​ཀྲུང་གུང་ཀྲུང་དབྱང་གིས《ཀྲུང་གོ་གུང་ཁྲན་ཏང་གི་སྤྱོད་གཙང་རང་གཅུན་ཚད་གཞི》དཔར་འགྲེམ་བྱས་པའི་སྐོར་གྱི་བརྡ་སྦྱོར།

ཀྲུང་གུང་ཀྲུང་དབྱང་གིས《ཀྲུང་གོ་གུང་ཁྲན་ཏང་གི་སྤྱོད་གཙང་རང་གཅུན་ཚད་གཞི》དཔར་འགྲེམ་བྱས་པའི་སྐོར་གྱི་བརྡ་སྦྱོར།

         ཀྲུང་སྤེལ2015ཡིག་ཨང30བ།ཀྲུང་གུང་ཀྲུང་དབྱང་གིས《ཀྲུང་གོ་གུང་ཁྲན་ཏང་གི་སྤྱོད་གཙང་རང་གཅུན་ཚད་གཞི》དཔར་འགྲེམ་བྱས་པའི་སྐོར་གྱི་བརྡ་སྦྱོར།ཞིང་ཆེན་དང་རང་སྐྱོང་ལྗོངས།ཐད་སྐྱོང་གྲོང་ཁྱེར་བཅས་སོ་སོའི་ཏང་ཨུ་དང་། ཀྲུང་དབྱང་གི་པུའུ་ཨུ་སོ་སོ། རྒྱལ་ཁབ་ལས་ཁུངས་ཀྱི་པུའུ་ཨུ་སོ་སོའི་ཏང་ཙུའུ(ཏང་ཨུ)།བཅིངས་འགྲོལ་དམག་གི་སྤྱི་ཁྱབ་དམག་དཔུང་སོ་སོ། སྡེ་ཚན་ཆེན་པོ་སོ་སོའི་ཏང་ཨུ། མི་དམངས་ཚོགས་པ་སོ་སོའི་ཏང་ཙུའུ་བཅས་ལ།2010ལོའི་ཟླ1པར་ཀྲུང་གུང་ཀྲུང་དབྱང་གིས《ཀྲུང་གོ་གུང་ཁྲན་ཏང་གི་ཏང་ཡོན་མགོ་ཁྲིད་ལས་བྱེད་པའི་སྤྱོད་གཙང་སྲིད་ཚུགས་ཀྱི་ཚད་གཞི་འགའ》པར་འགྲེམ་བྱས་པ་དེས། ཏང་ཡོན་མགོ་ཁྲིད་ལས་བྱེད་པ་སྤྱོད་གཙང་སྲིད་ཞུགས་ཡོང་བའི་ཐད་ནུས་པ་གལ་ཆེན་ཐོན།ཏང་གི་ཚོགས་ཆེན་ཐེངས་བཅོ་བརྒྱད་པའི་ཚུན་དུ། ཁྱོན་ཡོངས་ནས་ཏང་ནན་མོར་སྐྱོང་བའི་ལག་ལེན་རྒྱུན་ཆད་མེད་པར་གཏིང་ཟབ་ཏུ་ཕྱིན་པར་བསྟུན།ཚད་གཞི་འདིས་ཁྱོན་ཡོངས་ནས་ཏང་ནན་མོར་སྐྱོང་བའི་ལག་ལེན་གསར་བའི་དགོས་མཁོ་བསྐང་དཀའ་བས།ཏང་ཀྲུང་དབྱང་གིས་བཟོ་བཅོས་བྱ་རྒྱུ་ཐག་གིས་བཅད། ད་ལྟ་བཟོ་བཅོས་བྱས་ཟིན་པའི《ཀྲུང་གོ་གུང་ཁྲན་ཏང་གི་སྤྱོད་གཙང་རང་གཅུན་ཚད་གཞི》(གཤམ་ནས་བསྡུས་མིང་ལ《ཚད་གཞི》ཟེར)ཁྱེད་ཚོར་འགྲེམ་སྤེལ་བྱས་པ་བཞིན་ནན་ཏན་གྱིས་ལག་ལེན་བྱེད་པར་ཞུ།《ཚད་གཞི》ཡིས་ཏང་གི་ཚོགས་ཆེན་ཐེངས་བཅོ་བརྒྱད་པ་དང་སྐབས་བཅོ་བརྒྱད་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་བཞི་བ་དགོངས་དོན་མཐའ་འཁྱོལ་དང་།སྒྲིག་ཁྲིམས་ལྟར་ཏང་སྐྱོང་བ་དང་ཀུན་སྤྱོད་སྟེང་ནས་ཏང་སྐྱོང་བ་གཉིས་ཟུང་དུ་འབྲེལ་ཞིང་།སྤྱོད་གཙང་རང་གཅུན་གྱི་བརྗོད་བྱ་གཙོ་བོར་དམིགས་ཏེ། ཏང་གི་ཕུགས་བསམ་དང་དད་མོས། དམིགས་ཡུལ།སྲོལ་རྒྱུན་སྤྱོད་ཚུལ་བཟང་བོ་བསྐྱར་བསྒྲགས་བྱས་པ་དང་། ཀུན་སྤྱོད་བཟང་པོ་ཞིག་ཡོད་དགོས་པ་ནི་ཏང་གིས་སྲིད་སྐྱོང་མགོ་བརྩམས་པ་ནས་བཟུང་དྲང་ཕྱོགས་ནས་འདོན་སྤེལ་བྱེད་ཅིང་།ཏང་ཡོན་ཡོངས་ལ་ཁ་ཕྱོགས་པའི་ཏང་ཡོངས་ཀྱི་སྤྱོད་གཙང་རང་གཅུན་བྱ་བ་ཚད་ལྡན་དུ་གཏོང་བའི་རྨང་གཞི་རང་བཞིན་གྱི་སྒྲིག་ཁྲིམས་གལ་ཆེན་ཞིག་ཡིན།ཏང་གི་སྒྲིག་ཡིག་གི་ཆོད་དོན་ཞིབ་ཕྲར་བཏང་བ་ཡིན་པས། ཁྱོན་ཡོངས་ནས་ཏང་ནན་མོར་སྐྱོང་བའི་ལག་ལེན་གྱི་གྲུབ་འབྲས་མཚོན་པ་དང་།ཏང་ཡོན་དང་ཏང་ཡོན་མགོ་ཁྲིད་ལས་བྱེད་པར་མཐོང་རེག་ཏུ་ཡོད་པའི་ཚད་གཞི་མཐོན་པོ་ཞིག་གཏན་ཁེལ་བྱས་པ་ཡིན།གུང་ཁྲན་ཏང་མིས་ཀུན་སྤྱོད་བཟང་བོ་བརྩོན་པ་མངོན་པར་མཚོན་པས། ཏང་སྲོལ་སྲིད་གཙང་འཛུགས་སྐྲུན་དང་རུལ་སུངས་ལ་རྒོལ་བའི་འཐབ་རྩོད་གཏིང་ཟབ་ཏུ་སྤེལ་བ་དང་།ཏང་ནང་ཁུལ་གྱི་ལྟ་སྐུལ་བྱེད་ཤུགས་ཇེ་དྲག་ཏུ་གཏོང་བ། ཏང་གི་སྔོན་ཐོན་རང་བཞིན་དང་དྭངས་གཙང་རང་བཞིན་གཏན་སྲུང་བྱེད་པ་བཅས་ཀྱི་ཐད་ནས་དོན་སྙིང་གལ་ཆེན་ལྡན།རིམ་པ་སོ་སོའི་ཏང་རྩ་འཛུགས་ཀྱིས་ཁྱོན་ཡོངས་ནས་ཏང་ནན་མོར་སྐྱོང་བའི་འགན་འཁྲི་གཙོ་བོ་དངོས་གནས་འཁུར་དགོས་ལ་ལག་བསྟར་བཟང་བོ་བྱེད་པ་དང་།《ཚད་གཞི》སློབ་སྦྱོང་དང་དྲིལ་བསྒྲགས། ལག་ལེན་མཐར་ཕྱིན་གང་ལེགས་བྱས་ཏེ།བླང་བྱ་སོ་སོ་ཏང་ཡོན་ཚང་མ་དང་ལྷག་ཏུ་ཏང་ཡོན་མགོ་ཁྲིད་ལས་བྱེད་པའི་སེམས་སུ་དམ་པོར་འཛིན་དགོས།རིམ་པ་སོ་སོའི་ཏང་ཡོན་མགོ་ཁྲིད་ལས་བྱེད་པས་མིག་དཔེའི་ནུས་པ་འདོན་སྤེལ་བྱས་ཏེ། སྔར་ལས་མཐོ་ལ་སྔར་ལས་ཀྱང་གཟབ་ནན་ཡིན་པའི་བླང་བྱ་ལྟར་སྣེ་ཁྲིད་དེ་སྤྱོད་གཙང་རང་གཅུན་གྱི་ཚད་གཞི་ལག་ལེན་བྱ་དགོས།རྒྱ་ཆེའི་ཏང་ཡོན་གྱིས་ཏང་གཤིས་བློ་སྦྱོང་ལ་ཤུགས་སྣོན་པ་དང་། ཏང་གི་སྲོལ་རྒྱུན་སྤྱོད་ཚུལ་བཟང་བོ་སྲུང་འཛིན་དང་དར་སྤེལ་བཏང་སྟེ།སྤྱོད་གཙང་རང་གཅུན་ཚད་གཞི་དེ་སེམས་ཁོང་དུ་འཛིན་ཞིང་བྱ་སྤྱོད་སྟེང་ལག་ལེན་བྱེད་པ། ཕུགས་བསམ་དང་དད་མོས།དམིགས་ཡུལ་བཅས་ཀྱི"ཚད་གཞི་མཐོན་པོ"རྒྱུན་འཁྱོངས་བྱས་ནས། གུང་ཁྲན་ཏང་མིའི་སྤྱོད་པ་དྭངས་གཙང་ཡིན་པའི་ཆབ་སྲིད་ངོ་བོ་དུས་ནམ་ཡང་སྲུང་འཛིན་བྱ་དགོས།《ཚད་གཞི》འདི2016ལོའི་ཟླ1པའི་ཚེས1ཉིན་ནས་བཟུང་ལག་བསྟར་བྱེད་མགོ་བརྩམ་པ་དང་།《ཀྲུང་གོ་གུང་ཁྲན་ཏང་གི་ཏང་ཡོན་མགོ་ཁྲིད་ལས་བྱེད་པའི་སྤྱོད་གཙང་སྲིད་ཚུགས་ཀྱི་ཚད་གཞི》འགའ་དུས་མཉམ་དུ་བེད་མེད་དུ་གཏོང་རྒྱུ།ས་ཁུལ་སོ་སོ་དང་སྡེ་ཁག་སོ་སོས《ཚད་གཞི》ལག་བསྟར་བྱེད་པའི་སྐབས་ཀྱི་གནས་ཚུལ་དང་གྲོས་གཞི་གལ་ཆེན་དུས་ཐོག་ཏུ་ཏང་ཀྲུང་དབྱང་ལ་སྙན་ཞུ་འབུལ་དགོས།

      ཀྲུང་གུང་ཀྲུང་དབྱང་གིས།2015ལོའི་ཟླ12པའི་ཚེས18ཉིན། ཀྲུང་གོ་གུང་ཁྲན་ཏང་གི་སྤྱོད་གཙང་རང་གཅུན་ཚད་གཞི།ཀྲུང་གོ་གུང་ཁྲན་ཏང་གི་ཏང་ཡོན་ཚང་མ་དང་རིམ་པ་སོ་སོའི་ཏང་ཡོན་མགོ་ཁྲིད་ལས་བྱེད་པས་གུང་ཁྲན་རིང་ལུགས་ཀྱི་ཕུགས་བསམ་དང་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཡིད་ཆེས་ངེས་པར་ཇེ་བརྟན་དུ་གཏོང་དགོས་ལ།བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བའི་རྩ་བའི་དམིགས་ཡུལ་ངེས་པར་རྒྱུན་འཁྱོངས་བྱེད་པ།ཏང་གི་སྲོལ་རྒྱུན་དང་སྤྱོད་ཚུལ་བཟང་བོ་ངེས་པར་རྒྱུན་འཛིན་བྱེད་པ། ཀུན་སྤྱོད་རྒྱུ་གཤིས་བཟང་བོ་ངེས་པར་རང་རྟོགས་ཀྱིས་སྐྱེད་སྲིང་བྱེད་པ།ཀྲུང་ཧྭ་མི་རིགས་ཀྱི་སྲོལ་རྒྱུན་ཀུན་སྤྱོད་བཟང་བོ་དར་སྤེལ་ཅི་ཐུབ་དང་སྤྱོད་གཙང་རང་གཅུན།ལྟ་སྐུལ་དང་ལེན་བཅས་བྱས་ཏེ་དུས་ནམ་ཡང་ཏང་གི་སྔོན་ཐོན་རང་བཞིན་དང་དྭངས་གཙང་རང་བཞིན་སྲུང་འཛིན་བྱ་དགོས།ཏང་ཡོན་གྱི་སྤྱོད་གཙང་རང་གཅུན་ཚད་གཞི།དོན་ཚན་དང་པོ། སྒེར་གཞུང་གསལ་བོར་འབྱེད་ཅིང་།སྔོན་ནས་གཞུང་དོན་དང་གཞུག་ནས་སྒེར་དོན་བསྒྲུབ་པ། སྒེར་དོར་སྤྱི་སྐྱོང་བཅས་རྒྱུན་འཁྱོངས་བྱེད་པ།དོན་ཚན་གཉིས་པ།སྤྱོད་པ་གཙང་བར་དད་བཀུར་དང་རུལ་སུངས་ལ་ངོ་རྒོལ་བྱས་ནས། ཀླད་པ་གསལ་བའི་མི་ཞིག་བྱེད་པ་དང་སྤྱོད་པ་གཙང་བས་དོན་དག་སྒྲུབ་པ།དོན་ཚན་གསུམ་པ།གྲོན་ཆུང་ལ་དད་བཀུར་དང་ཆུད་ཟོས་སུ་མི་གཏོང་བ་རྒྱུན་འཁྱོངས་བྱས་ཏེ། དཀའ་སྤྱད་བབ་ཆགས།ཧུར་བརྩོན་གྲོན་ཆུང་བྱེད་པ།དོན་ཚན་བཞི་བ། སྔོན་ནས་དཀའ་སྡུག་མྱོང་བ་དང་རྗེས་སུ་ལོངས་སྤྱོད་བྱེད་པ་རྒྱུན་འཁྱོངས་བྱས་ཏེ།གསོལ་འབུལ་བྱེད་པར་ཡིད་སྤྲོ་བ།ཏང་ཡོན་མགོ་ཁྲིད་ལས་བྱེད་པའི་སྤྱོད་གཙང་རང་གཅུན་ཚད་གཞི།དོན་ཚན་ལྔ་བ།སྤྱོད་གཙང་སྲིད་ཞུགས་བྱས་ཏེ་རང་རྟོགས་ཀྱིས་མི་དམངས་སྤྱི་ཞབས་པའི་ངོ་བོ་སྲུང་འཛིན་བྱེད་པ།དོན་ཚན་དྲུག་པ།སྤྱོད་པ་གཙང་བས་དབང་ཆ་བཀོལ་ཏེ། རང་རྟོགས་ཀྱིས་མི་དམངས་ཀྱི་རྩ་བའི་ཁེ་ཕན་སྲུང་སྐྱོང་བྱེད་པ།དོན་ཚན་བདུན་པ།སྤྱོད་གཙང་བློ་སྦྱོང་བྱས་ཏེ་རང་རྟོགས་ཀྱིས་བསམ་བློའི་ཀུན་སྤྱོད་ཀྱི་ཆུ་ཚད་ཇེ་མཐོར་གཏོང་བ།དོན་ཚན་བརྒྱད་པ། སྤྱོད་པ་གཙང་བས་རང་ཁྱིམ་སྐྱོང་བ་དང་། རང་རྟོགས་དང་སྣེ་ཁྲིད་དེ་ཁྱིམ་སྲོལ་བཟང་བོ་ཆགས་སུ་འཇུག་པ་བཅས་སོ།