཀྱི་ཆུ་ཚད་ལས་མཐོ། ཞང་གྲོང་སྨན་བཅོས་ཉེན་འགོག་ཐད་ནོར་སྲིད་ཁ་གསབ་རོགས་དངུལ་སྒོར་ཁྲི12935བཏང་ཞིང་།ཞང་གྲོང་སྡོད་དམངས244978ཉེན་འགོག་ནང་ཞུགས་ཡོད་ལ།ཐེངས་གཉིས་པའི་སྨན་རིན་འགྲོ་སོང་རྩིས་ཞུ་ལ་སྒོར་ཁྲི1661དམིགས་སུ་འབྱོར།ཞང་གྲོང་གི་མ་མཐའི་འགན་སྲུང་རོགས་དངུལ་སྒོར་ཁྲི10750བཏང་ཞིང་།ཞང་གྲོང་མ་མཐའི་འཚོ་བའི་འགན་སྲུང་ནང་དུ་མི་གྲངས39840ཡོད།ཡང་བསྐྱར་ལས་ཞུགས་ཀྱི་ཆེད་སྤྱོད་རོགས་དངུལ་སྒོར་ཁྲི7482གཏོང་སྤྲོད་བྱས་ཏེ་སྤྱི་ཚོགས་ཀྱི་ལས་ཞུགས་གནད་དོན་ཞི་ལྷོད་དུ་བཏང་།དཀའ་ཁག་ཆེ་བའི་མང་ཚོགས་ཀྱི་ཁང་རྙིང་བསྒྱུར་བཀོད་ཐད་མ་དངུལ་སྒོར་ཁྲི2001བཏང་སྟེ།ཁུལ་ཡོངས་ཀྱི་དཀའ་ཁག་ཁྱིམ་ཚང800ཡི་ཁང་རྙིང་བསྒྱུར་བཀོད་བྱས།ཞིང་སྡེའི་བྱ་དགའ་རང་བཞིན་གྱི་སྡོད་ཁང་འཛུགས་སྐྲུན་གྱི་ཁ་གསབ་རོགས་དངུལ་སྒོར་ཁྲི1120བཏང་སྟེ་ཁུལ་ཡོངས་ཀྱི་རོང་འབྲོག་ཁྱིམ་ཚང700ཡི་སྡོད་ཁང་ཆ་རྐྱེན་ལེགས་བཅོས་བྱས།དབང་བོ་སྐྱོན་ཅན་གྱི་ལས་དོན་ཐད་ཆེད་སྤྱོད་ཁ་གསབ་རོགས་དངུལ་སྒོར་ཁྲི1163བཏང་སྟེ་ཁུལ་ཡོངས་ཀྱི་དབང་བོ་སྐྱོན་ཅན་ཚབས་ཆེན་གྱི་འཚོ་བའི་ཁ་གསབ་དང་དེ་དག་གི་བུ་དང་བུ་མོའི་སློབ་གསོའི་རོགས་དངུལ།དབང་བོ་སྐྱོན་ཅན་གྱི་ལུས་ཁམས་བདེ་ཐང་སླར་གསོ་སོགས་ལས་དོན་འཕེལ་རྒྱས་ཀྱི་ལས་གཞིའི་ཐད་བཀོལ།

(གསུམ།) སྨན་བཅོས་འཕྲོད་བསྟེན་ལས་དོན་འཕེལ་རྒྱས་ལ་ནུས་ཤུགས་ཡོད་རྒུས་རྒྱབ་སྐྱོར་བྱས་པ།2014ལོར་སྨན་བཅོས་འཕྲོད་བསྟེན་གྱི་ཁ་གསབ་རོགས་དངུལ་སྒོར་ཁྲི16308བཏང་བ་སྟེ།གཙོ་བོ་ཞང་སྡེའི་སྨན་པའི་གླ་ཕོགས་དང་སྡེ་བའི་འཕྲོད་བསྟེན་ཁང་གི་གྲོན་དངུལ་འགན་སྲུང་ཆུ་ཚད་མཐོར་འདེགས།གཞུང་བཙུགས་སྨན་བཅོས་སྡེ་ཁག་གི་སྨན་རྫས་ཀྱི་མ་གོང་བླང་བའི་ཁ་གསབ།ཞང་གྲོང་སྨན་བཅོས་རོགས་སྐྱོབ། ལས་བྱེད་པའི་བདེ་ཐང་བརྟག་དཔྱད།ལོ་དྲུག་ཅུའི་ཡན་གྱི་རྒན་པའི་ལུས་པོ་བདེ་ཐང་ཞིབ་བཤེར། ས་གནས་ཀྱི་ནད་ཡམས།ཟས་རིགས་བདེ་འཇགས་འགན་སྲུང་།རྩ་བའི་སྤྱི་སྤྱོད་འཕྲོད་བསྟེན་ཞབས་ཞུའི་ཆེད་སྤྱོད་རོགས་སྐྱོར་སོགས་ལེགས་བཅོས་ཀྱི་ཕྱོགས་སུ་བཀོལ།དེ་དང་མཉམ་དུ་རང་ཁུལ་གྱིས་སྨན་བཅོས་ཉེན་འགོག་རིམ་བགར་གསོ་བཅོས་ལམ་ལུགས་དང་རིན་སྤྲོད་སྤྱི་འབོར་ཚོད་འཛིན་ལག་བསྟར་གྱི་འབྲེལ་ཡོད་བྱེད་ཐབས་གཏན་འབེབ་མངོན་འགྱུར་བྱས་ཤིང་།སྔོན་རྩིས་གཏན་འབོར་དང་ཟླ་ལྟར་སྔོན་སྤྲོད། ལོ་མཇུག་གཙང་རྩིས།ཉེན་ཁ་འགན་བགོས་ཀྱི་རྩ་དོན་གཏན་འཁེལ་བྱས་ཏེ།རིམ་བགར་གསོ་བཅོས་དང་སྨན་བསྟེན་སྒྲིག་རིམ་ཞིབ་ཚགས་ཅན་དུ་བཏང་བ་དང་།དམིགས་བསལ་གྱི་མང་ཚོགས་ཀྱིས་གང་བདེ་དེར་བསྟེན་གྱི་རྩ་དོན་ལྟར་སྨན་བཅོས་སྡེ་ཁག་འདེམ་ཆོག་པས་རྒྱ་ཆེའི་མང་ཚོགས་ལ་སྔར་མེད་ཀྱི་སྟབས་བདེ་ཆེན་པོ་བསྐྲུན་ཡོད།

(བཞི་བ།)རྨང་གཞིའི་སྒྲིག་ཆས་ཐད་མ་དངུལ་མང་གཏོང་བྱས། 2014ལོར་ཁུལ་ཡོངས་ཀྱི་རྨང་གཞིའི་སྒྲིག་ཆས་ཐད་སྒོར་དུང་ཕྱུར45.4བཏང་།གཅིག་ནི་འཁོར་རྒྱུག་དཔལ་འབྱོར་ཚོད་ལྟ་ཁུལ་གྱི་སྤྱི་སྤྱོད་སྒྲིག་ཆས་འཛུགས་སྐྲུན་དང་ཞང་གྲོང་སྡེ་ཁུལ་གྱི་རྨང་གཞིའི་འཛུགས་སྐྲུན་ལ་སྒོར་དུང་ཕྱུར20བཏང་ནས།ཚོད་ལྟ་ཁུལ་གྱི་མ་དངུལ་མཉམ་བསྲེས་སྟེགས་བུ་དང་གཏེར་ཁུལ་འགྲིལ་འགྲུལ།གཙོ་གནད་ལས་གཞི། མཚོ་ནུབ་ཁུལ་སྲིད་གཞུང་གི་གཞུང་སྒྲུབ་བྱེད་གནས་གསར་བ།སྲིད་གཞུང་གི་ཕྱོགས་བསྡུས་ཞབས་ཞུ་ལྟེ་གནས།ཁུལ་ཡོངས་ཀྱི་ཞང་གྲོང་གི་སྡེ་ཁུལ་ཞབས་ཞུའི་རྨང་གཞིའི་སྒྲིག་ཆས་སོགས་ཀྱི་འཛུགས་སྐྲུན་ལ་རྒྱབ་སྐྱོར་བྱས།གཉིས་ནི་མ་དངུལ་སྒོར་དུང་ཕྱུར4.8བཏང་ནས།གཙོ་བོ་མཐོ་རིམ་སློབ་འབྲིང་དང་ལས་རིགས་ལག་རྩལ་སློབ་གྲྭདེ་མིན་ད་རུང་རྨང་གཞི་ཞན་པའི་རྫོང་དང་གྲོང་ཁྱེར་གྱི་སྤྱིར་བཏང་མཐོ་འབྲིང་གི་རྨང་གཞིའི་སྒྲིག་ཆས་འཛུགས་སྐྲུན་གྱི་ཕྱོགས་སུ་བཀོལ།གསུམ་ནི་སྒོར་དུང་ཕྱུར1.3བཏང་ནས་ཁུལ་ཡོངས་ཀྱི་མང་ཚོགས་རིག་གནས་ལུས་རྩལ་བྱ་བཞག་གི་འཕེལ་རྒྱས་ཐད་བཏང་བ་སྟེ།གཙོ་བོ་གནམ་དཔྱད་ཁང་དང་ལུས་རྩལ་ལྟེ་གནས།དངོས་མང་བཤམ་སྟོན་ཁང་སོགས་སྤྱི་ཕན་རང་བཞིན་གྱི་རིག་གནས་ལུས་རྩལ་གྱི་རྨང་གཞིའི་སྒྲིག་ཆས་འཛུགས་སྐྲུན་དང་རྒྱུན་ལྡན་འཁོར་སྐྱོད་ཀྱི་ཕྱོགས་སུ་བཀོལ།བཞི་ནི་མ་དངུལ་སྒོར་དུང་ཕྱུར2.7བཏང་ནས་དཔེ་སྟོན་ས་ཁུལ་གྱི་ཞིང་སྡེ་དང་འབྲོག་པའི་བཏུང་ཆུ་བདེ་འཇགས་བཟོ་སྐྲུན།ཆུ་བོ་ཆུང་འབྲིང་གི་བཅོས་སྐྱོང།ཞིང་ཚིགས་ཆུང་ཤོས་ཀྱི་ཆུ་བེད་སོགས་ཀྱི་ལེགས་སྒྲིག་བཅོས་སྦྱོང་ཕྱོགས་སུ་བཀོལ། ལྔ་ནི་ཆེད་སྤྱོད་མ་དངུལ་སྒོར་དུང་ཕྱུར12བཏང་ནས་ཁུལ་ཡོངས་ཀྱི་འགན་སྲུང་རང་བཞིན་གྱི་སྡོད་ཁང་འཛུགས་སྲུན་དང་གཞན་པའི་སྐོར་གྱི་རྨང་གཞིའི་སྒྲིག་ཆས་ཆ་ཚང་སྒྲིག་འཛུགས་བྱེད་པ་དང་།སྲིད་གཞུང་གི་སྤྱི་ཕན་དངུལ་བུན་འཇལ་བ་དང་བུན་སྐྱེད་སྟེར་བ།སྤྱི་སྤྱོད་རྨང་གཞིའི་སྒྲིག་ཆས་འཁོར་སྐྱོད་ཀྱི་ཞབས་ཞུའི་འགན་སྲུང་།ཤུག་རིའི་ས་གཤིན་སྤྱི་གླིང་གི་ལས་གཞི་གསར་སྤེལ།གཏེར་ལེན་པའི་གནམ་གྲུ་འབབ་ཚིགས་ཀྱི་འཁོར་སྐྱོད།གཞན་པའི་ཞབས་ཞུའི་འགན་སྲུང་སོགས་ཀྱི་ཕྱོགས་གཙོ་བོར་བཟུང་ནས་རྒྱབ་སྐྱོར་བྱས། དྲུག་ནི་ཁོར་ཡུག་སྲུང་སྐྱོང་གི་ཐད་སྒོར་དུང་ཕྱུར4.1བཏང་ནས།གཙོ་བོ་ཁུལ་གྱི་གཙང་བོ་དང་མཚེའུ་གཙོ་བོ་དག་གི་བཞུར་རྒྱུན་གྱི་སྐྱེ་ཁམས་སླར་གསོ་དང་ཁོར་ཡུག་འཛུགས་སྐྲུན་ཀྱི་ནུས་ཤུགས་བརྟག་དཔྱད།རྨོ་བསྐྱུར་ནགས་འདེབས། ཁེ་ལས་ཀྱི་ནུས་སྲི་འཕྲི་གཏོང་།སྙིགས་ཟོག་འཁོར་རྒྱུག་བེད་སྤྱོད།ལྕགས་རིགས་ཀྱི་སྦགས་བཟོ་སྔོན་འགོག་སོགས་ཀྱི་ཕྱོགས་ལ་རྒྱབ་སྐྱོར་བྱས་ཏེ།སྤགས་བཙོག་ཇེ་ཉུང་དང་བཟོ་ལས་གླིང་ཁུལ་གྱི་འཁོར་རྒྱུག་དཔལ་འབྱོར་གོང་དུ་འཕེལ་བར་སྐུལ་འདེད་བྱས།

(ལྔ་བ།)ཞིང་ལས་ཕྱོགས་སུ་མ་དངུལ་མུ་མཐུད་དུ་མང་གཏོང་བྱས།2014ལོར་ཞིང་ནགས་ཆུ་བེད་བཅས་ལ་སྒོར་དུང་ཕྱུར21.8བཏང་།གཅིག་ནི་ཞིང་ཆེན་རིམ་པའི་ཆེད་སྤྱོད་མ་དངུལ་སྒོར་དུང་ཕྱུར10.9བརྩོན་ལེན་བྱས་ནས་གཙོ་བོ་ནགས་ཚལ་དང་རྩྭ་སའི་སྐྱེ་ཁམས་ལེགས་བཅོས་ཀྱི་ཁ་གསབ།ཞིང་ལས་སྒྲིག་ཆས་འཛུགས་སྐྲུན། ཞིང་སྡེའི་སྡོང་འཛུགས།ཞིང་ལས་འཕྲུལ་ཆས་ཉོ་སྒྲུབ་ཁ་གསབ། དབུལ་སྐྱོར་སྡེ་བར་སྐུལ་འདེད།ཞིང་ཚིགས་ཆུ་བེད་བཟོ་སྐྲུན་ཆུང་བ་སོགས་ལས་གཞི་འཛུགས་སྐྲུན་ཐད་བཀོལ་སྤྱོད་བྱས། གཉིས་ནི་ཁུལ་དང་རྫོང་རིམ་པའི་ནོར་སྲིད་ཀྱི་ཞིང་ལས་རྒྱབ་སྐྱོར་ཆེད་སྤྱོད་མ་དངུལ་སྒོར་དུང་ཕྱུར4.23(དེའི་ནང་ཁུལ་རིམ་པར་དུང་ཕྱུར1.39དང་རྫོང་རིམ་པར་དུང་ཕྱུར2.84)བཏང་ནས་གཙོ་བོ་འཕང་འབྲས་དང་ཚྭ་འདམ་རྒྱུད་འདྲེས་ནོར་བཅས་དུང་ཕྱུར་བརྒྱ་ཅན་གྱི་ཐོན་ལས་གཉིས་དར་རྒྱས་གོང་འཕེལ་གཏོང་བ་དང་།ཁུལ་ཡོངས་ཀྱི་ཞང་གྲོང་གཅིག་གྱུར་འཆར་འགོད་འཕེལ་རྒྱས་ཀྱི་མཐོ་སྒང་གི་མཛེས་སྡུག་ཞང་སྡེ15ཡི་འཛུགས་སྐྲུན།ཞིང་ཚིགས་ཆུ་བེད་སྒྲིག་ཆས་འཛུགས་སྐྲུན། ཆུ་ལོག་དང་ཐན་སྐྱོན་སྔོན་འགོག་བྱ་བ། ནགས་ལས་སྐྱེ་ཁམས་འཛུགས་སྐྲུན་བཟོ་བཀོད།ལྗང་བསྒྱུར་ནགས་འདེབས་བཟོ་སྐྲུན། ཁུལ་རིམ་པའི་ཐོན་ལས་རོགས་སྐྱོར་ལས་གཞི། ཞིང་ཆེན་རིམ་པའི་གཙོ་གནད་ཀྱི་རོགས་སྐྱོར་ལས་གཞི་ཆ་ཚང་བ་སྒྲིག་པ།གསར་དར་ཞིང་ལས་བདག་གཉེར་རྩ་འཛུགས་འཕེལ་རྒྱས།སྡེ་བ་རིམ་པའི་སྤྱི་ཕན་བྱ་བཞག་འཛུགས་སྐྲུན་གྱི་དོན་གཅིག་གྲོས་གཅིག་གི་ནོར་སྲིད་བྱ་དགའི་ཁ་གསབ་ལས་གཞི་སོགས་ཀྱི་གསོ་སྐྱོང་དང་བཞེངས་བསྐྲུན་བྱེད་པའི་ཕྱོགས་སུ་བཀོལ།ནོར་སྲིད་ཀྱིས་ཞིང་ལས་རོགས་སྐྱོར་བྱེད་པའི་ཆེད་སྤྱོད་མ་དངུལ་མུ་ནས་ཇེ་མང་དུ་བཏང་བ་ལས་རོང་འབྲོག་ཁུལ་གྱི་རྨང་གཞིའི་སྒྲིག་ཆས་འཛུགས་སྐྲུན་སྔར་བས་དངོས་འབེབ་བྱས་པ་དང་ཞིང་ཕྱུགས་ལས་ཐོན་ལས་ཀྱི་སྒྲིག་གཞི་ལེགས་སྒྲིག་གི་ཤུགས་ཚད་ཇེ་ཆེར་བཏང་བ།ཞིང་ཕྱུགས་ལས་ཀྱི་ཐོན་ལས་མགྱོགས་མྱུར་ངང་གོང་དུ་འཕེལ་ཞིང་མང་ཚོགས་ཀྱི་ཡོང་སྒོའང་ཇེ་མང་དུ་སོང་།གསུམ་ནི་རང་ཁུལ་གྱི་ལས་སྣོན་བྱས་ཟིན་པའི་སྣུམ་ལ་ཁ་གསབ་མ་དངུལ་སྒོར་ཁྲི་1781བཏང་ནས་ཁུལ་ཡོངས་ཀྱི་རྒྱལ་དབང་ནགས་ར་དང་གྲོང་ཁྱེར་སྤྱི་སྤྱོད་འགྲིམ་འགྲུལ།ཞིང་སྡེའི་གཞུང་ལམ་སྐྱེལ་འདྲེན།གླ་གཏོང་བཅས་ལས་རིགས་བཞིའི་སྣུམ་གོང་གི་ཁ་གསབ་བྱས།བཞི་ནིའབྲུ་རིགས་ཀྱི་ཐད་ཀར་ཁ་གསབ་མ་དངུལ་དང་ཞིང་སྤྱོད་དངོས་ཟོག་གི་ཕྱོགས་བསྡུས་ཁ་གསབ་མ་དངུལ་སྒོར་ཁྲི3058བཏང་ནས་ཞིང་བའི་བརྩོན་སེམས་ཇེ་མཐོར་ཕྱིན།ལྔ་ནི་ཁྱིམ་སྤྱོད་གློག་ཆས། རླངས་འཁོར་དང་འཕྲུལ་རྟ་གཞི་རིམ་དུ་སྐྱེལ་བ།རླངས་འཁོར་རྙིང་བ་གསར་བར་བརྗེ་བའི་ཐད་ནོར་སྲིད་ཆེད་སྤྱོད་མ་དངུལ་སྒོར་ཁྲི481བཏང་བ་དང་།ཞིང་སྡེའི་གཞུང་ལམ་བདག་སྐྱོང་ཐད་མ་དངུལ་སྒོར་ཁྲི1423བཏང་ནས།རླངས་འཁོར་རྙིང་བ་གསར་བར་བརྗེ་བར་ཁ་གསབ་སྟེར་བའི་ཤུགས་ཚད་ཆེ་རུ་བཏང་།

(གསུམ།)སྲིད་གཞུང་གི་མཁོ་སྒྲུབ་བྱེད་ཕྱོགས་སྔར་བས་ཚད་ལྡན་དང་བྱེད་ཐབས་སྔར་བས་འཐུས་ཚང་ཡིན་པ།《སྲིད་གཞུང་མཁོ་སྒྲུབ་བཅའ་ཁྲིམས།》དང《མཚོ་སྔོན་ཞིང་ཆེན་མི་དམངས་སྲིད་གཞུང་གི་སྔར་བས་སྲིད་གཞུང་མཁོ་སྒྲུབ་དོ་དམ་བྱ་བར་ཤུགས་སྣོན་དགོས་པའི་སྐོར་གྱི་བསམ་འཆར།》ལག་ལེན་མཐིལ་ཕྱིན་བྱས་ཏེ།མུ་མཐུད་དུ་སྲིད་གཞུང་མཁོ་སྒྲུབ་ཀྱི་གཞི་ཁྱོན་རྒྱ་བསྐྱེད་པ་དང་མཁོ་སྒྲུབ་བྱེད་ཐབས་ཚད་ལྡན་དུ་བཏང་།སྲིད་གཞུང་མཁོ་སྒྲུབ་ཀྱི་ལས་ཚབ་སྡེ་ཁག་ནང་འདྲེན་བྱས་ནས་ཁྲིམས་ལྟར་སྲིད་གཞུང་མཁོ་སྒྲུབ་ལས་གཞིའི་ལས་ཚབ་ལས་དོན་བསྒྲུབ་ཏུ་འཇུག་དགོས།2014ལོར་བརྒྱ་ཆའི60ཡན་གྱི་ལས་གཞི་ནི་སྲིད་གཞུང་མཁོ་སྒྲུབ་ཀྱི་ལས་ཚབ་སྡེ་ཁག་གིས་ཚོང་འགུག་བྱས་ནས་ཡོངས་འགྲུབ་བྱས་པ་ཡིན་ལ།དེས་སྲིད་གཞུང་མཁོ་སྒྲུབ་དོ་དམ་ཇེ་དྲག་དང་སྲིད་གཙང་འཛུགས་སྐྲུན་ལ་སྐུལ་སྤེལ།མཁོ་སྒྲུབ་བྱ་བ་བདེ་བླག་ངང་གོང་འཕེལ་བྱུང་བར་ལམ་བུ་གསར་བ་ཞིག་བཏོད་ཡོད། 2014ལོར་ཁུལ་ཡོངས་ཀྱིས་བསྡོམས་པས་སྲིད་གཞུང་མཁོ་སྒྲུབ་ཐད་མ་དངུལ་སྒོར་ཁྲི13500གཏོང་སྤྲོད་བྱས་པ་ལས།མ་དངུལ་སྒོར་ཁྲི1182གྲོན་ཆུང་བྱས་ཤིང་། གྲོན་ཆུང་བྱས་ཚད་བརྒྱ་ཆའི8.7ལ་སླེབས།

（བཞི།）ནོར་སྲིད་བཅོས་བསྒྱུར་གཏིང་ཟབ་སྤེལ་ནས་ནོར་སྲིད་འཕེལ་རྒྱས་ཀྱི་སྒུལ་ཤུགས་དང་གསོན་ཤུགས་བསྩལ།གཅིག་ནི་ལས་ཁུངས་ཀྱི་སྔོན་རྩིས་སྔར་བས་ཚད་ལྡན་དང་ཁྱོན་ཡོངས་ཡིན་ལ།འགྲོ་སོང་ལས་གཞི་སྔར་བས་ཞིབ་ཚགས་ཡིན་པ།གཏན་འབོར་ཚད་གཞི་རིམ་བཞིན་ཚན་རིག་ཅན་དང་འོས་མཐུན་ཡིན་པ།གཉིས་ནི་ཀྲུང་དབྱང་གི་ཆོད་དོན་བརྒྱད་ནན་ཏན་གྱིས་ལག་ལེན་བྱས་པ།ཁུལ་ཨུ་དང་ཁུལ་སྲིད་གཞུང་། ཞིང་ཆེན་ནོར་སྲིད་ཐིན་གྱི་གྲོན་ཆུང་དང་གྲོན་དངུལ་གྱི་འགྲོ་གྲོན་ཚོད་འཛིན་བྱེད་པའི་སྐོར་གྱི་བླང་བྱ་ལྟར།ནུས་ལྡན་གྱི་བྱེད་ཐབས་གང་ལེགས་བཀོལ་ནས“གཞུང་གསུམ”གྲོན་དངུལ་ཚོད་འཛིན་བྱེད་པའི་དམིགས་འབེན་ལས་འགན་ལེགས་འགྲུབ་བྱུང་ཞིང་།ཁུལ་ཡོངས་ཀྱི་སྤྱིར་བཏང་སྤྱི་སྤྱོད་ཞབས་ཞུའི་འགྲོ་གྲོན་བརྒྱ་ཆའི32མར་ཆག་པ་དང་།དེའི་ནང་ཁུལ་རིམ་པའི་སྤྱིར་བཏང་སྤྱི་སྤྱོད་ཞབས་ཞུའི་འགྲོ་གྲོན་བརྒྱ་ཆའི42.7མར་ཆགཁུལ་ཡོངས་ཀྱི་སྔོན་རྩིས་ལས་ཁུངས་ཚང་མས་“གཞུང་གསུམ”གྲོན་དངུལ་གྱི་སྔོན་རྩིས་དང་ངེས་རྩིས་སྤྱི་བསྒྲགས་བྱས།གསུམ་ནི་མུ་མཐུད་དུ་རྒྱལ་མཛོད་གཅིག་བསྡུས་གཏོང་སྤྲོད་བཅོས་བསྒྱུར་བྱས་པ་སྟེ།“གཏོང་སྤྲོད་སྟེགས་བུ”འི་འཁོར་སྐྱོད་སྔར་བས་ཚད་ལྡན་འཐུས་ཚང་དང་འགུལ་རྣམ་ལྟ་སྐུལ་ཚོད་འཛིན་ལ་གོ་རིམ་ཡོད་པ་དང་ཕན་ཁེ་ལྡན་པ།ནུས་ཤུགས་ཡོད་པ་བཅས་ཡིན་ལ།གཞུང་ཞབས་དངུལ་བྱང་གི་བཀོལ་སྤྱོད་བྱེད་ཚད་དར་ཁྱབ་ཆེ་ཞིང་ཤོག་སྒོར་བཀོལ་སྤྱོད་བྱེད་ཚད་ཇེ་ཉུང་དུ་སོང་ཡོད།བཞི་ནི་ཁྱོན་ཡོངས་ནས་སྔོན་རྩིས་བྱ་བའི་གྲུབ་འབྲས་དང་ལས་ཆོད་ཀྱི་དོ་དམ་བྱ་བ་ལེགས་པོར་སྤེལ་བ་དང་།གཏོང་སྤྲོད་འགན་ཁུར་དང་ལས་ཆོད་འདུ་ཤེས་ཇེ་དྲག་ཏུ་སོང་བ། རྫོང་དང་གྲོང་ཁྱེར་ཁག་གིས་བྱ་བའི་གྲུབ་འབྲས་དང་ལས་ཆོད་ཀྱི་གདེང་འཇོག་བྱེད་སྟངས་གསར་སྐྲུན་བྱས་ཏེ་ཕན་འབྲས་ཀྱང་མངོན་གསལ་བླངས་པའི་ཁར་བྱ་བའི་གྲུབ་འབྲས་དང་ལས་ཆོད་དོ་དམ་གྱི་ཁེབས་ཚད་རིམ་བཞིན་རིམ་པ་སོ་སོའི་སྔོན་རྩིས་ལས་ཁུངས་དང་ནོར་སྲིད་མ་དངུལ་ཡོངས་ཀྱི་ཕྱོགས་སུ་རྒྱ་བསྐྱེད།བྱ་བའི་གྲུབ་འབྲས་དང་ལས་ཆོད་ཀྱི་གདེང་འཇོག་བྱ་བ་གཙོ་བོ་སྡེ་ཁག་གི་སྤྱིའི་འགྲོ་སོང་དང་སྲིད་ཇུས།ལམ་ལུགས། དོ་དམ་བཅས་ཀྱི་ཕྱོགས་སུ་ཚུད་དུ་བཅུག དེ་དང་མཉམ་དུ་འོག་རིམ་གྱི་བྱ་བའི་གྲུབ་འབྲས་དང་ལས་ཆོད་ཀྱི་དཔྱད་འཇོག་བྱ་བར་ཤུགས་བསྣན་པ་དང་དཔྱད་འཇོག་མཇུག་འབྲས་བཀོལ་སྤྱོད་བྱེད་པར་དོ་ཁུར་བྱས་པ་མ་ཟད།སྒོར་ཁྲི440བཏང་ནས་འོག་རིམ་དཔྱད་འཇོག་གི་བྱ་དགའི་ཁ་གསབ་བྱས།ལྔ་ནི་གོམ་གང་མདུན་སྤོས་སྒོས་རིམ་པ་སོ་སོའི་སྲིད་གཞུང་དང་དེའི་ཁོངས་གཏོགས་ལས་ཁུངས་ཀྱི་བུ་ལོན་ལེན་པ་དང་མ་དངུལ་མཉམ་བསྲེས།དམ་བཅའ་དང་གཏའ་མ་འཇོག་པ་སོགས་ཀྱི་བྱེད་ཐབས་ཚད་ལྡན་ཅན་དུ་བཏང་བ་དང་།སྲིད་གཞུང་གི་བུ་ལོན་ལ་འགུལ་རྣམ་གྱིས་དོ་དམ་བྱས་པ་མ་ཟད།ནོར་སྲིད་པུའུ་དང་མཚོ་སྔོན་ཞིང་ཆེན་གྱི་བུ་ལོན་གཙང་སེལ་ཞིབ་འབྱེད་ཀྱི་བྱ་བའི་བླང་བྱ་ལྟར།བུ་ལོན་གཙང་སེལ་ཞིབ་འབྱེད་ཀྱི་བྱ་བ་བདེ་བླག་ངང་ལེགས་འགྲུབ་བྱུང་ཞིང་།སྲིད་གཞུང་གི་བུ་ལོན་རིགས་བཀར་ནས་དགོས་མཁོ་ལྟར་སྔོན་རྩིས་དོ་དམ་ནང་བཞག་སྟེ།བུ་ལོན་གསལ་བོ་དང་དོ་དམ་ཚད་ལྡན།ཉེན་ཁ་ཚོད་འཛིན་བྱེད་ཐུབ་པ་བཅས་བྱས། དྲུག་ནི་མཚོ་ནུབ་ཀྱི་དངོས་ཡོད་དང་ཟུང་འབྲེལ་བྱས་ཏེ《མཚོ་ནུབ་ཁུལ་ནོར་སྲིད་ཀྱི་ཞིང་ལས་རྒྱབ་སྐྱོར་དང་མ་དངུལ་མཉམ་བསྲེས།དངུལ་གཏོང་།མ་རྐང་འཇོག་པ།བདག་གཉེར་བཅས་ཀྱི་རྣམ་པ་གསར་བའི་ཞིང་ཕྱུགས་ལས་བདག་གཉེར་གཙོ་བོའི་དོ་དམ་བྱེད་ཐབས》བཏོན་པ་དང་ནོར་སྲིད་མ་དངུལ་འགྲན་རྩོད་རང་བཞིན་གྱི་མངའ་ཁོངས་སུ་གཏོང་བའི་བྱེད་ཐབས་གསར་སྐྲུན་བྱས་པ་དང་།ནོར་སྲིད་མ་དངུལ་གྱི་ནུས་པ་གང་ལེགས་འདོན་སྤེལ་བྱས་ཏེ།རྣམ་པ་གསར་བའི་ཞིང་ཕྱུགས་ལས་ཀྱི་བདག་གཉེར་གཙོ་བོའི་འཕེལ་རྒྱས་ཀྱི་དཀའ་ཁག་ཐག་གཅོད་བྱས་ནས།རང་ཁུལ་གྱི་ཞིང་ཕྱུགས་ལས་ཀྱི་གཙོ་ཁྲིད་ཐོན་ལས་ཇེ་རྒྱས་ཇེ་ལེགས་སུ་འགྲོ་བར་སྐུལ་སྤེལ་བྱས།

（ལྔ།）གསོག་ཉར་བྱས་ཡོད་པའི་ནོར་སྲིད་མ་དངུལ་བཀོལ་སྤྱོད་ཡང་དག་བྱས་ནས་མ་དངུལ་གྱི་ལས་ཆོད་མཐོར་འདེགས་སུ་བཏང་བ།ཆེད་དུ་མི་སྣ་རྩ་འཛུགས་བྱས་ནས་ལས་ཁུངས་སོ་སོའི་ལོ་རེའི་སྔོན་རྩིས་ལག་བསྟར་བྱས་རྗེས་ཀྱི་ནོར་སྲིད་ཆེད་སྤྱོད་ལྷག་དངུལ་（ཀྲུང་དབྱང་དང་ཞིང་ཆེན་གྱི་ཆེད་སྤྱོད་མ་དངུལ་ནང་དུ་གཏོགས།）ལ་ཆེད་དུ་ཞིབ་བཤེར་གཙང་རྩིས་བྱས་པ་དང་།བསྡོམས་རྩིས་བརྒྱབ་ནས་ལྷག་པའི་མ་དངུལ་ལ་རིགས་བཀར་ནས་གཏིང་ལོན་པར་བྱས་པ་མ་ཟད་།གནས་ཚུལ་མི་འདྲ་བ་ལ་སོ་སོ་གཙང་རྩིས་བྱས། ལོ་ཧྲིལ་བོར་ཁུལ་ཡོངས་སུ་བསྡོམས་པས་ནོར་སྲིད་གསོག་དངུལ་སྒོར་དུང་ཕྱུར55.4ལྷག་བྱེད་ཐབས་ཡང་དག་བཀོལ་ནས་བཀོལ་སྤྱོད་བྱས་ཤིང་།དེའི་ནོར་སྲིད་ཀྱི་སྤྱིའི་གསོག་དངུལ་ལས་བརྒྱ་ཆའི86.4ཟིན།ཞིང་ཆེན་ནོར་སྲིད་ཐིན་གྱིས་གཏན་འཁེལ་བྱས་པའི་གསོག་དངུལ་བཀོལ་སྤྱོད་དམིགས་འབེན་གྱི་བརྒྱ་ཆའི་215.5ཟིན།དེའི་ནང་ནོར་སྲིད་ཀྱི་ཆེད་སྤྱོད་ཐོ་གཞུང་ལས་སྒོར་དུང་ཕྱུར16.5རྩིས་ལེན་བྱས་པ་དང་།སྔོན་རྩིས་ལས་ཁུངས་སོ་སོར་སྐུལ་འདེད་བྱས་ནས་སྒོར་དུང་ཕྱུར38.9འགྲོ་གྲོན་བཏང་།དུས་ཐོག་ཏུ་ནོར་སྲིད་ཀྱི་གསོག་ཉར་མ་དངུལ་བཀོལ་སྤྱོད་བྱས་ཏེ་མ་དངུལ་གྱི་བཀོལ་སྤྱོད་ལས་ཆོད་ཇེ་མཐོར་བཏང་།

（དྲུག）ནོར་སྲིད་ལ་མུ་མཐུད་དུ་ལྟ་སྐུལ་དང་ཞིབ་བཤེར་གཏིང་ཟབ་བྱས་ནས་མ་དངུལ་གྱི་ཕན་འབྲས་མངོན་གསལ་ཡིན་པ།གཅིག་ནི་ཁུལ་ཡོངས་སུ་ནོར་སྲིད་དཔལ་འབྱོར་གྱི་སྒྲིག་ཁྲིམས་བརྩི་སྲུང་དང་“ནོར་མཛོད་ཆུང་བ”འི་ཆེད་དོན་བཅོས་སྐྱོང་བྱ་བ་སྤེལ་ཞིང་།བསྡོམས་པས་ལས་ཁུངས597ལ་རང་བཤེར་དང་ལས་ཁུངས་306ལ་གཙོད་གནད་ཞིབ་བཤེར་བྱས།སྒྲིག་ལམ་དང་འགལ་བའི་གནད་དོན99དང་སྒྲིག་འགལ་མ་དངུལ་སྒོར་ཁྲི4357རྩད་ཆོད་བྱས་པ་མ་ཟད།སྒྲིག་འགལ་ལས་ཁུངས་དག་ལ་རེ་རེ་བཞིན་དག་ཐེར་དང་ལེགས་བཅོས་བྱས།གཉིས་ནི་ཁུལ་ཡོངས་ཀྱི་ཁྲལ་འབབ་གཟིགས་སྐྱོང་སྲིད་ཇུས་ལ་ཞིབ་བཤེར་བྱས་ལ།གཟིགས་སྐྱོང་གི་དུས་ཡུན་འགོར་ཅིང་མུ་མཐུད་དུ་གཟིགས་སྐྱོང་སྲིད་ཇུས་ལོངས་སུ་སྤྱོད་བཞིན་པའི་ཁེ་ལས་ཁག་གཙང་སེལ་བྱས།གསུམ་ནི་ཁུལ་ཡོངས་ཀྱི་སློབ་གྲྭ་ཆུང་འབྲིང་ཚད་ལྡན་ཅན་དུ་འཛུགས་སྐྲུན་བྱེད་པའི་མ་དངུལ་གྱི་དོ་དམ་དང་བཀོལ་སྤྱོད་གནས་ཚུལ་ལ་ཆེད་དོན་ཞིབ་བཤེར་བྱས་ཤིང་།འབྲེལ་ཡོད་མ་དངུལ་སྒོར་ཁྲི18968ལ་ཞིབ་བཤེར་བྱས་ཏེ།བཟོ་སྐྲུན་གྱི་འཕེལ་རིམ་དལ་ཞིང་མ་དངུལ་དུས་ཐོག་ཏུ་དམིགས་སུ་འབྱོར་མེད་པའི་ས་གནས་དང་ལས་ཁུངས་ལ་སྐུལ་འདེད་བྱས་ཏེ།མ་དངུལ་གྱི་འོས་མཐུན་བཀོལ་སྤྱོད་དང་བཟོ་སྐྲུན་གྱི་འཕེལ་རིམ་ལ་ཁག་ཐེག་བྱས།བཞི་ནི་ཁུལ་ཡོངས་ཀྱི་སྨན་བཅོས་འཕྲོད་བསྟེན་དང་འགྲུལ་འགྲིལ་སྐྱེལ་འདྲེན་ལས་རིགས་ཀྱི་ལས་ཁུངས14ཡི་རྩིས་གཉེར་ཆ་འཕྲིན་རྒྱུ་སྤུས་ལ་ཞིབ་བཤེར་བྱས།བདག་གཉེར་གྲུབ་འབྲས་དོན་དངོས་མིན་པ་དང་། རྩིས་ཐོ་དང་དོན་དངོས་གཉིས་མི་མཐུན་པ།གང་འདོད་ཀྱིས་གླ་ཕོགས་དང་ཁ་གསབ་དངུལ་སྣོན་པ།ལོ་སྨད་ཀྱི་མ་དངུལ་ལྷག་འཕྲོ་མང་དྲགས་པ་སོགས་ཀྱི་གནད་དོན་ལ་དག་ཐེར་དང་ཐག་གཅོད་བྱས་ནས།རྩིས་གཉེར་ཆ་འཕྲིན་བདེན་པ་བདེན་དྲང་ཡོང་བར་པར་ཁག་ཐེག་བྱས། ལྔ་ནི་ཁུལ་ཡོངས་ཀྱི་ནོར་སྲིད་ལས་ཁུངས་ནང་ཁུལ་གྱི་ཚན་ཁག22ལ་ནང་ཁུལ་གྱིས་ལྟ་སྐུལ་ཞིབ་བཤེར་བྱས།ལམ་ཐག་རིང་འགྲོ་ན་རུམ་ན་བྲོ་དགོས་ཞེས་པ་ནང་བཞིན་ནོར་སྲིད་ནང་ཁུལ་གྱི་ཚོད་འཛིན་ལམ་ལུགས་དོན་ཐོག་ཏུ་འཁྱོལ་ཡོད་མེད་དང་།ནང་ཁུལ་གྱི་དོ་དམ་ལ་ཉེན་ཁ་དང་སྐྱོན་ཆ་ཡོད་མེད། མ་དངུལ་དོ་དམ་དང་གཏོང་སྤྲོད་ཚད་ལྡན་ཡིན་མིན་བཅས་ལ་མགོ་མཇུག་བར་གསུམ་དུ་ཞིབ་བཤེར་ཡང་དག་བྱས།

（བདུན།）རྩིས་གཉེར་དོ་དམ་བྱ་བར་ཤུགས་བསྣན་ནས་ཟབ་སྦྱོང་བྱ་བར་གྲུབ་འབྲས་གསར་བ་བླངས།གཅིག་ནི་ཁུལ་ཡོངས་ཀྱི་ཁྲལ་འབབ་མ་ཡིན་པའི་ཡོང་སྒོའི་དངུལ་འཛིན་ལ“མ་ཉོས་གོང་ལ་ཆོག་མཆན་དང་གྲངས་བཅད་འགྲེམ་སྤེལ།དངུལ་འཛིན་སྔོན་མར་ཞིབ་རྩིས་བྱས་རྗེས་གསར་བ་ལེན་པ།མ་དངུལ་དང་འཛིན་བྱང་གཉིས་མཉམ་བཀོལ”གྱི་དོ་དམ་བྱེད་ཐབས་ལག་བསྟར་བྱས་ཤིང་འབུར་ཐོན་གྱི་གྲངས་བཅད་ཆོག་མཆན་འགྲེམ་སྤེལ་དང་དུས་ཐོག་ཏུ་ཕྱིར་སྤྲོད་ཐོ་བསུབ་ལ་སྐུལ་འདེད་བྱས།ནོར་སྲིད་དངུལ་འཛིན་ཀྱི་ཉོ་ལེན་དང་འགྲེམ་སྤེལ། བཀོལ་སྤྱོད། བདག་དོམ།རྩིས་ཞུ་དང་དེ་དག་ལ་ལྟ་སྐུལ་དོ་དམ་བྱེད་པ་ཚད་ལྡན་དུ་བཏང་ནས། གང་འདོད་ཀྱིས་བསྡུ་ལེན་དང་ཆད་པ་གཅོད་པ་དང་།བཅད་ཉར་སྒེར་སྤྱོད་དང་སྒྲིག་འགལ་འགྲོ་གྲོན་སོགས་ཀྱི་བྱ་སྤྱོད་ངན་པ་ནུས་པ་ཡོད་པའི་སྒོ་ནས་བཀག་སྡོམ་བྱས།གཉིས་ནི་ཁུལ་ཡོངས་ཀྱི་ནོར་སྲིད་ལས་བྱེད་པ་དང་ནོར་དོན་མི་སྣར་ལས་དོན་གྱི་གསོ་སྦྱོང་བྱས་ཤིང་།གཙོ་བོ་སྲིད་འཛིན་ལས་དོན་ལས་ཁུངས་ཀྱི་རྩིས་གཉེར་ལམ་ལུགས་གསར་བ་ལ་རིམ་པ་དང་སྐོར་ཐེངས་བཀར་ནས་གསོ་སྦྱོང་བྱས།ཁུལ་ཡོངས་ཀྱི་མི་ཐེངས635གསོ་སྦྱོང་ལ་ཞུགས།ཁུལ་ཡོངས་ཀྱི་ལས་ཁུངས་དང་ལས་དོན་ལས་ཁུངས། ཁེ་ལས་བཅས་ཀྱི་ནོར་དོན་རྩིས་གཉེར་བ་མི་གྲངས1786རྩ་འཛུགས་བྱས་ཏེ་ནོར་སྲིད་པུའུ་ཡིས་སྤེལ་བའི་“སྲིད་འཛིན་ལས་དོན་ལས་ཁུངས་ནང་ཁུལ་ཚོད་འཛིན་ཤེས་བྱའི་འགྲན་བསྡུར”ལ་ཞུགས།རྩིས་གཉེར་བས་རྒྱུན་དུ་“མཚོ་སྔོན་ཞིང་ཆེན་རྩིས་གཉེར་ཆ་འཕྲིན་དོ་དམ་སྟེགས་བུ”ལ་གཟིགས་ནས་རྩིས་གཉེར་དོ་དམ་གྱི་གནས་ཚུལ་གསར་བར་རྒྱུས་ལོན་དང་བྱང་ཚད་ལྡན་པ་དང་།རྩིས་གཉེར་ནོར་དོན་གྱི་ལམ་ལུགས་གསར་བར་སློབ་སྦྱོང་བྱེད་པར་ཁྲིད་སྟོན་བྱས། གསུམ་ནི་ཁུལ་ཡོངས་ཀྱི་རྩིས་གཉེར་བའི་ལས་འགན་ཐོབ་གནས་དང་ལས་ཞུགས་ཐོབ་ཐང་སོགས་ཀྱི་རྒྱུགས་ལེན་བྱ་བ་ལེགས་པོར་བསྒྲུབས།རྒྱུགས་ལེན་ལས་ཁུངས་དང་རྒྱུགས་ལེན་སའི་བྱ་བའི་འགན་འཁྲི་མངོན་འགྱུར་བྱས་ཤིང་།རྒྱུགས་དོན་གྱི་བྱ་བ་སོ་སོ་ཚད་ལྡན་དང་གཟབ་ནན།གོ་རིམ་ཡོད་པའི་སྒོ་ནས་སྤེལ་བར་འགན་སྲུང་བྱས་པས།ལས་རིགས་སོ་སོར་རྩིས་གཉེར་བ་ཉེར་མཁོ་ཆེ་བའི་གནས་ཚུལ་ཞི་ལྷོད་དུ་བཏང་།

དུས་མཚུངས་སུ་ང་ཚོས་ད་དུང་ནན་ཏན་གྱིས་གཞི་རིམ་ཏང་འཛུགས་དང་འཆར་ལྡན་བུ་སྐྱེ།བརྟན་འཇགས་སྲུང་སྐྱོང་། བསམ་པའི་དཔལ་ཡོན་གསར་འཛུགས་སོགས་ཀྱི་བྱ་བ་བསྒྲུབས་པ་མ་ཟད།གྲུབ་འབྲས་ཀྱང་མི་དམན་པ་བླངས།

   གཡུར་དུ་ཟ་བའི་གྲུབ་འབྲས་ཀྱི་ཞོར་ནས་ང་ཚོས་ད་དུང་ནོར་སྲིད་བྱ་བ་ལ་གནད་དོན་དང་དཀའ་ཁག་མི་ཉུང་བ་ཞིག་ལ་འཕྲད་ཡོད་པའང་གསལ་བོར་མཐོང་ཐུབ་ལ།གཙོ་བོ་དཔལ་འབྱོར་ཉམས་རྒུད་དུ་འགྲོ་བཞིན་པའི་གནོན་ཤུགས་ཇེ་ཆེ་དང་དམངས་འཚོ་འཛུགས་སྐྲུན་གྱི་ལས་འགན་ལྕི་བ།གླིང་ཁུལ་གསུམ་འཛུགས་སྐྲུན་ལ་འདེགས་སྐྱོར་དང་འཕེལ་རྒྱས་བཞི་མངོན་འགྱུར་བྱེད་པའི་འགན་ཁུར་ཆེ་བ།ས་གནས་སྲིད་གཞུང་རང་བཞིན་གྱི་བུ་ལོན་ཚབས་ཆེན་ཡིན་པ། ནོར་སྲིད་ཀྱི་གཏོང་ཡོང་དོ་མི་མཉམ་པར་འགལ་བ་འབུར་ཐོན་ཡིན་པ།ཁྲལ་འབབ་སྒྲིག་གཞི་འོས་མཐུན་མིན་པས་ནོར་སྲིད་ཡོང་སྒོའི་བརྟན་འཇགས་འཕར་སྣོན་ལ་འདེགས་སྐྱོར་བྱེད་དཀའ་བ་དང་ཉེན་ཁ་འགོག་པའི་ནུས་ཤུགས་ཞན་པ།གནད་དོན་འདི་དག་ལ་ང་ཚོས་ཚད་མཐོ་བས་དོ་ཁུར་དང་ཧུར་ཐག་གིས་ཐབས་བཀོད་འཐེན་ཏེ།ནན་ནན་ཏིག་ཏིག་གིས་ཞིབ་འཇུག་ཐག་གཅོད་བྱེད་ངེས་ཡིན།

བཞི།2015ལོའི་ཁུལ་ཡོངས་ཀྱི་ནོར་སྲིད་སྔོན་རྩིས་ཀྱི་འཆར་ཟིན།

2015ལོའི་ཁུལ་ཡོངས་ཀྱི་ནོར་སྲིད་བྱ་བའི་བསམ་བློའི་མཛུབ་སྟོན་དང་སྤྱིའི་བླང་བྱ་འདི་ལྟ་སྟེ།ཁྱོན་ཡོངས་ནས་ཏང་གི་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་བཞི་བ།རྒྱལ་ཡོངས་དང་ཞིང་ཆེན་ཡོངས་ཀྱི་ནོར་སྲིད་བྱ་བའི་གྲོས་ཚོགས་ཀྱི་དགོངས་དོན་ལག་ལེན་མཐིལ་ཕྱིན་བྱས་ཏེ།བརྟན་བརླིང་ཁྲོད་ཡར་རྒྱས་བརྩོན་ལེན་བྱེད་པའི་བྱ་བའི་སྤྱིའི་འཕེལ་ཕྱོགས་རྒྱུན་འཁྱོངས་དང་།སྐྱེ་ཁམས་དཔལ་ཡོན་གྱི་འདུ་ཤེས་ཀྱིས་དཔལ་འབྱོར་སྤྱི་ཚོགས་འཕེལ་རྒྱས་ལ་སྤྱི་ཁྱབ་བཀོད་འདོམས་བྱེད་པར་རྒྱུན་སྐྱོང་བ།མུ་མཐུད་དུ་དཔལ་འབྱོར་འཕེལ་རྒྱས་ཀྱི་སྤུས་ཀ་དང་ཕན་ཁེ་མཐོར་འདེགས་སུ་གཏོང་རྒྱུ་དཀྱིལ་སྙིང་དུ་འཛིན་པ།རང་འགུལ་གྱིས་དཔལ་འབྱོར་འཕེལ་རྒྱས་ཀྱི་འཕོ་འགྱུར་གསར་བ་དང་གོམས་པ།མུ་མཐུད་དུ་ཕན་པ་ཡོད་པའི་ནོར་སྲིད་སྲིད་ཇུས་ལག་ལེན་དོན་འཁྱོལ་བྱེད་པ།ནོར་ཁྲལ་སྒྲིག་གཞི་བཅོས་བསྒྱུར་གཏིང་ཟབ་བྱེད་པ།བྱེད་ཐབས་བསྒྱུར་བཀོད་དང་སྒྲིག་གཞི་ལེགས་སྒྲིག་མགྱོགས་མྱུར་སྐུལ་འདེད་གཏོང་བ།ཉེན་ཁ་ཚོད་འགོག་བྱེད་པར་ཤུགས་སྣོན་བྱེད་པ།ཡོང་སྒོ་དང་མཛོད་ཉར་བྱས་ཡོད་པའི་ནོར་སྲིད་མ་དངུལ་ཡང་དག་གིས་བཀོལ་སྤྱོད་བྱེད་དགོས།ནོར་སྲིད་འགྲོ་སོང་སྒྲིག་གཞི་ལེགས་སྒྲིག་བྱེད་པ། ཁག་ཐེག་དང་ཚོད་འཛིན་མཉམ་སྐྱོད། མངའ་ཁོངས་གཙོ་བོར་ཁག་ཐེག་བྱེད་དགོས་ཤིང་ལྷག་པར་དུ་དམངས་འཚོའི་འགྲོ་སོང་སྐོར།ཁྲིམས་ལྟར་རྒྱུ་ནོར་བདག་དབང་བྱེད་པ། ནོར་སྲིད་དོ་དམ་ལ་ཤུགས་སྣོན་པ།མ་དངུལ་གྱི་བཀོལ་སྤྱོད་ཕན་ཁེ་ཇེ་མཐོར་གཏོང་བ།དཔལ་འབྱོར་རྒྱུན་མཐུད་གོང་འཕེལ་དང་སྤྱི་ཚོགས་འཆམ་མཐུན་བརྟན་འཇགས་ཡོང་བར་སྐུལ་སྤེལ་བྱ་རྒྱུ་དེའོ།།

གོང་གསལ་གྱི་མཛུབ་སྟོན་བསམ་བློ་དང་སྤྱིའི་བླང་བྱ་ལྟར་དང་ཁུལ་ཡོངས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་སྔོན་དཔག་དམིགས་འབེན་ལ་གཞིགས་ནས་བཀོད་སྒྲིག་བྱས་པའི་སྔོན་རྩིས་ཀྱི་དམིགས་ཚད་གཤམ་གསལ་ལྟར།

（གཅིག）སྤྱིར་བཏང་སྤྱི་སྤྱོད་སྔོན་རྩིས་འཆར་ཟིན།

1. 2015ལོའི་ཁུལ་ཡོངས་ཀྱི་སྤྱིར་བཏང་སྤྱི་སྤྱོད་སྔོན་རྩིས་འཆར་ཟིན།2015ལོའི་ས་གནས་ཀྱི་སྤྱི་སྤྱོད་ནོར་སྲིད་སྔོན་རྩིས་ཡོང་སྒོ་སྒོར་ཁྲི494100བཀོད་སྒྲིག་བྱས་ཡོད་ཅིང་།སྔོན་ལོ་དང་འདྲ་མཉམ་ཡིན་ལ། ཞིང་ཆེན་ནོར་སྲིད་ཀྱིས་སྔོན་བརྡ་བཏང་བའི་ཁ་གསབ་ཡོང་སྒོ་སྒོར་ཁྲི284335ཡིན་པ་དང་།སྔོན་ལོའི་ལྷག་དངུལ་སྒོར་ཁྲི3886ཡོད། ནོར་སྲིད་པུའུ་ཡི་2015ལོའི་སྔོན་རྩིས་སྒྲིག་གཞིའི་བླང་བྱ་ལྟར་ན་སྲིད་གཞུང་རང་བཞིན་གྱི་ཐེབས་རྩའི་ལྷག་དངུལ་སྒོར་ཁྲི1885ནང་འདྲེན་བྱེད་པ།གཏོང་ཡོང་དོ་མཉམ་དང་མ་རྩ་མི་རྡིབ་པའི་རྩ་དོན་ལྟར་ཁུལ་ཡོངས་ཀྱི་ས་གནས་སྤྱི་སྤྱོད་ནོར་སྲིད་སྔོན་རྩིས་འགྲོ་གྲོན་སྒོར་ཁྲི784206བཀོད་སྒྲིག་བྱས།

2.2015ལོའི་ཁུལ་རིམ་པ་དང་སྲིད་ཨུ་གསུམ་གྱི་སྤྱིར་བཏང་སྤྱི་སྤྱོད་སྔོན་རྩིས་འཆར་ཟིན།སྔོན་དཔག་བྱས་པ་ལྟར་ན་ཁུལ་རིམ་པའི་ད་ལོའི་སྤྱིའི་རྒྱུ་ཤུགས་སྒོར་ཁྲི209982ཡིན་ལ།དེའི་ནང་ས་གནས་ཀྱི་སྤྱི་སྤྱོད་ནོར་སྲིད་སྔོན་རྩིས་ཡོང་སྒོ་སྒོར་ཁྲི150300བཀོད་སྒྲིག་བྱས་ཡོད་ཅིང་།ཞིང་ཆེན་གྱིས་སྒོར་ཁྲི56024ཡི་ཁ་གསབ་རོགས་སྐྱོར་དང་།སྔོན་ལོའི་ལྷག་དངུལ་སྒོར་ཁྲི3206ཡོད། ནོར་སྲིད་པུའུ་ཡི2015ལོའི་སྔོན་རྩིས་སྒྲིག་གཞིའི་བླང་བྱ་ལྟར་ན་སྲིད་གཞུང་རང་བཞིན་གྱི་ཐེབས་རྩའི་ལྷག་དངུལ་སྒོར་ཁྲི452ནང་འདྲེན་བྱེད་དགོས།ཁུལ་རིམ་པའི་སྔོན་རྩིས་འགྲོ་གྲོན་སྒོར་ཁྲི209982བཀོད་སྒྲིག་བྱས་ཡོད།སྲིད་ཨུ་གསུམ་གྱི་ད་ལོའི་རྒྱུ་ཤུགས་སྒོར་ཁྲི93713ཡིན་ལ།དེའི་ནང་ས་གནས་སྤྱི་སྤྱོད་སྔོན་རྩིས་ཡོང་སྒོ་སྒོར་ཁྲི71600བཀོད་སྒྲིག་བྱས་ཡོང་ཅིང་།ཞིང་ཆེན་དང་ཁུལ་རིམ་པའི་ཁ་གསབ་རོགས་དངུལ་སྒོར་ཁྲི20746ཡོད།སྔོན་ལོའི་ལྷག་དངུལ་སྒོར་ཁྲི116ཡོད། ནོར་སྲིད་པུའུ་ཡི2015ལོའི་སྔོན་རྩིས་སྒྲིག་གཞིའི་བླང་བྱ་ལྟར་ན་སྲིད་གཞུང་རང་བཞིན་གྱི་ཐེབས་རྩའི་ལྷག་དངུལ་སྒོར་ཁྲི1251ནང་འདྲེན་བྱེད་དགོས།སྲིད་ཨུ་གསུམ་གྱི་སྔོན་རྩིས་འགྲོ་གྲོན་སྒོར་ཁྲི93713བཀོད་སྒྲིག་བྱས།

3. 2015ལོའི་གྲོང་ཁྱེར་དང་རྫོང་རིམ་པའི་སྤྱིར་བཏང་སྔོན་རྩིས་ཀྱི་འཆར་ཟིན་གྲོས་གཞི།སྔོན་དཔག་བྱས་པ་ལྟར་ན་གྲོང་ཁྱེར་དང་རྫོང་རིམ་པའི་ད་ལོའི་སྤྱིའི་རྒྱུ་ཤུགས་སྒོར་ཁྲི574224ཡིན།དེའི་ནང་ས་གནས་ཀྱི་སྤྱི་སྤྱོད་ནོར་སྲིད་སྔོན་རྩིས་ཡོང་སྒོ་སྒོར་ཁྲི343800བཀོད་སྒྲིག་བྱས་ཡོད་ཅིང་།ཞིང་ཆེན་གྱིས་སྒོར་ཁྲི228311ཡི་ཁ་གསབ་རོགས་སྐྱོར་དང་།སྔོན་ལོའི་ལྷག་དངུལ་སྒོར་ཁྲི680ཡོད། ནོར་སྲིད་པུའུ་ཡི2015ལོའི་སྔོན་རྩིས་སྒྲིག་གཞིའི་བླང་བྱ་ལྟར་ན་སྲིད་གཞུང་རང་བཞིན་གྱི་ཐེབས་རྩའི་ལྷག་དངུལ་སྒོར་ཁྲི1433ནང་འདྲེན་བྱེད་དགོས།གྲོས་བཏོན་འགྲོ་གྲོན་སྒོར་ཁྲི574224བཀོད་སྒྲིག་བྱས་ཡོད།གྲོང་ཁྱེར་དང་རྫོང་རིམ་པའི་སྔོན་རྩིས་ནི་རིམ་པ་འདྲ་མཉམ་གྱི་དམངས་འཐུས་ཚོགས་ཆེན་གྱིས་ཆོག་མཆན་ཐོབ་རྗེས་ལག་བསྟར་བྱ་དགོས།

（གཉིས།）2015ལོའི་སྲིད་གཞུང་རིང་བཞིན་གྱི་ཐེབས་རྩའི་སྔོན་རྩིས་འཆར་ཟིན།“ཡོང་སྒོར་གཞིགས་ནས་འགྲོ་གྲོན་གཏན་འབེབ་བྱེད་པའི”རྩ་དོན་ལྟར།སྔོན་དཔག་བྱས་པ་ལྟར་ན་ཁུལ་ཡོངས་ཀྱི་ཐེབས་རྩའི་ཡོང་སྒོ་སྒོར་ཁྲི7647ཡོད་ལ།སྔོན་ལོའི་ལྷག་དངུལ་སྒོར་ཁྲི3005བསྣན་རྗེས་སུ་ད་ལོར་འགྲོ་གྲོན་སྒོར་ཁྲི28779བཀོད་སྒྲིག་བྱེད་རྒྱུ་ཡིན་པ་དང་།ནོར་སྲིད་པུའུ་ཡི་2015ལོའི་སྔོན་རྩིས་སྒྲིག་གཞིའི་བླང་བྱ་ལྟར་སྲིད་གཞུང་རང་བཞིན་གྱི་ཐེབས་རྩའི་ལྷག་དངུལ་ལས་སྒོར་ཁྲི1873ཕྱིར་གཏོང་རྒྱུ་རེད།དེའི་ནང་ཁུལ་རིམ་པའི་ཐེབས་རྩ་ལ་ཡོང་སྒོ་མེད་ཅིང་། སྔོན་ལོའི་ལྷག་དངུལ་སྒོར་ཁྲི1495བསྣན་རྗེས་ཐེབས་རྩའི་འགྲོ་གྲོན་སྒོར1043བཀོད་སྒྲིག་བྱེད་རྒྱུ་དང་ནོར་སྲིད་པུའུ་ཡི2015ལོའི་སྔོན་རྩིས་སྒྲིག་གཞིའི་བླང་བྱ་ལྟར་སྲིད་གཞུང་རང་བཞིན་གྱི་ཐེབས་རྩའི་ལྷག་དངུལ་ལས་སྒོར་ཁྲི452ཕྱིར་གཏོང་རྒྱུ་རེད།རྒྱུ་རྐྱེན་གཅིག་ནི་ནོར་སྲིད་པུའུ་ཡིས2015ལོར་སྲིད་གཞུང་རང་བཞིན་གྱི་ཐེབས་རྩའི་རྣམ་གྲངས11གི་ཡོང་སྒོ་སྤྱིར་བཏང་སྔོན་རྩིས་ཡོང་སྒོའི་ནང་འཇོག་དགོས་པའི་བླང་བྱ་བཏོན་པ་དང་།རྒྱུ་རྐྱེན་གཞན་ཞིག་ནི་ཞིང་ཆེན་ནོར་སྲིད་ཐིན་དང་ཞིང་ཆེན་འཕེལ་རྒྱས་བཅོས་བསྒྱུར་ཨུ་ཡོན་ལྷན་ཁང་གིས་བཏོན་པའི་བླང་བྱ་ལྟར་ན་ཐེབས་རྩ་གཉིས་སྡུད་ལེན་བྱེད་པར་མཚམས་འཇོག་པ་དང་ཕྱི་སྣུར་བྱས།

（གསུམ།）2015ལོའི་རྒྱལ་དབང་མ་རྩ་བདག་གཉེར་གྱི་སྔོན་རྩིས་འཆར་ཟིན།སྔོན་དཔག་བྱས་པ་ལྟར་ན2015ལོར་ཁུལ་ཡོངས་ཀྱི་རྒྱལ་དབང་མ་རྩ་བདག་གཉེར་གྱི་སྔོན་རྩིས་ཡོང་སྒོ་སྒོར་ཁྲི366དང་འགྲོ་གྲོན་སྒོར་ཁྲི366ཡིན།

（བཞི།）2015ལོར་སྤྱི་ཚོགས་ཉེན་འགོག་ཐེབས་རྩའི་སྔོན་རྩིས་འཆར་ཟིན།རང་ཁུལ་གྱིས་གཅིག་གྱུར་འཆར་འགོད་དོ་དམ་བྱེད་པའི་སྤྱི་ཚོགས་ཉེན་འགོག་ཐེབས་རྩའི་ལས་གཞི་ནི་ཞང་གྲོང་སྡོད་དམངས་ཀྱི་མ་མཐའི་རྒན་གསོ་ཉེན་འགོག་ཐེབས་རྩ་དང་མཁར་གྲོང་ལས་བཟོ་བའི་མ་མཐའི་སྨན་བཅོས་ཉེན་འགོག་ཐེབས་རྩ།ལས་རྨས་ཉེན་འགོག་ཐེབས་རྩ། བུ་བཙའ་ཉེན་འགོག་ཐེབས་རྩ་བཅས་ཡིན། སྔོན་དཔག་བྱས་པ་ལྟར་ན2015ལོར་རང་ཁུལ་གྱི་སྤྱི་ཚོགས་ཉེན་འགོག་ཐེབས་རྩ་སོ་སོའི་སྔོན་རྩིས་ཡོང་སྒོ་ནི་སྒོར་ཁྲི129461ཡིན་པ་དང་སྔོན་ལོའི་ལྷག་དངུལ་སྒོར་ཁྲི95534ཡོད།སྤྱི་ཚོགས་ཉེན་འགོག་ཐེབས་རྩའི་འགྲོ་གྲོན་སྒོར་ཁྲི118552ཡིན།

ལྔ། 2015ལོའི་བྱ་བའི་བཀོད་སྒྲིག

ད་ལོར་ཁུལ་ཨུ་དང་ཞིང་ཆེན་ནོར་སྲིད་ཐིན་གྱིས་བཏོན་པའི་ནོར་སྲིད་སྡེ་ཁག་གིས་རང་འགུལ་སྒོས་དཔལ་འབྱོར་འཕེལ་རྒྱས་ཀྱི་འཕོ་འགྱུར་གསར་བ་དང་གོམས་དགོས་ཅེས་པའི་བླང་བྱ་ལྟར་དང་།རང་ཁུལ་གྱི་དཔལ་འབྱོར་ཉམས་རྒུད་དུ་འགྲོ་བཞིན་པའི་གནོན་ཤུགས་ཇེ་ཆེར་འགྲོ་བཞིན་པ་དང་བསྟུན་ནས།དཔལ་འབྱོར་གནས་ཚུལ་དུས་ཡུན་ཐུང་ངུའི་ནང་འཕར་སྣོན་བྱུང་བར་དཀའ་ཁག་ཆེ་བའི་གནས་བབ་འོགས་གནས་ཀྱི་ཡོང་སྒོ་སྔོན་ལོ་དང་འདྲ་མཉམ་ཡོང་དགོས་པའི་དམིགས་འབེན་འགྲུབ་པར་ཁག་ཐེག་བྱེད་པར་ཁུལ་ཡོངས་ཀྱི་ས་གནས་སོ་སོ་དང་ལས་ཁུངས་སོ་སོས་དཀའ་སྤྱད་འབད་བརྩོན་བྱེད་དགོས།དེའི་ཕྱིར་ང་ཚོས་གཤམ་གྱི་ཕྱོགས་འགའ་ཡི་བྱ་བ་གཙོ་གནད་དུ་འཛིན་དགོས་པ་སྟེ།

（གཅིག）ནུས་ཤུགས་ཡོད་རྒུས་ནོར་སྲིད་ཡོང་ཁུངས་གསོ་སྐྱོང་བྱས་ཏེ་ཁྲལ་ཁུངས་གཏན་འཇགས་ཡོང་བར་ཁག་ཐེག་བྱ་དགོས།2015ལོར་ནོར་སྲིད་དཔལ་འབྱོར་གྱི་འཁོར་སྐྱོད་ལ་གཏན་འཁེལ་བྱེད་མི་ཐུབ་རྒྱུ་རྐྱེན་ཇེ་མང་དུ་སོང་ཡོད་ལ།རྡོ་སྣུམ་དང་རྡོ་སོལ། བུལ་རྐྱང་། ཇ་ལུད་སོགས་ཐོན་རྫས་ཀྱི་རིན་གོང་དམའ་ས་ན་ཡོད་ཅིང་།ཐོན་རྫས་ཕྱིར་བཙོང་དཀའ་བ།ཁེ་ལས་ཀྱི་ཁེ་སྤོགས་མར་ཆག་པ།ནོར་ཁྲལ་སྒྲིག་གཞི་ལམ་ལུགས་བཅོས་བསྒྱུར་ལའང་གཏན་འཁེལ་བྱེད་མི་ཐུབ་པའི་རྒྱུ་རྐྱེན་གང་མང་ཡོད་སྟབས།ད་ལོ་ནི་ཉེ་བའི་ལོ་འདི་འགའི་རིང་ནོར་སྲིད་གནས་བབ་ཆེས་ནན་མོ་ཡི་ལོ་ཞིག་ཡིན་པས།ལོ་གསར་བའི་ནང་ང་ཚོས་རང་འགུལ་གྱིས་སྔར་ལས་ལྷག་པའི་བྱ་བ་ཏན་ཏིག་བསྒྲུབ་པ་དང་།ས་གནས་སོ་སོས་ཀྱང་སྔར་བས་ཡོང་སྒོ་རྩ་འཛུགས་བྱ་བར་ཤུགས་སྣོན་དང་།ཡོང་སྒོའི་སྔོན་དཔག་དང་སྔོན་རྩིས་ལག་བསྟར་དབྱེ་ཞིབ་ཇེ་དྲག་ཏུ་བཏང་ནས།སྡུད་ལེན་དོ་དམ་ཤུགས་ཚད་ཆེར་བསྐྱེད་པ་དང་བསྡུ་ལེན་བྱེད་འོས་པ་གང་ཐུབ་ཀྱིས་སྡུད་རབ་བྱེད་དགོས།དུས་མཚུངས་སུ་ཞབས་ཞུ་ལ་ཤུགས་སྣོན་བྱེད་པ་དང་དཔྱ་ཁྲལ་ཉུང་སྡུད་ཀྱི་སྲིད་ཇུས་མངོན་འགྱུར་བྱེད་པ་བརྒྱུད་ནས་ཁེ་ལས་ཀྱི་གསོན་ཤུགས་རྒྱས་སུ་འཇུག་པ་དང་།ཁེ་ལས་ཀྱི་གསར་སྐྲུན་ལ་རྒྱབ་སྐྱོར་བྱེད་པ།ནན་ཏན་གྱིས་རྒྱལ་ཁབ་ཀྱི་ནོར་སྲིད་སྲིད་ཇུས་ལེགས་སྒྲིག་དང་དཔྱ་ཁྲལ་ལམ་ལུགས་བཅོས་བསྒྱུར་གྱི་གནས་ཚུལ་ལ་ཞིབ་འཇུག་བྱེད་པ།གོང་རིམ་གྱི་ནོར་སྲིད་སྲིད་ཇུས་དང་ཁྲལ་འབབ་སྲིད་ཇུས།མ་དངུལ་རྒྱབ་སྐྱོར་གྱི་རྣམ་གྲངས་སོ་སོ་སྔར་ལས་ལྷག་པའི་སྒོ་ནས་བརྩོན་ལེན་བྱེད་དགོས་པ་མ་ཟད།ནུས་ཤུགས་ཡོད་རྒུས་ནོར་སྲིད་ཐོན་ཁུངས་གསོ་སྐྱོང་བྱས་ཏེ་ནོར་སྲིད་ཡོང་སྒོ་གཏན་འཇགས་འཕར་སྣོན་བྱུང་བར་སྐུལ་སྤེལ་བྱ་དགོས།འོན་ཀྱང་ཉམས་འཇོག་དགོས་པ་ཞིག་ནི་དཔལ་འབྱོར་འཕེལ་རིམ་དལ་ཞིང་ཡོང་སྒོ་ཇེ་དམའ་རུ་འགྲོ་བའི་སྐབས་སུ་གང་འདོད་ཀྱིས་ཁྲལ་དངུལ་སོགས་བླངས་ནས་ཁེ་ལས་ཀྱི་འགན་ཁུར་ཇེ་ཆེ་རུ་གཏོང་མི་ཆོག

（གཉིས）གཏོང་སྤྲོད་སྒྲིག་གཞི་ལེགས་བསྒྱུར་བྱས་ཏེ་སྤྱི་བའི་ནོར་སྲིད་འགན་སྲུང་ནུས་པ་ཇེ་དྲག་ཏུ་གཏོང་བ།མུ་མཐུད་དུ་སྔར་ལས་ལྷག་པའི་དཀའ་སྤྱད་འབད་བརྩོན་གྱི་བསམ་བློ་སྲ་བརྟན་དུ་བཞེངས་བསྐྲུན་བྱས་ཏེ་གྲོན་ཆུང་ལག་ལེན་ནན་ཏན་བྱེད་པ་དར་སྤེལ་བྱས་ནས་བྱ་གཞག་ཐམས་ཅད་ཧུར་བརྩོན་གྲོན་ཆུང་གིས་བསྒྲུབ་དགོས།དམངས་འཚོའི་འཛུགས་སྐྲུན་དང་དམངས་འཚོ་ཇེ་ལེགས་སུ་གཏོང་བ་གཙོ་གནད་དུ་བཞག་སྟེ་རྨང་གཞིའི་སྒྲིག་ཆས་འཛུགས་སྐྲུན་ལ་ཤུགས་སྣོན་བྱས་ཏེ་མ་དངུལ་དཔལ་འབྱོར་འཕེལ་རྒྱས་དང་དམངས་འཚོ་འགན་སྲུང་།སྤྱི་ཚོགས་བྱ་གཞག་གཙོ་བོར་བཟུང་སྟེ་བཀོལ་སྤྱོད་བྱེད་དགོས། གཅིག་ནས་ངེས་མཁོ་དངོས་རྫས་ཀྱི་གཏོང་སྤྲོད་ལ་ཁག་ཐེག་བྱེད་དགོས།གཉིས་ནས་ཞིང་ལས་ལ་མ་དངུལ་གཏོང་བ་ཇེ་ཆེར་གཏོང་དགོས། ཞིང་ཕྱུགས་ལས་ལ་མ་དངུལ་གཏོང་བ་བརྟན་འཕར་བྱེད་པའི་ནང་རྐྱེན་འཐུས་ཚང་དུ་བཏང་སྟེ་གཅིག་སྡུད་ཀྱིས་རྣམས་གྲངས་སོ་སོའི་ཞིང་བར་རོགས་སྐྱོར་བྱེད་པའི་མ་དངུལ་བུབ་སྒྲིག་བྱས་ནས་ཞིང་བའི་དམིགས་བསལ་སྲིད་ཇུས་དང་ཞིང་བ་ཕྱུག་འགྱུར་གྱི་རོགས་སྐྱོར་སྲིད་ཇུས་དོན་འཁྱོལ་བྱས་ཏེ་ཞིང་ལས་ལ་རོགས་སྐྱོར་བྱེད་པའི་མ་དངུལ་གཏོང་བའི་བྱེད་ཐབས་དབྱིབས་བསྒྱུར་བྱེད་པ་འཚོལ་སྙེག་བྱས་ཏེ་ཞིང་སྡེ་དང་འབྲོག་ཁུལ་གྱི་ཕྱོགས་བསྡུས་བཅོས་སྐྱོང་ཟབ་སྤེལ་བྱེད་དགོས་པ་དང་ཞིང་ལས་དང་ཕྱུགས་ལས་ཀྱི་ཕྱོགས་བསྡུས་ཐོན་སྐྱེད་ནུས་པ་རིམ་འཕར་བྱེད་པར་རོགས་རམ་བྱེད་དགོས།གསུམ་ནས་མུ་མཐུད་དུ་དམངས་འཚོའི་འགན་སྲུང་ཤུགས་ཚད་ཇེ་ཆེར་གཏོང་དགོས། ཧུར་བརྩོན་གྱིས་གཏོང་སྒོའི་སྒྲིག་གཞི་དག་སྒྲིག་བྱས་ཏེ་ཁུལ་སྲིད་གཞུང་གིས་བཏོན་པའི་དམངས་འཚོ་ལེགས་བཅོས་བྱེད་པའི་བཟོ་སྐྲུན་བཅུ་དཀྱིལ་སྙིང་དུ་བཟུང་སྟེ་མ་དངུལ་གྱི་གཏོང་ཚད་ཇེ་ཆེར་གཏོང་དགོས།ལས་ཞུགས་དང་ལས་བསྐྲུན་རྒྱ་བསྐྱེད་ལ་རོགས་སྐྱོར་བྱས་ཏེ་མཁར་ནང་སྡོད་དམངས་ཀྱི་ཡོང་སྒོ་རྒྱུད་མཐུད་ཀྱིས་འཕར་སྣོན་བྱུང་བ་སྐུལ་འདེད་བྱས་ཏེ་ནུས་ཤུགས་ཡོད་རྒུས་སློབ་གསོའི་བྱ་གཞག་འཕེལ་རྒྱས་ལ་རོགས་སྐྱོར་བྱས་ནས་སྔར་ལས་ལྷག་པའི་སྒོ་ནས་ཞིང་སྡེའི་འོས་འགན་སློབ་གསོ་དང་དམིགས་བསལ་སློབ་གསོའི་གྲོན་དངུལ་འགན་སྲུང་ནང་རྐྱེན་འཐུས་ཚང་དུ་གཏོང་དགོས།རྒན་གསོའི་ཉེན་སྲུང་ལམ་ལུགས་བཅོས་སྒྱུར་སྐུལ་སྤེལ་བྱས་ཏེ་ནན་ཏན་གྱིས་དོན་ལས་ལས་ཁུངས་ཀྱི་རྒན་གསོའི་ཉེན་སྲུང་ལམ་ལུགས་བཅོས་བསྒྱུར་བྱེད་པའི་བྱ་བ་ལེགས་པོར་བསྒྲུབ་སྟེ་འཕྲོད་བསྟེན་སྨན་བཅོས་ལམ་ལུགས་བཅོས་བསྒྱུར་ཟབ་སྤེལ་ལ་རོགས་སྐྱོར་བྱས་ཏེ་གསར་དར་གྱི་ཞིང་ལས་མཉམ་ལས་དང་མཁར་གྲོང་སྡོད་དམངས་ཀྱི་སྨན་བཅོས་འགན་སྲུང་གི་ནོར་སྲིད་ཁ་གསབ་རོགས་སྐྱོར་དམིགས་ཚད་མཐོར་འདེགས་བྱས་ནས་སྨན་བཅོས་འགན་སྲུང་གྱི་འབྲེལ་བ་གནས་སྤོ་དང་ས་གནས་གཞན་ནས་སྨན་བཅོས་བྱེད་པའི་སྡོམ་རྩིས་བྱེད་པར་རོགས་སྐྱོར་དང་སྐུལ་འདེད་བྱེད་དགོས།རིག་གནས་བཅོས་བསྒྱུར་འཕེལ་རྒྱས་དང་གནས་སྐོར་ལས་རིགས་འཕེལ་རྒྱས་སྐུལ་སློང་བྱས་ཏེ་དངོས་གོང་གཏན་འཇགས་དང་།ནན་ཏན་གྱིས་སྣུམ་རླངས་རིན་གོང་བཅོས་བསྒྱུར་བྱས་རྗེས་ཀྱི་ཉམ་ཆུང་ཚོགས་པ་སྐོར་ཞིག་དང་སྤྱི་ཕན་རང་བཞིན་ལས་རིགས་ཀྱི་ནོར་སྲིད་ཁ་གསབ་རོགས་སྐྱོར་བྱ་བ་ལེགས་པོར་བསྒྲུབ་དགོས།དུས་མཚུངས་སུ་ལོ་དེའི་གདལ་རྒྱ་ཆེ་བའི་ཉུང་འཕྲི་བྱས་པའི་ཆེད་དངུལ་སོ་སོའི་གཏོང་སྤྲོད་དང་ད་ལོའི་ལོ་ཡོངས་ཀྱི་ནོར་སྲིད་ཡོང་སྒོའི་གནས་ཚུལ་ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་ལ་ཡར་ཞུ་བྱས་ཏེ་ཞིབ་བཤེར་ཆོག་མཆན་བཀོལ་རྗེས་དག་སྒྲིག་གང་ཐུབ་བྱེད་པ་དང་གཏོང་སྤྲོད་ཇེ་ཆེར་གཏོང་དགོས།

（གསུམ）སྒྲིག་གཞི་བཅོས་བསྒྱུར་ཟབ་སྤེལ་བྱས་ཏེ་ནོར་སྲིད་བདག་དོམ་ཚད་ལྡན་དུ་གཏོང་དགོས། སྤྱི་ལོ2015ལོ་ནི“སྔོན་རྩིས་བཅའ་ཁྲིམས”དང་རྒྱལ་སྲིད་སྤྱི་ཁྱབ་ཁང་གིས་སྔོན་རྩིས་བདག་དོམ་ལམ་ལུགས་བཅོས་བསྒྱུར་བྱེད་པ་ལག་ལེན་དོན་འཁྱོལ་བྱེད་པའི་གནད་འགག་གི་ལོ་ཞིག་ཡིན་ལ།སྔོན་རྩིས་བདག་དོམ་དང་ནོར་སྲིད། ཁྲལ་བསྡུ་བཅོས་བསྒྱུར་གྱི་ཕྱོགས་ནས་གཤམ་གྱི་བྱ་བ་གཙོ་བོར་བཟུང་ནས་ལེགས་པོར་བསྒྲུབ་དགོས།གཅིག་ནས་སྤྱིར་བཏང་གི་སྤྱི་བའི་སྔོན་རྩིས་དང་། སྲིད་གཞུང་རང་བཞིན་གྱི་ཐེབས་རྩའི་སྔོན་རྩིས།རྒྱལ་དབང་མ་རྩ་ཚོང་གཉེར་སྔོན་རྩིས། སྤྱི་ཚོགས་ཉེན་སྲུང་ཐེབས་རྩའི་སྔོན་རྩིས་ཀྱི་གཏོང་སྤྲོད་ཁྱབ་ཁོངས་མངོན་གསལ་དུ་བཏང་སྟེ་གནས་ཐིག་གཏན་ཁེལ་གཙང་མ་སྒྲིག་འཛུགས་དང་།དབྱེ་བགར་མངོན་གསལ་ཡིན་པའི་སྲིད་གཞུང་གི་སྔོན་རྩིས་མ་ལག སྲིད་གཞུང་གི་ཡོང་སྒོ་དང་གཏོང་སྤྲོད་ཚང་མ་སྔོན་རྩིས་ཀྱི་ནང་དུ་འཇོག་དགོས།གཉིས་ནས་མ་འོངས་པའི་ལོ་གསུམ་གྱི་ནོར་སྲིད་གཏོང་སྤྲོད་ཀྱི་གནས་ཚུལ་ལ་དབྱེ་ཞིབ་དང་སྔོན་དཔག་བྱས་ཏེ་ས་གནས་སོ་སོའི་སྤྱི་ལོ2015ལོ་ནས་བཟུང་ལོ་གསུམ་གྱི་ནོར་སྲིད་འཆར་འགོད་བྱེད་པར་བཀོད་སྒྲིག་བྱེད་དགོས།གསུམ་ནས་སྔར་ལས་ལྷག་པའི་སྒོ་ནས་རྨང་གཞིའི་མ་དངུལ་གཏོང་བའི་ཚད་ལྡན་མ་ལག་འཐུས་ཚང་དང་མི་སྣར་གཞིགས་ནས་མ་དངུལ་ཐག་གཅོད་བྱེད་པ།གཞུང་སྤྱོད་མ་དངུལ་ཚད་ལྡན་ཅན་དུ་གཏོང་བ། ལས་གཞིའི་མ་དངུལ་གཏོང་ཚད་ཚད་ལྡན་མ་ལག་ཅན་དུ་འཛུགས་སྐྲུན་བྱེད་པ།ཚད་ལྡན་དངུལ་གཏོང་གིས་སྔོན་རྩིས་གཏན་འབེབ་དང་དོ་དམ་ཁྲོད་རྨང་གཞིའི་ནུས་པ་ཐོན་དགོས།བཞི་ནས་མུ་མཐུད་དུ(ལས་གཉེར་བཅོས་སྒྱུར་ཡོང་སྒོ་འཕར་སྣོན)བྱ་བ་ལེགས་པོར་སྒྲུབ་དགོས་པ་དང་མངའ་ཁོངས་རྒྱ་བསྐྱེད་དགོས།ལྔ་ནས་ཕྱོགས་ཡོངས་ནས་སྔོན་རྩིས་གྲུབ་འབྲས་དོ་དམ་བྱ་བ་སྐུལ་འདེད་དང་མ་དངུལ་ཕྱིར་གཏོང་འགན་འཁྲི་དང་ཕན་ནུས་འདུ་ཤེས་ཇེ་དྲག་ཏུ་གཏོང་བ།རིམ་བཞིན་དུ་གྲུབ་འབྲས་དོ་དམ་མངའ་ཁོངས་ཀྱིས་རིམ་པ་སོ་སོའི་སྔོན་རྩིས་ལས་ཁུངས་དང་ནོར་སྲིད་དངུལ་རྩ་ཡོད་ཚད་ཁེབས་པར་བྱས་ཏེ་གྲུབ་འབྲས་དཔྱད་འཇོག་བྱ་རྒྱུ་ནི་ལས་གཞིའི་མ་དངུལ་ཕྱིར་གཏོང་བ་རྒྱ་བསྐྱེད་དེ་སྡེ་ཁག་ཡོངས་ཀྱི་སྲིད་ཇུས་དང་ལམ་ལུགས།དོ་དམ་སོགས་ཀྱི་ཕྱོགས་ལ་ཁ་གཏད་དགོས།དྲུག་ནས་ནན་ཏན་གྱིས་སྲིད་གཞུང་མངགས་ཉོ་ཞབས་ཞུ་ལ་སྐུལ་འདེད་བྱེད་དགོས།མ་དངུལ་བཏང་སྟེ་ཞབས་ཞུ་ཉོ་བའི་འདུ་ཤེས་ཆགས་སུ་འཇུག་པ་དང་ཁ་གཏད་རང་བཞིན་ཅན་གྱི་སྲིད་གཞུང་གི་མངགས་ཉོ་ཞབས་ཞུ་བཅོས་སྒྱུར་ལ་སྐུལ་འདེད།སྲིད་གཞུང་གི་འགན་ནུས་བཅོས་བསྒྱུར་ཇེ་མགྱོགས་སུ་གཏོང་བ།pppདཔེ་དབྱིབས་བཀོལ་སྤྱོད་འཚོལ་སྙེགས་བྱེད་པ་དང་སྔར་ལས་ལྷག་པར་དམངས་ཁྲོད་ཀྱི་མ་དངུལ་གཏོང་བའི་མི་མངོན་པའི་ནུས་ཤུགས་གློད་འགྲོལབྱེད་པ་དང་ནོར་སྲིད་གཏོང་ལེན་འགལ་བ་འདུམ་འགྲིག་བྱེད་དགོས།བདུན་ནས་མུ་མཐུད་དུ་བྱེད་ཐབས་ཡང་དག་བཀོལ་ནས་གསོག་ཉར་བྱས་ཡོད་པའི་མ་དངུལ་འོས་མཐུན་བཀོལ་བ།ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གིས་བྱེད་ཐབས་ཡང་དག་བཀོལ་ནས་གསོག་ཉར་བྱས་ཡོད་པའི་མ་དངུལ་འོས་མཐུན་བཀོལ་བ་དང་དག་སྒྲིག་ཆེད་དོན་ལ་བཏོན་པའི་བླང་བྱ་བཅུ་ཐམ་པ་ལག་བསྟར་བྱེད་དགོས།མུ་མཐུད་དུ་ཆེད་དོན་མ་དངུལ་གཅིག་བསྡུས་དག་སྒྲིག་ནུས་ཚད་ལ་ཤུགས་རྒྱག་དགོས།བསྡོམས་རྩིས་རྗེས་ཀྱི་ལྷག་དངུལ་དུས་ལྟར་གཙང་བཤེར་བྱེད་པའི་ནང་རྐྱེན་སྒྲིག་འཛུགས་བྱེད་དགོས།སྔོན་རྩིས་ལག་བསྟར་བྱས་ཚད་བརྒྱུད་སྒྲོག་བྱེད་པའི་ལམ་ལུགས་དང་ལྟ་རྟོག་ཞིབ་བཤེར་ལམ་ལུགས་ལག་བསྟར་བྱེད་པ་དང་ཕན་ནུས་ལྡན་པའི་སྒོ་ནས་བསྡོམས་རྩིས་རྗེས་ཀྱི་ལྷག་དངུལ་འཕར་བར་ཚོད་འཛིན་བྱས་ཏེ་ཧུར་བརྩོན་གྱིས་ནོར་སྲིད་སྲིད་ཇུས་ཀྱི་ཕན་ནུས་སྔར་ལས་ལྷག་པར་འདོན་དགོས།

（བཞི） ཚན་རིག་གི་དོ་དམ་རྒྱུན་འཁྱོངས་བྱས་ཏེ། ཁྲིམས་ལྟར་དངུལ་དོན་དོ་དམ་གྱི་ཆུ་ཚད་ཇེ་མཐོར་གཏོང་དགོས། རིམ་པ་སོ་སོའི་དམངས་ཆེན་གྱི་ཆོག་མཆན་གནང་བའི་ནོར་སྲིད་སྔོན་རྩིས་ནན་ཏན་གྱིས་ལག་བསྟར་བྱས་ནས།སྲིད་གཞུང་རང་བཞིན་གྱི་ཐོག་ཁང་དང་། ནོར་སྲིད་ཀྱིས་སྲི་ཞུ་བྱེད་པའི་མི་སྣ།  “གཞུང་གསུམ”གྱི་གྲོན་དངུལ་སོགས་སྤྱིར་བཏང་རང་བཞིན་གྱི་འགྲོ་སོང་གཟབ་ནན་སྒོས་ཚོད་འཛིན་བྱེད་དགོས། གཅིག་ནི་ནོར་སྲིད་ཁྲིམས་སྐྱོང་འཛུགས་སྐྲུན་ལ་ཤུགས་སྣོན་བྱེད་དགོས ནན་ཏན་གྱིས“སྔོན་རྩིས་བཅའ་ཁྲིམས།”སོགས་ཁྲིམས་ལུགས་ཁྲིམས་སྲོལ་ལག་བསྟར་བྱས་ཏེ།“སྲིད་གཞུང་གི་ཉོ་བསྡུ་བཅའ་ཁྲིམས་ལག་བསྟར་སྲོལ་ཡིག”ལག་ལེན་དོན་འཁྱོལ་དང་།ནོར་སྲིད་དང་སྲིད་འཛིན་གྱི་ཆོག་མཆན་ཁས་ལེན་བྱ་བ་གཙང་སེལ་བྱས་ཏེ་སྲིད་དོན་སྤྱི་བསྒྲགས་བྱེད་པའི་ནུས་ཤུགས་ཆེ་རུ་གཏོང་དགོས་ཤིང་། རིགས་སོ་སོའི་ནོར་སྲིད་ཁྲིམས་འགལ་བྱ་སྤྱོད་ལ་ཐག་གཅོད་ནན་མོ་བྱེད་དགོས།  གཉིས་ནི་ས་གནས་སྲིད་གཞུང་གི་དངུལ་བུན་དོ་དམ་ལ་ཤུགས་སྣོན་བྱེད་དགོས།དངུལ་བུན་གཏོང་ལེན་བྱ་བར་གཟབ་ནན་བྱས་ཏེ། ཚད་ལྡན་ངང་བཀོལ་སྤྱོད་དང་དོ་དམ་བྱེད་པ། འཇལ་སྤྲོད་ཀྱི་ནང་རྐྱེན་འཐུས་ཚང་དང་། ངེས་པ་དོན་གྱིས་དངུལ་བུན་གྱི་ཉེན་ཁ་སྔོན་འགོག་དང་མེད་པར་བཟོ་དགོས།  གསུམ་ནི་སྔོན་རྩིས་དང་ངེས་རྩིས་སྤྱི་བསྒྲགས་ལ་ཧུར་བརྩོན་སྒོས་སྐུལ་འདེད་བྱས་ཏེ།སྔོན་རྩིས་དང་ངེས་རྩིས་སྤྱི་བསྒྲགས་བྱེད་པའི་ནང་དོན་ཞིབ་ཚགས་སུ་གཏོང་བ་དང་།  སྡེ་ཁག་གི་སྤྱི་བསྒྲགས་བྱེད་པའི་སྔོན་རྩིས་དང་ངེས་རྩིས་ཀྱི་ཁྱབ་ཁོངས་རྒྱ་བསྐྱེད་དགོས།བཞི་ནི་སྔོན་རྩིས་ཀྱི་ལས་ཆོད་དོ་དམ་ཏན་ཏིག་གིས་སྐུལ་འདེད་བྱེད་དགོས།  ལས་ཆོད་དོ་དམ་དེ་སྔོན་རྩིས་སྒྲིག་གཞི་དང་བགོ་བཤའ།ལག་བསྟར་དང་ལྟ་རྟོག་སོགས་ཀྱི་སྔོན་རྩིས་དོ་དམ་གྱི་གོ་རིམ་ཡོངས་སུ་ཁྱབ་པར་བྱེད་དགོས། ལྔ་ནི་སྔོན་རྩིས་ལས་ཁུངས་ཀྱི་མ་དངུལ་དོ་དམ་ལ་ཤུགས་སྣོན་བྱས་ཏེ། ངེས་པ་དོན་གྱིས་འགྲོ་སོང་གི་འཕེལ་རིམ་ཇེ་མགྱོགས་སུ་གཏོང་བ་དང་། འགྲོ་སོང་གི་མྱུར་མཁོ་རང་བཞིན་དང་དོ་མཉམ་རང་བཞིན།ཕན་འབྲས་རང་བཞིན་ཇེ་མཐོར་བཏང་ནས། སྔོན་རྩིས་ལག་བསྟར་དབྱེ་ཞིབ་ཇེ་དྲག་ཏུ་བཏང་སྟེ། འགྲོ་སོང་ལག་བསྟར་ཚད་མུ་མཐུད་དུ་བརྒྱ་ཆའི98ཡན་ནས་རྒྱུན་འཁྱོངས་ཐུབ་པ་བྱེད་དགོས།

（ལྔ།） ནོར་སྲིད་ལྟ་སྐུལ་དོ་དམ་ཇེ་དྲག་ཏུ་བཏང་ནས་མ་དངུལ་བཀོལ་སྤྱོད་བྱེད་པའི་ཕན་འབྲས་ཇེ་མཐོར་གཏོང་དགོས། སྔོན་རྩིས་དོ་དམ་དང་སྤོ་བསྒྱུར་གཏོང་སྤྲོད་ལམ་ལུགས་བཅོས་བསྒྱུར་ལ་སྐུལ་འདེད་བྱེད་པ་ཟུང་འབྲེལ་བྱས་ནས། དམངས་འཚོའི་མ་དངུལ་གྲབས་གསོག་དང་གཅིག་གྱུར་འཆར་འགོད་བྱས་ནས་བཀོལ་སྤྱོད་ལ་ཤུགས་སྣོན་བྱེད། དམངས་འཚོའི་མ་དངུལ་བཀོལ་པའི་སྔོན་དང་ཡང་ན་བཀོལ་པའི་སྒང་།  བཀོལ་པའི་རྗེས་ཀྱི་ལྟ་སྐུལ་ལ་ཟུང་དུ་འབྲེལ་བའི་ནོར་སྲིད་ལྟ་སྐུལ་ནང་རྐྱེན་འཚོལ་ཞིབ་དང་འཐུས་ཚང་དུ་གཏོང་དགོས་ཤིང་།ཡོང་སྒོ་ལ་ལྟ་སྐུལ་དང་ནང་ཁུལ་ལ་ལྟ་སྐུལ།  རྩིས་གཉེར་ལ་ལྟ་སྐུལ། ལས་ཆོད་ལ་ལྟ་སྐུལ།སྔོན་རྩིས་སྒྲིག་བཟོ་དང་ལག་ལེན་ལ་ལྟ་སྐུལ་བཅས་ཕྱོགས་གཙོ་བོ་ལྔའི་བྱ་བ་དཀྱིལ་སྙིང་དུ་བཟུང་ནས།ནོར་སྲིད་དཔྱ་ཁྲལ་སྲིད་ཇུས་གཙོ་བོ་ལག་བསྟར་དང་དམངས་འཚོའི་མ་དངུལ་བཀོལ་སྤྱོད་གནས་ཚུལ་ལ་ལྟ་སྐུལ་བྱེད་པར་ཤུགས་སྣོན་བྱས་ཏེ། སྲིད་ཇུས་ཕན་འབྲས་ལྡན་པའི་སྒོ་ནས་དངོས་འབེབ་བྱེད་པར་ཁག་ཐེག་བྱེད་དགོས།  སྔོན་རྩིས་ལས་ཁུངས་དང་ལས་གཞི་ལག་བསྟར་ལས་ཁུངས། ནོར་སྲིད་ནང་ཁུལ་ལ་ལྟ་སྐུལ་ཞིབ་བཤེར་བྱེད་པར་ཤུགས་སྣོན་བྱས་ཏེ། ནོར་སྲིད་སྔོན་རྩིས་དང་ལག་བསྟར།ལྟ་སྐུལ་བཅས་ཕན་ཚུན་སྙོམ་སྒྲིག་དང་ཕན་ཚུན་མཐུན་སྦྱོར་གྱི་ནོར་སྲིད་འཁོར་སྤྱོད་ནང་རྐྱེན་འཚོལ་ཞིབ་དང་སྒྲིག་འཛུགས་བྱེད་དགོས་ལ། ནོར་སྲིད་མ་དངུལ་བདེ་འཇགས་དང་ཚད་ལྡན་ངང་བཀོལ་སྤྱོད་ཐུབ་པར་ཁག་ཐེག་བྱེད་དགོས། དུས་མཚུངས་སུ།ནང་ཁུལ་ཚོད་འཛིན་ལམ་ལུགས་འཚོལ་ཞིབ་དང་སྒྲིག་འཛུགས། ལག་བསྟར་བྱེད་དགོས་པ་མ་ཟད། ད་དུང་ད་ལོའི་ལམ་ལུགས་འཛུགས་སྐྲུན་བྱེད་པའི་དོན་ཆེན་ཞིག་ཏུ་བརྩིས་ནས་འཛིན་དགོས་པ་དང་། ལས་ཁུངས་ནང་ཁུལ་ཚོད་འཛིན་ལམ་ལུགས་ལ་ཞིབ་འཇུག་སྒྲིག་འཛུགས་དང་ལག་བསྟར་བྱེད་པ་དམ་འཛིན་བྱས་ཏེ་ཕན་ནུས་ལྡན་པའི་སྒོ་ནས་རིགས་སོ་སོའི་ལས་སྒོའི་ཉེན་ཁ་ལ་དོགས་ཟོན་བྱས་ནས།ལས་བྱེད་པའི་སྤྱོད་གཙང་དང་ནོར་སྲིད་མ་དངུལ་གྱི་བདེ་འཇགས་ལ་ཁག་ཐེག་བྱེད་དགོས།

  འཐུས་མི་རྣམ་པ། ད་ལོའི་རིགས་སོ་སོའི་ནོར་སྲིད་བྱ་བའི་འགན་ཁུར་ལྗིད་ལ་དཀའ་ཚེགས་ཆེ་བས། ང་ཚོས་ཁུལ་ཨུའི་ཡང་དག་པའི་མགོ་ཁྲིད་འོག་དང་།ཁུལ་དམངས་ཆེན་དང་དེའི་རྒྱུན་ཨུ་ལྷན་ཚོགས་དང་ཁུལ་སྲིད་གྲོས་བཅས་ཀྱིས་ལྟ་སྐུལ་མཛུབ་སྟོན་འོག  ཐེངས་འདིའི་གྲོས་ཚོགས་ཀྱིས་བཏོན་པའི་གྲོས་ཆོད་ནན་ཏན་གྱིས་ལག་བསྟར་བྱས་ཏེ། དཔལ་འབྱོར་མར་ཆག་པའི་གནོན་ཤུགས་ཆེ་རུ་འགྲོ་བའི་ཛ་དྲག་གི་གནས་བབ་ལ་ཁ་གཏད་དེ།ཐོག་མཐའ་བར་གསུམ་དུ་འཕེལ་རྒྱས་ཀྱི་ཆོད་སེམས་བརྟན་པོ་དང་སེམས་ཤུགས་གཅིག་སྒྲིལ། དཀའ་ཁག་ལ་མི་འཛེམ་པར་མདུན་དུ་བསྐྱོད་ནས།  རང་འགུལ་སྒོས“རྣམ་ཀུན་གསར་བའི”བླང་བྱ་གོམས་པར་བྱས་ཏེ། ཏན་ཏིག་གིས་བྱ་བ་བསྒྲུབ་པ་དང་། ལོའི་དམིགས་འབེན་འགན་ཁུར་ལེགས་འགྲུབ་བྱེད་པར་འབད་བརྩོན་བྱས་ནས་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་བདེ་བླག་ངང་རྒྱུན་མཐུད་འཕེལ་རྒྱས་བྱུང་བར་སྔར་ལས་ཆེ་བའི་བྱས་རྗེས་འཇོག་དགོས།